2014年12月31日 星期三

冬日絮語:這個聖誕不太懶

今年整個12月基爾感覺上好似成日周身唔得閒,大典blog固然係無乜時間寫,連巡blog都少了!主要原因係除了之前早已講過會外遊之外,公司年底也勁多野做無乜時間畀基爾蛇王update個blog……



外遊回來立即就迎來聖誕長假期,不過由於之前基爾已請了大假去玩,聖誕假點都要有風度地讓返畀其他同事放,所以全部紅字假期和長周末都返足工好勤力。事實上,年底公司又特別旺場,唔放假當賺多點bonus都係好事(就當幫助下之前旅行的洗費吧)!



既然日日返工、放工又夜都無乜同朋友gathering,不過有心人都有郵寄聖誕禮物來令人喜出望外!記得上次是閃神,今次則是藍精靈。砌喱類小積木其實唔太難,仔細看圖、耐心跟足步驟砌就ok,上圖先砌掂個身先!



之後再砌埋藍精靈個頭,佢個頭的構造比較複雜小小,但只要跟住個圖小心砌就無大問題,幸好奇蹟地一take過唔駛拆散再砌過,基爾都要畀返個「叻」自己!



好喇……唔駛半個鐘已經砌好晒藍精靈個身同個頭,最後一個step就係將個身同頭合二為一,登登登凳!係咪同盒面果個一樣咁靚仔呢!好有成功感呀,果然是一件很有意思的聖誕禮物,多謝晒!



最後當然要同返「上屆」禮物閃神來一幀大合照啦,依家先知原來閃神係比藍精靈高少少喎!好期待唔知「下屆」會係砌乜野公仔呢又?



砌完公仔當然唔少得順便睇埋至愛郵票,外遊前其實基爾已經收到通知信要去郵局拎埋今年壓軸的一個首日封「中國世界遺產系列第三號:中國丹霞」,本來於12月4日發行,由於距離出遊日子非常接近,而基爾又唔想回來後才去拎,所以點都要拿拿林趕住郵局閂門前拎返來。



如果有睇過之前基爾blog都有show過這個世遺系列首日封,如有印象之前的第一號和第二號分別係萬里長城和麗江古城,兩片小型張景色都好壯麗。至於今次的丹霞山也沒有令人失望,基爾不其然回憶返十幾年前與同學仔12月去那裏凍冰冰行山賞梅花的有趣旅程畫面。



聖誕假期日日返工其實都幾鬼dry,點都要對自己好一點忙裏偷閒上網window shopping解一解悶。其實之前外遊時由於知道當地天氣麻麻可能會有大雪,都特登穿了對爛鞋去,一來行雪雨地泥濘地即使踩污糟了都唔駛恨,二來爛了就索性買對新的回來吧!



由於日圓勁抵,所以旅途中一路都有喉住D波鞋店看看會否睇中心水之選,可惜最後都無乜合眼緣。回來後再上網look一look,果然即刻見到對又平又靚的,折了之後只售HKD$166.9真係唔買都對唔住自己!



最過癮係依家佢地間速遞公司仲有網上追蹤服務,對鞋由周五新加坡落單出發上飛機,再運到香港天水圍Distribution Centre,到周二早上終於收貨,睇到對鞋實物之後果然對辦無失望……眾裏尋它千百度,喱D算唔算叫做緣份呢!

92 則留言:

  1. 哈哈!祝你新年快樂!健康幸運!

    回覆刪除
  2. 其實連假期都要返工點算懶呢!!!
    你對新鞋好潮,不過鞋頭白色,好易污糟~~

    回覆刪除
    回覆
    1. Sam:為咗搵兩餐無辦法啦:P
      唔驚啦污糟咗味買過對新囉kakakakaka

      刪除
  3. 對鞋又平又靚喎!
    祝 2015 生活不用 1516,哈哈哈

    回覆刪除
    回覆
    1. 說:係咪你都覺唔買對唔住自己呢~~~~XXD
      如果長期有精彩小說睇一定唔會1516 ^0^

      刪除
    2. 一定要買才對得住自己啦,現在一般要3字才買到似樣的,您1字頭就有好野喎!
      謝謝 HK Gael,我會努力!哈哈哈

      刪除
    3. 說:加油呀!!希望你攞獎^^

      刪除
    4. 謝謝 HK Gael,不過有好多高手,一D都唔易!

      刪除
    5. 說:多高手參與證明個比賽好有認受性,加油加油^^

      刪除
  4. 藍精靈冇著鞋喎!你仲話唔懶!

    回覆刪除
    回覆
    1. JJ:等緊JJ姐姐買對新鞋畀佢過年丫嘛^^

      刪除
    2. 唉!唔只懶,仲孤寒添!
      好彩咋係J婆婆呢!

