2014年9月19日 星期五

遺忘的唱盤時光@王菲

記得幾個月前提過王菲的《菲靡靡之音》,之前買落的王菲舊碟又點只一張咁少,今次又來聽聽這張1997年推出的《Faye Best 最菲》陳年精選碟吧!



上次提到寶麗金在90年代中期出過一系列包裝極「簡約」的精選碟,同系的新藝寶原來一樣出過這類「紙皮碟」以抵抗老翻,霎眼睇其實這種粗製濫造的唱片封面本身就很有老翻味道!雖然包裝令人不敢恭維,不過當年唱片公司不惜工本將母帶運去日本重新數碼編製,可說是第一代的粵語流行曲hi-fi發燒碟,音色絕對不會令人失望。



選曲方面則不算太有驚喜,多屬王菲中前期的代表作,來來去去又係無奈那天、容易受傷的女人、多得他、執迷不悔、Miss You Night & Day之類耳熟能詳的首本歌,當然還有百聽不厭的冷戰、流非飛、季候風、靜夜的單簧管、可否抱緊我等。



令基爾最回味的,是碟中還收錄了3首比較少聽的電影電視主題曲:動心、誘惑我和忘掉你像忘掉我。老實說除了白髮魔女傳仍有點印象外,基爾對於千歲情人和誘僧已是零記憶。事實上王菲除了初出道時為無記拍過原振俠(這套反而有印象,男主角是黎明,還唱了願你今夜別離去)和千歲情人外,應該再無拍過無何電視劇了吧!

74 則留言:

  1. 雖然王菲係天后,但老實講我就好少好少聽佢啲歌,不過無奈那天、容易受傷的女人、執迷不悔、季候風、靜夜的單簧管等我都知道也覺得好好聽。

    回覆刪除
    回覆
    1. wan:好少聽都嗡得出咁多歌名,某程度上都反映佢當年都真係幾紅^^
      咁wan兄當年比較多聽咩歌呢又?

      刪除
  2. 原振俠有印象呀,還有李嘉欣呀,雖然我不是Leon粉絲,但那時候的劇集真係好睇好多!
    呢隻碟真係全部歌都識唱呀,最鍾意多得他
    講真,依家聽返會執到佢咬字唔正

    回覆刪除
    回覆
    1. lucamom:係呀當然原振俠卡士好勁,有李嘉欣洪欣和王菲,當年的王菲已經係好型架啦^^
      以北方人來說佢D廣東話算係已經講得好好了,而且有少少唔正反而成了她的一種獨特味道和風格呢

      刪除
  3. 我記得當年 sell 佢似鄧麗君, 佢仲叫王靖雯, 洋名 Shirley

    回覆刪除
    回覆
    1. mo:幾乎忘了她的英文名,因為依家多數用返Faye吧^^

      刪除
  4. 我喜歡王靖雯唱鄧麗君的歌!

    回覆刪除
    回覆
    1. stella:佢特別之處係雖然翻唱但完全不會有老土感覺,多數係重新編排唱出自己的風格,所以更覺得好聽^^

      刪除
  5. 王菲D歌,好好聽!
    她還拍了《壹號皇庭》……

    回覆刪除
    回覆
    1. 摩:係喎~~~!!!
      幾乎忘了這套經典劇!!!:P

      刪除
  6. 知你係佢粉絲啦!你鍾意嬌聲瀝瀝呀嘛!

    回覆刪除
    回覆
    1. JJ:咁又唔一定喎~~~~~
      我都鍾意小鳳姐梅姐葉德嫻,其實最僅要係唱歌要有個人style!!!

      刪除
  7. 回覆
    1. samwei:如果真係有咗,應該更加復出無期啦^^

      刪除
  8. 回覆
    1. manman:上晒娛頭啦,復合喱單料咁爆XXD

      刪除
  9. 呢隻CD真係好精選~~之前我都買了王菲精選, 有三隻CD...
    應該是她出道以來的金曲中之金曲...

    回覆刪除
    回覆
    1. 森:3CD我諗應該都可以包攬好多半冷門歌了吧!
      最鍾意聽邊首?

      刪除
    2. 哈哈, 搞錯原來隻碟係雙CD...鍾意暗湧以及瞹眛~~你呢??

      刪除
    3. 森:太多鍾意一言難盡kakakakaka.....

      刪除
  10. 千歲情人 我都有印象喎 !
    佢真係幾特別的.

