2015年1月3日 星期六

冰極閃行:上@北京

12月初老細失驚無問基爾要回鄉證,真係完全無心理準備也當然沒隨身帶回鄉證習慣,乜事咁急呢?



原來係要奉召臨急臨忙趕上京幫手……由於上機前幾日才買機票,飛北京喱張機票要成六千幾蚊勁貴,夠基爾飛一趟歐洲,如果自己畀錢一定唔捨得。印象中好似第一次坐國航,好耐未試過在香港機場要搭接駁巴士上機,飛機餐好一般所以無影,機上仲要睇公家細電視,播的是薛凱琪吳建豪《閨蜜》,由於畫面細又要愕高頭,無乜心機睇半套就瞌陣算。



大約3個幾鐘就飛到,上次來京城已經係上個世紀差不多廿幾年前的事 ,無獨有偶都係12月凍到結晒冰的季節來。北京首都國際機場近年擴建過,感覺真係幾大幾新,落機後要坐無人駕駛列車返去入境大堂過關,列車比香港機場的靚,沿途仲有風景睇!



出機場就見識到京城超級塞車苦況,禮節性拜會後就到城西office先熟習一下環境,因為主要工作都會在這裏進行。城西office比香港office靚得多,聽同事講這裏以前係韓國大使館云云,依家附近仲有幾間小國大使館,所以這一帶保安都甚嚴密,基爾因為係外來人又無職員證幾乎被拒諸門外。第一晚由於未有太多野做,同事宴請去食羊羯子火鍋,天寒地凍食似乎都幾正(京城日落後夜晚只有攝氏零下4-5度),羊肉滾好耐都唔會韌也一點不羶,因為有好多花椒八角之類的配料!



幸好公司book的酒店就在城西使館區附近,來往office步程只約十多分鐘,唔駛再煩塞車問題。酒店房很大,早餐唔駛揀也是在酒店食breakfast buffet。由於前一晚食太多肉,早餐要食返多D沙律菜balance返。



食飽就係時候要去開工!在繁忙的工作中,其實基爾最難忘就係認識了這位office巡警小黃,你睇佢實係咪靚仔到無朋友,成隻老虎仔咁威猛有型。最搞笑係每當基爾忙到廁所都唔得閒去時,佢總會無聲無息悠然自得地在台底輕鬆catwalk過來,有意無意間地用毛茸茸又柔軟的尾巴輕輕掃過你的小腿,之後又再若無其事地catwalk離開,有幾次基爾忙到無手但都實在忍唔住要肉緊地摸摸佢個可愛貓頭以示回敬!

56 則留言:

  1. 你知唔知我以前返去做野最怕咩? 就係同大家一齊食飯, 佢地唔會用公筷

    回覆刪除
  2. office巡警小黃好Q!^^
    "用毛茸茸又柔軟的尾巴輕輕掃過你的小腿"...D貓就喺想你關心佢!:)

    回覆刪除
    回覆
    1. Kaka:所以抵我咁掛住佢囉XXD

      刪除
  3. 有冇順便去逛吓京城呀?
    我想去銀河Soho睇個建築物o架!

    回覆刪除
  4. 回覆
    1. Stella:雖然論盡啲但都叫做順利完成任務啦:P

      刪除
  5. 回覆
    1. 王子:無乜時間四圍行呀,空閒時間不太多

      刪除
  6. 為甚麼叫「羊羯子」火鍋﹖
    基爾哥哥好本事,十二金牌召上京!

    回覆刪除
    回覆
    1. 摩:其實即係燉羊脊骨,佢長長一節節咁外貌似大蠍子所以咁叫,不過火鍋裏仲有好多羊腩配搭一齊,成個羊肉煲咁!!
      唔本事架,好多野要落手落腳做同埋唔熟佢地環境,要做到凌晨十二點幾一點,其實都幾辛苦><

      刪除
  7. 小黃好英偉喎!有佢係度做嘢都開心啲!

    回覆刪除
    回覆
    1. 王子:好彩有佢可以忙中作樂kakaka

      刪除
  8. kakaka 起初我以為小黃係裝飾陣列品嚟0架 .

    回覆刪除
    回覆
    1. Ak:所以用不同角度同佢影多幾張玉照證明佢係識郁嘅,唔係公仔XXXD

      刪除
  9. 12月的北京真的很冷。 開公數,坐咩,食咩都得啦。

    回覆刪除
    回覆
    1. Samwei:凍夾乾,其實都幾辛苦,南方人唔多習慣咁嘅天氣><

      刪除
  10. 公司出錢俾你遊埠, 想點喎, 恨死隔籬Peter大叔喇.