      刪除
    3. JJ:咁以後要靠晒J富婆接濟啦kakakakaka

      刪除
  5. 最正對靚鞋,平~靚~正.掂呀!

    祝你新一年洋洋得意,~夢想可成真!

    回覆刪除
    回覆
    1. Andy:2014 the best buy!!!^0^
      也祝Andy哥一家三口新一年心想事成事事順利身體健康繼續玩遊四方^^

      刪除
  6. 你好抵得諗, 紅日連假, 最好同事之間輪住放啦

    回覆刪除
    回覆
    1. Ahmo:其實紅日返工都好架,一來輕鬆二來搭車唔駛同人逼kakakaka.....唯一唔好處係會獨家村少少冇得去gathering:P

      刪除
  7. 睇左隻野好耐才發現佢係藍精靈呀。。。。哈哈哈!
    祝基爾新年快樂!!!!!!!!!!!

    回覆刪除
    回覆
    1. Lucamom:kakakakakaka~~~~我太close-up影啫,離遠睇係似嘅XXD
      祝Luca媽與Luca爸和大小豆新年快樂身體健康,兩豆要聽教聽話勤力讀書唔駛媽咪勞氣^^

      刪除
  8. 對鞋好靚,但我一直不敢網上買鞋,怕不合穿!祝新年快樂!

    回覆刪除
    回覆
    1. 摩:佢喱間尺碼都幾準喎,其實如果外面係買開39-41號鞋,佢地尺碼都係相若,幾方便!
      反而衫我未必上網買,因為真係要有實物試著過先買得安心少少,有時可能齋睇model係著得靚,但自己著上身又未必好睇!XXXD
      到時又要搞退貨就煩!
      不過我諗以阿摩fit爆身型應該著乜都好睇^^

      刪除
    2. 我都好想著乜都好睇!!

      刪除
    3. 摩:印象中ok架喎你,我就比較牛記笠記kakakaka:P

      刪除
  9. 對新鞋>>平靚正!! 祝新年快樂!身體健康!

    回覆刪除
    回覆
    1. Longbell:係咪幾抵呢,雖然唔係咩名牌子,但我覺得個款都ok丫係咪?!!
      祝身體健康,來年有咩旅行大計?
      近排好似少了見你寫旅行blog,有空post下啲相來睇下喎^^

      刪除
  10. 祝新年快樂!身體健康!

    回覆刪除
  11. 新年快樂!希望今年會比去年更好 :)

    回覆刪除
    回覆
    1. Joice:祝Joice事業順利大展鴻圖,當然仲要寫多D外國見聞畀我睇下見識下,謝謝^0^

      刪除
  12. 對鞋又真係幾靚仔喎!!抵買。

    回覆刪除
    回覆
    1. Hamby:你地極地村果邊比較「荒涼」,要同白頭sir去shopping都唔易喎,多唔多上網買野?^^

      刪除
    2. 我哋唔鍾意上網買野,因為驚貨不對辦;通常我哋都係隨緣,遇得啱就買。今日元旦日大減價,我哋都執到啲筍野。

      刪除
    3. Hamby:我都驚架,貴野都唔太敢買,cheap野就姑且一試囉^^
      Big Sale特別開心hahahaha買咗咩筍野?可惜你依家唔寫blog無得睇:P

      刪除
  13. 祝新的一年充滿快樂!happy new year. 下年去邊到玩呀?

    回覆刪除
    回覆
    1. Samwei:暫時都未有plan呀,一直都想來英國行下架可惜暫時都無機會:P
      祝你與老dad都事事順利身體健康^^

      刪除
  14. 祝新年快樂!身體健康!

    回覆刪除
    回覆
    1. 奇:也祝奇哥新年萬事勝意繼續天天出發遊歷四方^^

      刪除
  15. 努力工作、忙裡偷閒、自尋樂趣,是香港的不死精神! 俾個讚基爾。祝新年快樂,進步!

    回覆刪除
    回覆
    1. Mei:其實我都唔大貪架,希望成你貴言^^
      大家咁話,祝你身體健康每天也過得充實而快樂!!!

      刪除
  16. Happy New Year !!!
    新一年, 祝你身體健康, 繼續遊走世界 ~
    話時話, 藍精靈好得意 !!!

    回覆刪除
    回覆
    1. 魚:同阿四葉比好似四葉可愛啲喎^0^
      也祝你身體健康,今年繼續上山下海影多啲discovery畀我睇hahahaha

      刪除
    2. 成你貴言, 今年我心目中已經有目的地了, 希望成行 !
      你都要繼續搵好野食, 睇正展覽 !