    回覆刪除
    回覆
    1. 魚:係咪好似有單立文做?

      刪除
    2. 係呀, 不過重點係有當年好型的方中信 !

      刪除
    3. 魚:即使依家都型丫^^

      刪除
  11. 喂! 係咪因為依家人地復合先聽返人地隻碟呀!

    回覆刪除
  12. 我都係鍾意小鳳姐梅姐葉德嫻多D^^

    回覆刪除
    回覆
    1. longbell:我都鍾意呀,依家都間唔中拎佢地啲CD出來聽呢

      刪除
  13. 勾起那些狂唱K的日子…… 天昏地暗,每天連續狂唱8、9個鐘……

    回覆刪除
    回覆
    1. 米:咁犀利?!!~~~咁最愛唱邊個啲歌?

      刪除
    2. 想當年,唱完王菲D歌,再唱Sammi,再唱宝記四小花,然後唱下其他…… (=^・^=)

      刪除
    3. 米:咦~~~~咦?!!連寶記四小花你都識!!!!!咁你啲「歌齡」都唔淺喎kakakakakaka......

      刪除
    4. 本來唔知佢地叫乜,喺你個blog度學返黎架…… haha……

      刪除
    5. 米:咁都要少少基礎知識先明嘅kakakakakaka

      刪除
    6. 網上揾資料都好易……哈哈……

      刪除
    7. 米:得架啦~~~~~明晒XXXD

      刪除
    8. 我最喜歡的歌手之一:Nat King Cole
      \(^o^)/

      刪除
    9. 米:That someone so unforgettable.....Thinks that I am unforgettable too~~~~

      刪除
    10. 你……你……你……唱歌呀?

      刪除
    11. 基爾唱英文歌喎…… 簡直意外到…… 口窒窒……

      刪除
    12. 米:駛唔駛驚嚇成咁>.<

      刪除
    13. 唔係驚嚇、係驚喜喔!(=^・^=)
      期待有聲音分享!*^O^*,

      刪除
    14. 米:可能會畀人封blog架喎

      刪除
    15. 駛唔駛驚嚇成咁…… (>_<)

      刪除
  14. 其實有時阿菲新藝舊作,不乏精彩有mood之選,我其中心水係Summer of love, 多得他,及尾班車!
    p.s. 佢仲拍過壹號皇庭!

    回覆刪除
    回覆
    1. BIM:前中後期都有好多好歌,最可惜係依家佢唔多唱!!佢把聲夠特別,一唱就認得佢!
      係呀幾乎忘了仲有喱套都好經典呢,不過好似佢只做了第一輯吧

      刪除
    2. 記得當年「將愛」一出我就仆去買,無諗過喱隻(可能)係佢當紅期最後一隻大碟!
      冇錯,佢前中後期都有唔少佳作,所以係好值得回味!
      如果有機會,你試下去揾番佢响03年最後一次演唱會DVD, 那次曲目係一次我覺幾有代表性。

      刪除
    3. BIM:王菲有幾張碟我都鍾意,除了菲靡靡還有welcom back和十萬個為什麼都超正呢!
      記憶中我好似有98年唱遊大世界那張演唱會的碟,菲比尋常DVD就唔記得有冇,太耐無睇碟:P

      刪除
  15. 王菲有首「給自已的情書」,好特別、有意思!

    回覆刪除
    回覆
    1. 愚:自己都不愛,怎麼相愛,怎麼可給愛人好處.....nice song^^

      刪除
  16. 王菲的聲音,唱功了得!

    回覆刪除
    回覆
    1. kamchoa:很特別的聲線,香港歌手暫時都無人有喱種天賦和韻味,以前記得還有個許美靜,依家許也很少唱歌和出碟了

      刪除
    2. 米:唔知咁耐好返未呢又?!!

      刪除
  17. 難得既好歌手~更係要回味喇!
    林夕都話最好既嘢都比晒王菲!~就係咁解囉!

    回覆刪除
    回覆
    1. andy:完全同意,作曲填詞人其實本身都有偏愛,即使以前煇黃都一樣啦^^
      比較可惜係佢依家絕少再唱,如果佢一年仲可以出一張碟就好了

      刪除
  18. 只有她才可以將鄧麗君的歌唱出自己的味道,這就是功架。

    回覆刪除
    回覆
    1. teddy:菲靡靡之音那張碟完全有脫胎換骨之感,令人很有意外驚喜,王菲和幕後重新編曲的都是功臣

      刪除