2013年10月5日 星期六

2Q12瀛遊東北@岩木山

「七月將近結束的那個夜晚,遮蔽天空多日的厚雲層終於散去,兩個月亮鮮明地浮現在空中,在家中的小陽台上遙望著那光景。很想立刻給誰打電話,告訴他:請從窗口伸出頭,抬臉看看天空。怎樣?天上浮著幾個月亮?從我這裡可以清楚地看到兩個月亮哦。你那邊怎樣?」



基爾在宏前城天守閣裏簡單走了一圈後,為免讓城外的友人等得太久,還是急急腳離開為上。不過城樓下其實還有個小御園,既然畀了¥300也無謂浪費,一於快步走過去速行一轉吧!



御園的西面有一處展望台,可以盡覽遠處的岩木山。從地圖可見,其實此山距離宏前城甚遠,但由於山勢高,前面又無高樓大廈遮擋,所以即使遠觀依然清晰可見雄偉山勢。



屹立於日本東北津輕平原上的岩木山海拔1625米,是青森縣的第一高峰,遠眺山頂隱約可見岩木、鳥海及嚴鬼三座長年披雪的山峰,由於外形與富士山相似,所以也被譽為「津輕富士」,是日本百名山之一。



由於時近黃昏,展望台上基本上已無乜遊客,可以愜意地在這裏看看山景賞賞紅葉也不錯!



展望台往外望是一片紅葉樹海,雖然不能久留,但也忍不住要卸下背囊,在這裏的長椅上攤抖一會。



好了!雖然有點依依不捨但終須一別,不過臨離開前點都要同宏前城say goodbye先得。



出返城樓會合友人後,再沿走道往東門方向走,途中又經過幾處花園和護城河,難怪這裏也是拍紅葉的旅遊熱點。



離開前順手在植物園外拍下來的花卉擺設。可能是311東北大地震後少了外國團來這裏,途中遇到的外地遊客似乎不多。



走了很久終於來到東門,宏前城的本丸、二之丸和三之丸範圍可真大,若要仔細遊覽真的要花一整天才足夠呢!



再坐返觀光巴士返回宏前火車站,不過原來巴士總站距離火車站有一段距離,幸好得到同車的兩位中學生妹妹幫忙帶路,走了幾條街才順利返到火車站,真係要再三多謝她們!上圖是火車站旁的商場,驟眼睇真有少少似去了Sogo。



上圖左是火車站外的郵筒,由於宏前也以出產蘋果著名,郵筒上也擺了個大紅蘋果作裝飾。由於距離上火車時間仲有成個幾鐘,一於先去食個early dinner,就揀了火車站旁的福福屋,由於店裏鋪了傳統木地板,所以接待處有一整列貯物櫃供顧客寄存鞋履!



由於才5點幾,所以店內不太多客人,仲唔拿拿林落單開餐咩!率先來的是鰻魚飯和炸牡犡,正!



緊接上桌的是Cesar Salad,由於行了大半天宏前城,基爾一行的「蝗蟲部隊」基本上都餓到打晒鼓,所以當店員一擺低美食,幾乎都立即掃清光,正正!



再來的是雜錦天婦羅和蘿蔔蒸豆腐,轉眼間就好似一陣風咁消失得無影無蹤,可知有幾好味道,正正正!



依然未滿足,再叫了燒牛舌、石頭鍋蛋飯和魚生併盤,encore又encore之後,畀多個正正正正!



短短個多小時速速清晒貨,剛剛好夠鐘堆單走人,盛惠¥9021,都算ok抵食喎!



食飽就要返火車站,因為JR一般都非常準時到站準時開出,逾時不候,果然大約6點半就開車,10點已經返到東京站。



3個幾鐘在火車上除了訓下休息下之外,就係睇睇腳下喱本Train Shop,裏面有很多新奇有趣的東西賣。



返回東京站後再轉乘地鐵往新宿,由於有JR Pass所以不用再買飛,不過來到新宿西出口已經是10:30pm左右,加上預訂了的Hyatt Regency Tokyo Hotel不太近地鐵站,結果找了很久,來到酒店check-in時已過了11:00pm……

27 則留言:

  1. 貯物櫃存鞋履,店內不太多客人>>>似乎係你腳臭有關. kakakaka

    回覆刪除
  2. 又到紅葉季節呢 ^^ 好想去日本 :P

    回覆刪除
  3. 估唔到火車站的食店出品都咁正!

    回覆刪除
  4. 黃昏西照片片紅葉,好難得景觀,有冇嚟個海棠春睡寫真集?

    回覆刪除
    回覆
    1. 哈哈,帶咗黑超咪唔驚人認到

      刪除
    2. Good Idea~~~~都幾有戲劇效果, 下次不如你試下先XXD

      刪除
  5. 真係人影唔多隻,好冷清!
    近日睇到D關於日本幅射和食物安全報道,開始唔敢食日本嘢呀(雖然我呢度唔會找到日本入口的食物)

    回覆刪除
    回覆
    1. 其實日本來的魚生真的不要食太多, 尤其小豆小朋友佢地都唔好畀佢地食呀@@

      刪除
  6. 日本的秋天讓人懷念。

    回覆刪除
  7. 風景靚,食物美,樂逍遙……

    回覆刪除
  8. 點解成日都喺妹妹幫忙帶路嘅,好似唔多覺你有提弟弟/哥哥...帶路喎,
    難道...Gael 淨喺吸引 D 妹妹仔!:D

    回覆刪除
  9. Hi, 你就好啦成功搬家, 我仲老鼠拉龜.........嗚嗚

    回覆刪除
    回覆
    1. 你好XXL ^^
      很高興有見返你
      唔緊要啦慢慢來,一日搬少少一日搬少少囉!
      剛看了一個blog介紹搬家方法,先文和相片copy and paste到google doc,再由google doc copy and paste到blogspot就可以,這方法簡單好多,不妨一試

      刪除
  10. 感覺好舒服, 但點解好似成日都冇乜人咁 ?!

    回覆刪除
    回覆
    1. 外地遊客不多, 可能驚輻射

      刪除
    2. 一大班人去乘風破浪很愜意
      橋嘴的長沙堤真的很特別呢
      下次要搽多啲防曬就唔怕兩截色^^

      刪除
  11. 紅葉季節,漫天五彩的樹木,實在吸引人. . .

    回覆刪除
    回覆
    1. 現在氣候暖化了, 如果11月去可能會更多紅葉睇

      刪除