2014年1月23日 星期四

周末自由蕩:上@九龍+機場

近幾個周末去了幾處地方,單獨出又嫌太無聊,就夾埋一齊當係做個簡單生活日誌吧!



好耐無行過出去九龍灣的MegaBox,喱日去到除了睇下有咩Big Sale之外,離開前仲順道逛逛旁邊的零碳天地,喱日去到由於是周日所以主展館關閉了。



在工廈林立的舊工廠區突然有一片綠色地帶其實都幾有趣,行商場之餘可在這裏hea陣曬下冬日陽光也不錯!上圖是主展館外的一排Q版公仔。



今年雖然無去維園工展會,不過就去了旺角喱個「迷你版工展會」,叫做本地漁農美食迎春嘉年華。



說它是工展會的延續也沒錯,檔攤類型也是大同小異,比較特別係有幾檔售賣有機蔬果,不過由於實在太多人,所以結果都無用喱本「入場通勝」,行兩圈就撤退。



某日下午去了機場送機,之前一直好想行下Terminal 2,不過每次出發去旅行時都無乜時間行過去,回來時拎住咁多行李就更加唔會行過去;今次送完機後終於的起心肝過去逛逛。



去Terminal 2之前發現原來Terminal 1抵境那一層有棵巨型的鵝仔牌水晶聖誕樹,都幾靚喎!聖誕樹基座仲有個環形飾櫃,用這種手法作廣告櫥窗也不錯呢!



Terminal 1其實有條扶手電梯接駁過去Terminal 2,平時都無乜留意。基爾過到去先發覺與其說它是Terminal 2,不如說是商場還好!基本上它就是一個非禁區的大型候機室,四周商店多食肆亦多,上圖左就是之前聽聞的機場阿鴻小吃。



老實說喱邊的名店較少,店舖檔次比較適合基爾,最重要係個food court夠大,幫襯的人也明顯比Terminal 1那邊少。比較搞笑係聽友人說其實Terminal 2並無真正的停機坪,所有離境登機的都要循隧道行返過去Terminal 1,你話幾無聊呢!

53 則留言:

  1. 四圍行好開心,
    我都好耐無去過機場,2號更少
    原來變咗咁多:-)

    回覆刪除
    回覆
    1. 霸:今次出發可以早少少去寄完行李後行過去睇下囉^^

      刪除
    2. 霸:出發前的好去處XD

      刪除
  2. Gael,,我行過Terminal 2的食店,這裡還有3D電影院.

    回覆刪除
    回覆
    1. Andrew:係呀foodcourt果層有戲院,不過真係唔知乜人會去睇,可能等轉機幾個鐘都可以去睇下戲嘅

      刪除
  3. 以前坐早機又早入機場都會去T2飲下茶

    回覆刪除
    回覆
    1. Lucamom:我覺得T2果邊少人啲容易啲搵位啦

      刪除
  4. 我以前去親T2,有機會都會去嗰間喜力酒吧去飲下啤酒!

    回覆刪除
  5. 個零碳天地始終未有機會去,因為實在太唔就腳啦!

    回覆刪除
    回覆
    1. Lam:都係行開megabox先順便行過去,就在隔籬而已!唔知館裏有冇咩特別嘢睇,我果日去到係周日所以閉了館!

      刪除
  6. 我去過2次都係T2既,唔記得飛去邊鬼度.當時都係遊魂狀態.

    回覆刪除
  7. 如果早機,我會係T2食早餐,然後辦離境手續,坐車去T1上機。

    回覆刪除
    回覆
    1. 摩:我都覺得T2果邊飲茶食嘢幾好,至少少人啲唔駛等位,如果時間充足都可以呀!

      刪除
  8. 機場,令人懷念,我工作左好多年既地方~

    回覆刪除
    回覆
    1. Silver:下次出遊不如又試下在機場先影張婚紗相^0^

      刪除
  9. MegaBox好隔涉,以前去到地鐵站,記得要轉車。

    回覆刪除
    回覆
    1. Samwei:係呀雖然話地鐵站有shuttlebus出去megabox,不過每逢周末都係超多人排隊,我每次都係自己行出去算,其實都係大約行兩三個字左右就到

      刪除
  10. 有同感. T2 真係好多餘架. 最後又係去番T1登機.

