2014年1月17日 星期五

人山人海睇紅葉:上@大棠

每年十二月中到一月初都係元朗大棠睇紅葉的旺季,不知為何今年尤其旺場,搞到每逢周末都逼爆大棠,基爾為避人潮還是選擇季尾才的起心肝去賞楓。



基爾去年取道元荃古道,由荃景圍上山一直走到大棠;今年則採相反方向由元朗出發,大清早先搭西鐵來到朗屏站,會合友人後再乘K66向南坑排進發。



其實如果非旺季大可在元朗千色店旁的巴士站上車,不過紅葉旺季還是在朗屏總站較有把握,因為巴士來到元朗中途站通常都已經爆滿。上圖右是南坑排農戶種的油麥菜,非常翠綠呢!



友人說在南坑排落車比在大棠總站落車更佳,主要因為這邊人潮較少,總站那邊比較多人上山BBQ。閃電穿越南坑排村,進入上山路段後已開始見到零星紅葉了。



登山路徑沿途都有路牌指示,基本上沿住大棠自然教育徑方向走就不會蕩失路。雖然來到秋冬季節一般都較少下雨,不過上圖右一條小石澗裏仍可見到淙淙流水,挺有詩意!



除了有紅葉看之外,其實沿途都有好多靚花睇,當然路邊的野花不要採啦!



行了差不多一小時就來到燒烤場,今次雖然沒打算來BBQ,不過單單來看這一望無際的觀景台view也值得,山下就是元朗鄉郊。



在燒烤場的涼亭閒坐休息一會兼吃點麵包後又再起程了,這裏已有路牌指示楓香林的方面,不過只跟人潮行也絕無問題,所有人都是走同一方向。



很喜歡上山路旁的這條「小長城」,與長洲那條有得fight!



走進楓香林第一個check point,已經見人群圍住一棵二棵楓香樹個個頭顎顎係咁影呀影!基爾只帶了傻瓜機其實都好難影到高樹上的靚紅葉,無聊時唯有selfie一下打發時間吧!



行行下好彩都有棵較矮的紅葉畀基爾影下close-up玉照。楓香樹原產於亞熱帶的華南及台灣,呈三葉狀,有別於華北、日韓以至美加歐洲常見的溫帶楓樹品種。



即使不影紅葉,只影到來賞葉的少男少女也令人賞心悅目。基爾如果後生十年,應該都有喱種興致吧!



單影人潮其實都幾有趣,例如check point 2喱張山邊小丘上就築起了一幅「人牆」,比剛才見到的小長城還要壯觀呢!



另一堆人又圍住一棵紅葉垂枝係咁影係咁影係咁影……基爾也去趁熱鬧,影出來都唔錯喎!



有幾棵紅葉就種在山坡邊緣,由這裏往外望風景也是一流,無怪乎即使非紅葉旺季也有不少人來行山……(待續)

54 則留言:

  1. 一日之內咁多人去,草都死!
    香港人乜都一蝸風,今次睇紅葉,下次又唔知搞乜:-(

    回覆刪除
    回覆
    1. 霸:我去果陣已經係紅葉季尾但都仲好多人,可想而知之前仲勁!
      下一輪好似係去賞梅丫嘛,啲人已經話湧去大埔云云

      刪除
    2. 今天開車經過大埔,路邊有棵梅花樹,有三十人係度影相,有點汗顏

      刪除
    3. King:係呀近排又有賞梅熱潮,你有無去賞下呢?

      刪除
    4. 近排都很忙,有空先做下運動

      刪除
    5. King:忙完可以過年放下假啦^^

      刪除
  2. 大棠是NNNNNN個年前學校旅行會去的地方,原來有紅葉睇,我呢個屯門人都唔知呀。。。。。

    回覆刪除
    回覆
    1. Lucamom:係呀,果度有個燒烤場,我諗都多學校秋天去旅行的!
      依家好多地方都有種楓香樹,聽人講青衣公園同CU果啲都幾靚

      刪除
  3. 太多人啦,今年我無去﹗

    回覆刪除
  4. 基仔好返哂喇!周圍貢囉!咔咔...

    回覆刪除
  5. 等年尾,搵嗰閒日,趁墟!

    回覆刪除
    回覆
    1. 摩:去CU未圓湖看,近我哋一點^^

      刪除
    2. 我笨,不知是何處,要基爾哥哥引路!

      刪除
    3. 摩:其實我也未去過,搵日去探險XXD

      刪除
  6. 我反而覺得 青衣公園 果D靚D!

    回覆刪除
    回覆
    1. Kaka:係呀我見人地青衣啲相都幾靚

      刪除
  7. 我都係想睇吓selfie多d喎.

    回覆刪除
  8. 大棠睇紅葉嘅遊人真係唔少!

    回覆刪除
    回覆
    1. Wan:離開了楓香林即時有豁然開朗感覺^0^

      刪除
  9. 乜鬼都一窩風, 慌死執輸行頭, 痴鬼線 !

    回覆刪除
  10. 回覆
    1. Teddy:樹海外就是懸崖,是唯一較少人接近的地方XXD

      刪除
  11. 今年真係好多人去影紅葉喎。

    回覆刪除
  12. 回覆
    1. 奇:你果邊一定已經睇到厭晒啦^0^

      刪除
  13. 有些事情只在乎心態, 後唔後生十年冇關係, 想影就影吧!! 及時行樂嘛~~

    回覆刪除
    回覆
    1. 森:都係無謂同啲後生爭位啦,怕醜kakakakaka

      刪除
  14. 你仲後生,隻手又未好番哂,梗要有個人拖下去睇葉啦!

    回覆刪除
  15. Gael,現在大棠仍然那麼多人.

    回覆刪除
    回覆
    1. Andrew:其實我去果間好多葉都已經落左,依家可能仲光禿禿吧!

      刪除
  16. 本來都想去多次,
    但見網友影的相都是人山人海,
    還是去離島好了。 ^_^

    回覆刪除
    回覆
    1. 博樂:你去長洲那邊也不錯,而且冬天去長洲好似無咁多人,舒服啲^^

      刪除
  17. 我上個月去呢度已經人多到嚇人了 , 你話齋睇人都係娛樂嚟喇 kakaka .
    < check point 2 > 的人牆都好誇張喇 .

    回覆刪除
    回覆
    1. ak:直情多人過旺角,搞到果度大塞車畀啲村民投訴云云!
      係呀成排人企晒係果度影對面山坡的紅葉呀,變咗一道人牆咁XD

      刪除