2014年1月13日 星期一

遺忘的唱盤時光@齊豫

今時今日音樂節目已經再無收視可言?!當然如果是九唔搭八二打六業餘歌手的乜選物選馬拉松,就真的完全沒看的意欲了……不過基爾最近無意間看到央視音樂台的「夢想星搭檔」,終於明白近年內地這類高水平音樂比賽節目為何咁熱爆,這集剛好有基爾幾喜歡的齊豫,睇完唔夠喉還要從床下底拎返佢隻精選碟出來聽一聽。



即使沒聽過齊豫這名字,也一定聽過《橄欖樹》吧!這張2000年2月由滾石唱片推出的「齊豫3DCD精選輯」掛頭牌的正正就是她這首成名代表作,事實上她那脫俗出塵的獨特歌聲也是70年代台灣民歌和文藝片的象徵,彷彿就是樂壇裏的三毛。



除了《橄欖樹》之外,碟中還有幾首耳熟能詳的老歌,包括有《歡顏》、《船歌》、《走在雨中》、《九月的高跟鞋》等等,不過基爾獨愛半冷門的《有一個人》,歌中的「暮鼓晨鐘」簡直就是特別為了展現齊豫「仙味」十足的天籟歌聲度身訂造一樣,不信的話不妨click入link聽聽。



齊豫近年已甚少在香港電視台的音樂節目亮相,只曾在前年與潘越雲、萬芳等在澳門開過演唱會。這次在電視看到她與弟弟齊秦合唱梅艷芳舊作《女人花》,已屆56歲「高齡」的她雖然與弟弟一樣發福不少,但其零瑕玼的歌聲幾乎沒半點歲月痕蹟。

我有花一朵 花香滿枝頭 誰來真心尋芳蹤
花開不多時啊堪折直須折 女人如花花似夢


我有花一朵 長在我心中 真情真愛無人懂
遍地的野草已佔滿了山坡 孤芳自賞最心痛




要知道翻唱梅姐的歌絕非易事,齊豫配合齊秦和唱的這個翻唱版本則別具台式文藝韻味,感染力不遜於梅姐的原唱版,這種天后級數也無法在當今香港樂壇女歌手中找到!



節目中除了有齊豫齊秦姊弟組合外,基爾至愛的還有蕭煌奇楊培安、潘越雲阿蘭和沙寶亮黃綺珊幾對,連比較新的李煒江映蓉合唱《你最珍貴》也令基爾對這pair「金童玉女」刮目相看,在一眾參賽的前輩巨星前表現不失禮之餘,與原唱的張學友高慧君也相差不遠!



也可能由於遇強越強關係,就連來自香港的古巨基容祖兒,表現也在水準之上(至少明顯比在無記音樂節目唱得更用心和認真,不能有任何差池),他們翻唱周董溫嵐的《屋頂》果真也沒丟了港星的臉,基爾暗捏一把汗(看其緊張的表情相信他們也一樣)之餘,也衷心替這對港星皇牌鼓掌。

36 則留言:

  1. 新年快樂基爾!
    每次回港,在我老家都總是播放着滾石精選CD,所以齊豫都係成日會聽到,其實那時候很喜歡張洪量架。。。。

    回覆刪除
    回覆
    1. Lucamom:諗起張洪量就一定記返起花蝴蝶和黑玫瑰^0^
      雖然已經超過廿年但間中仲會重播呢XXXD

      刪除
    2. 仲有張宇呀
      C啦,不經意地透露了年齡tim

      刪除
    3. Lucamom:唔驚啦大家都係同年代人啫^^

      刪除
  2. 我都有齊豫一隻CD, 其實佢兩姊弟的聲音都很美。

    回覆刪除
    回覆
    1. Samwei:雖然後天可以苦練唱功,不過我仍相信靚聲都係天生的!

      刪除
  3. 回覆
    1. Yan:咁有時間不妨click入上面的link聽下啦,齊豫唱的女人花真係好好聽好有感染力!

      刪除
  4. 回覆
    1. 王子:央視財力雄厚廣播覆蓋面又大,所以都好多真正中港台巨星上佢哋啲音樂節目呢!

      刪除
  5. 國內好多音樂/綜藝節目依家都相當有水準!CCTVB真係行埋一邊!
    相比齊秦,齊豫作為女人保養得算唔錯了.

    回覆刪除
    回覆
    1. 毛:平時我都唔多睇大陸台的電視劇,唯獨是這個音樂台和中天的康熙周不時來捧吓場的^^
      無記的音樂節目只係個笑話來吧!歌手多數唔識,歌亦不好聽,有九點收視已經求神拜佛啦!
      齊豫後生時瘦一點更有文藝味道,把聲就真係十年如一日咁靚!齊秦個肚腩肥咗好多,後生時好瘦,仲留長頭髮似blue jeans,我反而覺得依家短髮順眼啲XXD

      刪除
  6. 回覆
    1. Ray:70後台灣民歌經典,仲要係除了齊豫之外無人唱得好聽^^

      刪除
  7. 兩姐弟都是好歌之人,經典無數!

    回覆刪除
  8. 上YT睇過齊大姐跟細細佬duet,好有仙味!有報道話因感到三毛同李泰祥已離開,她以後可能唔再唱橄欖樹,希望佢唔好咁諗

    回覆刪除
    回覆
    1. BIM:女人花喱首超正呀,聽幾次都依然覺得好感動!
      噢,如果係咁就實在太可惜了~~~

      刪除
  9. 都唔駛將以前的歌手同而家比...咁好唔公平...因為而家的歌都冇乜聽~~

    回覆刪除
    回覆
    1. 森:唔係喎我都有聽㗎喎~~~~不過多數都唔好聽同埋無特色,聽兩三次都唔記得係乜水唱,至少我唔會畀錢買佢哋啲CD囉~~~><

      刪除
  10. Gael,都是以前的歌好聽,還有中國的歌唱節目非常捧.

    回覆刪除
    回覆
    1. Andrew:對,至少唔會似講嘢多過唱歌啦XXXD

      刪除
  11. 香港唱片業搞音樂為賺錢,都唔係真正鍾意音樂,咪整到衣家咁囉!個個上左岸的大歌星,又有幾多人會投資返落去唱片業培育新人呀?

    回覆刪除
    回覆
    1. JJ:阿黎天王算唔算?不過佢好似無乜恆心><

      刪除
    2. 佢有做過吓咁嘅!但係佢嘅信念唔夠,好多野都會蛇尾。

      刪除
    3. JJ:直情啦搞到衛蘭依家半紅不黑

      刪除
  12. 看來這「齊豫3DCD精選輯」也值得一買, 謝謝分享^^!

    回覆刪除
    回覆
    1. 奕山:喱隻精選碟出咗好耐未知仲有無得賣,不過齊豫其實還出過很多精選可供選擇的^^

      刪除
  13. 齊豫的唱片,我最喜歡《stories》!

    回覆刪除
  14. 你提及的国內節目 ~ Sky 都有睇過 @ 好正 Vs 好精彩的^^

    回覆刪除
    回覆
    1. Sky:依家我都間唔中扭過去睇央視音樂台的^^

      刪除