2013年12月17日 星期二

2Q13秋見信州@馬籠宿

「來的是只掛有兩節車廂的電車。鐵路穿過高樓櫛比鱗次的繁華大街,穿過間有小商店和住宅的地段,繼而從工廠和倉庫前面駛過。有公園,有公寓建築工地。我臉貼車窗,出神地觀看陌生地方的風景。在我眼裡一切都那麼新鮮……」



在名古屋的第一個清晨很早就要起來了,為免太花時間四圍搵食肆,索性就在酒店餐廳吃了個¥500的早餐(有味噌湯、飯和燒鯖魚和茶),來不及影相就要拿拿林返上房拎行李出發。臨行前差點忘了影酒店房外的樣子,走廊中間是通天的天井,很有點屋村feel。



由榮站搭地鐵返名古屋中央站,剛好趕上8:00am開出的JR,9:00am左右抵達中津川站,準備向首個目的地馬籠宿進發前,當然又要先四處張羅暫存行李的地方,由於友人行李篋太大火車站locker放唔入,所以又要去搵info centre或附近店舖碰運氣,不過今次看來運氣不太好,加上巴士又快要開出,逼於無奈唯有帶埋個重篋上路!



由中津川乘巴士約半小時就來到山腰的馬籠宿,上圖是巴士總站旁的馬籠館,那是間手信店和小食店,入去問老闆還是不願收留行李,幸好旁邊的咖啡館姐姐一口答應,而且還不收分毫,基爾才能輕裝上路出發遊走馬籠宿山城。



馬籠宿是信州著名的古驛站,至今已有逾400年歷史。話說17世紀初德川家康統一日本展開江戶幕府時代,分別大規模修築了5條主驛道連接關東的江戶(東京)和關西的大阪和京都,當中行走內陸山路的中山道就有妻籠宿和馬籠宿兩個驛站供商旅和武士投宿。2008年關西之行基爾已率先去過妻籠宿,5年後這次才有機會行埋下半段。上圖就是穿越馬籠宿的中山道石板古街。



中山道全長540公里,江戶與京都之間共設有69宿,當中11個設於信州。時至今日當然大部份古驛站已經消失,唯獨妻籠和馬籠兩宿因古風猶存而成為旅遊熱點。上圖右是立於古街旁的「常夜燈」,圖左是古街兩旁的古驛館和水車磨坊。



古道旁突然有一株素白的野花橫斜而出,在基爾鏡頭下彷彿成了古畫中的主角。幾百年前鱗次櫛比築於中山道兩旁的古驛館,今時今日除了成為招呼遊客的民宿旅舍外,部份也變身成手信店和小食店之類,商業味頗濃。



現存中山道兩旁的木建築看來都修葺得甚新淨,原來大部份都只有200多年歷史,翻查資料才知馬籠在明治二十八年(1895年)和大正四年(1915年)先後發生過兩次大火,除了中山道上的古石板街和稱為「桝形」的隘口外,其餘幾乎都是19世紀復刻重建的,無怪乎基爾覺得妻籠宿那邊始終多一點「原汁原味」。



樹立在「桝形」隘口的仿古木告示牌,雖然上面是全日文書寫,但由於當中夾雜了不少漢字,基爾齋估估下應該都是在介紹「馬籠之宿場」的歷史故事吧!



上圖右的木路牌,又憑漢字玩猜謎遊戲,估計都係提醒遊客在雨天時走在石板街上要小心注意不要滑倒。



馬籠宿中山道旁的清水屋資料館。中山道信州段跨越木曾山脈和海拔306米的禦嶽山,是條艱險的山路,當中大部份被山林覆蓋。



中山道本身就是條很有古風味道的石砌山路,沿路一直往上走,可發現路邊有條坑渠一直引水往山下去,這裏所謂的坑渠當然有別一般的污水渠,基本上它就是一條小清溪,基爾見不少商戶會引水築成小魚池用來飼養錦鯉。左上是其中一間紀念品店,走得累了也可坐在店外的石階稍歇。



原來栗子是馬籠宿這裏的名物,山路上其實沿途都見到不少售賣栗子雪糕和糕餅之類的小食店,友人試過栗子雪糕,感覺上栗子味不太濃;基爾吃的這個熱辣辣的野菜餅味道卻不錯,只售¥170,老闆還大贈送買一送一。



每次去旅行如果有路經郵局例必會入去逛逛,看看會有什麼特式郵票買來留念,中山道旁原來也有間馬籠郵便局,可惜今次入去就無乜收穫了!