    回覆刪除
    回覆
    1. 王子:純粹係一個商場而已,如果在機場等轉機無聊都可以一逛嘅

      刪除
  11. 現在香港唔會浪費一個營商機會, T2可能畀大眾遊客歇下腳, 順便食野加消費...你唔覺香港而家度度都係商場咩?!!

    回覆刪除
    回覆
    1. 森:係呀,商場啲店舖其實都係一式一樣的連鎖店,所以行一個同行十個商場都無乜分別而已

      刪除
  12. 這幾處地方都未去過,也比較少blog友介紹過!

    回覆刪除
  13. 基仔你住近機場呀?去逛機場咁無聊!kaka...

    回覆刪除
    回覆
    1. 送機呀?有冇眼濕濕唔捨得?kaka...

      刪除
    2. JJ:你估仲係幾十年前咩~~依家啲人搭飛機多過搭的士啦

      刪除
    3. 關咩幾廿年事吖!係你dry之嘛!kakakaka.....

      刪除
  14. T2最正係餐廳,又少人又多選擇又平D,以前係個頭返工會去T2食~
    試過一次係T2入閘,個邊都有得過關,過左關就有列車坐返去登機橋個邊~

    回覆刪除
    回覆
    1. Matthew:T2果邊食野買野都唔錯,唔知係咪大部份國內線都係用T2?

      刪除
    2. 都唔係既,T2有好多外國航空公司架~

      刪除
    3. Matthew:OIC~~~~希望第時有機場去T2試下離境!
      我見有好多船和巴士接駁返大陸,可能好多大陸客經喱道回國!

      刪除
  15. 我都唔知今年 < 本地漁農美食迎春嘉年華 > 已開始咗添 , 請問完結咗未0架 ?

    回覆刪除
    回覆
    1. ak:我諗應該完咗啦,因為年宵花市都已經開咗,同樣係果度個球場而已!

      刪除
  16. 以前放假會去九龍灣的MegaBox逛,零碳天地未去過!
    早機要早入機場...都會去T2食早餐!

    回覆刪除
    回覆
    1. 卡:咁下次再去shopping時咪過去行陣囉,夏天去就會熱少少嘅~~~
      你通常唔係去啲lounge食㗎咩

      刪除
    2. 乜你成日去啲lounge食㗎咩?

      刪除
  17. 專登起一個terminal做商場,聞所未聞!不過總比巴黎 Charles de Gaulle 好,那次我在那裡轉機到冰島,等了7個小時,除了那些一式一樣的快餐店、免稅香水洋酒店和藥房(不知機場要那麼多藥房幹什),什麼都沒有,周圍又沒有插頭給電腦充電,悶到喊!

    回覆刪除
    回覆
    1. Desa:會體現香港係購物天堂啩XXXD
      咁又幾慘喎,反而我覺得日本機場裏的店舖幾好行,種類又夠多元化,候機大堂通常有叉電位

      刪除
  18. 鵝仔牌水晶聖誕樹看來很華麗, 預祝新春愉快!

    回覆刪除
    回覆
    1. 奇:對,這手法不錯,做了做宣傳廣告外也可以美化環境,唔錯丫
      祝奇兄驛馬星動繼續環遊世界^^

      刪除
  19. 係呀,T2沒有上機的地方,CHECK IN完要返去T1上機。奇怪。

    回覆刪除
    回覆
    1. 博樂:純粹比遊客有個無聊銷費地方吧^^

      刪除
  20. 我成日出發前, 都去 T2 搵食.

    回覆刪除
  21. 如果要在機場飲茶,T2 的稻香抵。T1 的美心單茶錢都貴到飛起!T2 的戲院是4D,上次看阿凡達時專登去這間戲院看。

    回覆刪除
    回覆
    1. Hermit:美心貴又唔值啦!!!原來係4D@@咁都值得專登入去嘅!

      刪除
  22. BTY 你買平價的航空公司,便會在T2 做登機手續。其實與T1無分別。做完手續你可以行去T1登機。不過其實T2登機人較少,只不過入了裏面要搭無人車去登機閘口。

    回覆刪除