      刪除
    3. 魚:咁我擔定凳仔等睇你的遊踪^^

      刪除
  17. 新年快樂
    一切順利……
    去日本一轉,
    勁有收獲喎(≧∇≦)
    我咪又喺種種原因個旅行blog超慢完成O(∩_∩)O

    回覆刪除
    回覆
    1. 路霸:新年快樂~~~~一月到了,又到你熱門出遊季節,今年會去邊玩下?!!
      我去日本其實都好忍得手架喎^^真係啱心水先買,一來無位擺二來又唔想浪費咗地球資源XXXD
      唔緊要架你寫得精彩,我等下都好值得嘅kakaka

      刪除
  18. 回覆
    1. Ak:祝你與相公也生活愉快身體健康^^

      刪除
  19. 回覆
    1. 王子:唔係咁抵我都費事買啦^^

      刪除
    2. MD:係呀,來自你的城市^0^
      對鞋來過反而我未來過呢kakaka

      刪除
  20. 原來年尾個個都外遊,咁依家迷大家都歸位囉~

    回覆刪除
    回覆
    1. 銀:肉體雖然歸位,但元神還留在外國kakakakakakakaka~~~~XXD

      刪除
  21. happy new year呀~~~
    好期待你下年既聖誕禮物砌d咩~~~~
    外遊完一定好開心啦~~~~~

    回覆刪除
    回覆
    1. Tiffany:新年快樂~~!!
      我都唔知呀,但希望唔好太難啦,喱類簡易迷你公仔就ok了XXD
      可惜我唔係成日有得去,都唔知下次幾時有得開心了:P

      刪除
    2. 哈哈~~~我驚我連呢d都砌唔掂~~醜醜~~
      一定有機會既~
      好想好想去既話就一定去到~祝福你~

      刪除
    3. Tiffany:唔驚啦~~~~你強項係第二方面丫嘛^0^
      咁我都無所謂嘅,無得去咪當貯下錢囉:P

      刪除
    4. 哈哈~~~話實在~~~我一直都覺得自己傻呼呼的~無咩強項~~
      都係架~~~~有時我見自己儲到過左某個金額又會kiki咁笑~

      刪除
    5. Tiffany:喱樣先至係最高境界呀~~~^^
      咁又係幾開心嘅,最緊要識洗喎kakakaka

      刪除
    6. 咁都得~~~原來咁都係優點~~~~yeah~~~~
      要識儲又識洗~~(其實都好難架~)

      刪除
    7. Tiffany:梗係啦,至少你D公仔們識欣賞吧kakakaka~~~!!
      大前提係想洗時要有得洗,喱樣最重要XXXD

      刪除
  22. 元旦快樂吖 ~ 你都有不少新年禮物啫 ^^ 正 !!

    回覆刪除
  23. 新年快樂, 祝你2015身體健康, 開心快活!!
    對鞋百幾蚊好抵啊!

    回覆刪除
    回覆
    1. 蜻:大家咁話,也祝你身體健康攝影技術大躍進^^
      抵呀,係咪好慳家kakakaka

      刪除
  24. 祝基爾闔府節日快樂, 身體健康!

    回覆刪除
    回覆
    1. Peter:也祝你新年快樂萬事如意身體健康^^

      刪除
  25. 雖然是小小的禮物,但心意無限啊!^^
    閃神同藍精靈都好Q!

    回覆刪除
    回覆
    1. Kaka:兩個都好靚仔XXD

      刪除
    2. 我...我...覺得...閃神靚仔D!XXXXXXD

      刪除
    3. Kaka:一早知你鍾意閃神啦XXXXD
      你係我喱度講無用,你要去人地果邊講先得㗎~~~!!XXXXXXXD

      刪除
    4. 你作死呀!:P
      我暗示你...喺自己果blog 要 擦吓自己D blog 友"鞋"呀!
      唉!孺子不可教也!

      刪除
  26. 朋友同你自己送的聖誕禮物都好正呀!!!! 新年快樂!

    回覆刪除
    回覆
    1. 豆:希望年年如意,也祝你新年快樂身體健康^^

      刪除
  27. 祝你開心快樂!事事如意!

    回覆刪除
  28. 回覆
    1. Yan:正,新年有新鞋著kakakaka
      上面有人話唔多似,離遠睇都似藍精靈嘅

      刪除
  29. 你會唔會同我同一時間在日本呀?
    係應該約食個飯先啱...XDDD

    回覆刪除
    回覆
    1. Momomom:你應該早過我少少吧,我係聖誕前^^
      如果遇啱都唔錯喎hahaha

      刪除
    2. 我係遲你少少呀, 我聖誕去^^

      刪除
    3. Momomom:哦~~~~!!都係前後腳緣慳一面^^

      刪除