除了小食店和手信店外,中山道旁比較特別的還有上圖這間藤村記念館,它原來是由宿場本陣(主屋)改建而成,是明治時代著名小說家兼詩人島崎藤村的故居,他的長篇歷史小說《拂曉前》就是以故鄉馬籠宿作背景。



記念館由於要收入場費,所以只在前園看看就算了,沒多花時間入去睇。再往山上走竟然發現了一間「無料休憩所」,更難得的是還有free wifi提供,在這種古鎮竟也有free wifi確令人意外。

44 則留言:

  1. 上星期我都去左日本,係郵局買左Hello Kitty郵票,好正~

    回覆刪除
  2. 古譯站! 我搬緊既遊記絲路都有好多古譯站呀!

    回覆刪除
    回覆
    1. Silver:我還以為你早已搬晒
      絲路我諗一定比日本多,等睇你的遊記^^

      刪除
  3. 日式古村就係有種風味.

    回覆刪除
    回覆
    1. 魚:相比起中國大陸的古鎮,日本的算係保養得比較好和沒有太誇張的商業味道

      刪除
  4. 回覆
    1. Sanwei:我鍾意靜靜地,沒太多遊客;之前去過大陸的古鎮仲多人過旺角,好可怕

      刪除
  5. 咖啡館姐姐收留你哋d行李,咁有冇報答佢呢?

    回覆刪除
    回覆
    1. 王子:梗係有啦仲問嘅?!!!!!^0^

      刪除
    2. 乜個姐姐唔驚行李裡面係毒品咩?!
      不過睇Gael兄外表都知係老實人一個,唔會出蠱惑~~

      刪除
    3. 森:咁~~~~應該都係嘅睇我個樣都唔似壞人啩^^

      刪除
    4. 基仔唔學你咁樣報答人囉!kakakakakakakakakaka......

      刪除
  6. 成日要換酒店換車,就唔應該拎大件行李啦.
    栗子雪糕sogo果間北海道牛奶都有.佢另一隻薑味唔錯.

    回覆刪除
    回覆
    1. 毛:我都覺得係架,不過如果要shopping(似乎是去日本指定動作),無計都要帶大篋
      栗子味濃唔濃?
      我喱啲鄉下仔成年都唔去銅鑼灣一次架喎:P

      刪除
  7. 日本古舊村落別有一番風味情調!

    回覆刪除
    回覆
    1. Wan:至少人唔多,行得舒服輕鬆啲^^

      刪除
  8. 你又講得啱呀!酒店的設計真係有啲似井字型屋村…

    回覆刪除
    回覆
    1. 森:如果有住過或去過喱種公屋就一定會有同感!

      刪除
  9. 基仔著咁少衫唔凍咩!
    個間馬籠郵便局,冬天開唔開o架?好凍過喎!

    回覆刪除
    回覆
    1. JJ:行山喎,點會熱,而且果日都有成十幾廿度架
      冬天應該都開,旅遊區喎!要賺錢呢,凍都開啦
      我諗唔凍得過北海道吧

      刪除
    2. kakaka.....又多個人叫你基仔!kakaka.......

      刪除
  10. 馬籠宿這個地方好靚,栗子餅味道唔錯。

    回覆刪除
    回覆
    1. Choa:都幾好行,唔算太多人,全程只撞到一團香港團XD
      栗子餅味道ok架

      刪除
  11. 這個地方有種清優樸實,令人好舒服喎。

    回覆刪除
    回覆
    1. BIM:係呀,完全無霧霾,吸啖空氣都清新啲,可說是「洗肺」之旅XD

      刪除
    2. 睇嚟你幾enjoy喎,希望你洗肺之餘唔會太多駛費

      刪除
    3. BIM:其實駛費都幾多架以我來講XXD

      刪除
  12. 基仔成個日本通咁, 佩服!

    回覆刪除
    回覆
    1. Peter:見笑了,大把人通過我啦,好多人一年都走幾轉日本架^^

      刪除
  13. 好鍾意石板古街,覺特別乾淨利落!

    回覆刪除
    回覆
    1. BK:SF果邊好似都有啲老街,好期待來看看^^

      刪除
  14. 有诗情画意的感觉:) 悠闲自在挺好的...

    回覆刪除
  15. 古樸小鎮,真想一遊!

    回覆刪除
  16. 各下應該相當靚仔,又有人幫手收留行李,又有買一送一 ;-)

    回覆刪除
    回覆
    1. Bugs:完全唔會晒~~~有相為證應該唔係kakakakaka
      我諗應該無蟲老公咁靚仔XXXD

      刪除
  17. 馬籠宿我都有去過, 感覺都幾舒服!!

    回覆刪除
    回覆
    1. 蜻:感覺唔錯,至少不像中國的古鎮般逼爆人><

      刪除