    回覆刪除
    回覆
    1. Peter:要做野架,其實都幾辛苦和麻煩,我寧願唔去喱D「遊埠」啦:P

      刪除
  11. 「六千幾蚊...夠基爾飛一趟歐洲」––––好抵!我剛剛12月去歐洲要AUD2500(連稅)!
    「一點不羶,因為有好多花椒八角之類的配料」––––令我想起今日剛剛在報紙看到舊聞講我們祖國食肆用鴉片作配料,記者問味道如何,答案是在大量辣椒和胡椒掩飾下,一點都察覺不到......

    回覆刪除
    回覆
    1. Desa:2500澳元好貴呀@@
      去咗邊度玩?
      之前已經聽過,在大陸不要食麻辣火鍋,原因也是用了地溝油乜油物乜基本上都唔會食得出

      刪除
  12. 公司要員,辛苦D囉!哈哈哈

    回覆刪除
    回覆
    1. 說:如果在人工上有反映就更佳><

      刪除
    2. 您老闆一定會識做的,叻人要用心思留的。

      刪除
    3. 說:你好適合做老細kakakakakaka

      刪除
  13. 回覆
    1. Teddy:唔駛羨慕喎,唔太好玩架咋><

      刪除
  14. 基爾哥,勁叻仔喎!!!新一年一開始,就得老闆重用,公費出差;正正正!!!真係恨死隔籬囉。

    回覆刪除
    回覆
    1. Hamby:如果D公費畀我袋更開心kakakakakaka

      刪除
  15. 真係恨唔到咁多, 成為老闆的得力幫手...出差公幹總少不免~~
    工作之餘又可週圍行,有冇咩戰利品??!

    回覆刪除
    回覆
    1. 森:個回鄉證今年夠期,happy^^!!!!
      都無時間四圍行,所以無戰利品,不過反正大陸D野都唔敢買,所以都無所謂啦:P

      刪除
  16. 6千幾蚊機票,坐頭等呀

    回覆刪除
    回覆
    1. KK:我都想喎,未試過呢
      long time no see~~~@@

      刪除
  17. Have you taken chance to travel in Beijing?

    回覆刪除
    回覆
    1. Ray:無乜時間四圍行呀,做完野就走了

      刪除
  18. 臨危受命! 証明Gael 有一定實力!

    回覆刪除
    回覆
    1. Sydney:無乜架咋喎~~~hea力多啲XXXD

      刪除
  19. 咁貴機票去北京,證明Gael大大一定係大人物啦:D

    回覆刪除
    回覆
    1. Chung:唔關事,通常越近飛時間就越貴架啦,如果你機場即買即飛仲貴呀

      刪除
  20. 唔多似工幹喎~~介紹多D美食嚟睇下^^

    回覆刪除
    回覆
    1. Yan:office忙到無乜時間影:P
      會呀,野食在下集裏kakaka

      刪除
  21. Office 都養隻猫仔,可以令人心情愉快!(我會有多d藉口偷懶=同猫猫玩)

    回覆刪除
    回覆
    1. Joice:同貓貓玩點算偷懶,直情係工作重要的一部份啦XXXXD

      刪除
  22. 唔使錢緊happy啦~~~
    小黃正喎~

    回覆刪除
    回覆
    1. 銀:如果多D自由時間都OK嘅
      好正呀佢^^

      刪除
  23. 6千幾蚊機票去北京 !? 又真的好貴喎 >.<
    能代表公司出差到外地工作 @ 勁叻仔啊 ^^

    回覆刪除
    回覆
    1. Sky:我都覺好貴,都唔知原來係咁鬼貴嘅!!
      其實唔叻架,不過無其他人選擇啩:P

      刪除
  24. 新一年更好的開始啊!
    祝工作順利,身心康泰!

    回覆刪除
    回覆
    1. Kamchoa:新年快樂萬事勝意身體健康拜定年先^^

      刪除
  25. 又係工作,又係旅遊`都唔錯!
    隻貓貓真係好似睇實你哋做嘢喎!~哈哈!

    回覆刪除
    回覆
    1. Andy:如果留長少少時間應該更佳kakaka
      係呀對眼好有神氣,同你隻肥貓都有得fight架XXD

      刪除
  26. 小黃其實係親善大使 !
    無啦啦咁被召上北京, 淨係要適應天氣都有點困難 ~

    回覆刪除
    回覆
    1. 魚:仲成日周圍巡場四圍撩人玩kakakaka
      凍夾乾,唔想再冬天去,如果再去一定揀其他季節

      刪除
  27. 我13年1月和上年8月都上左上海上堂,不過D空氣真係好差

    回覆刪除
    回覆
    1. King:其實我諗大陸好多大城市都係咁,環保意識比較低,空氣又差,所以如無必要都唔係太想去了

      刪除