2015年1月17日 星期六

2014古都瀟瀟@夜宵京都

班機有少少delay,成8點幾先至landing,過埋關都接近9點,基爾心急到幾乎唔記得拎寄艙行李就衝了出去,係咪傻傻地!



過完關拎埋篋就飛撲過去JR個counter買pass,順手買埋張關西八達通ICOCA,因為要趕火車必須15分鐘內搞掂晒,好彩遇上位熟手醒目售票員叔叔,21:24安然登上了Haruka遙號關空特急直奔首站目的地京都。由於預了會好夜先到,為免拖篋西圍搵酒店咁煩就book了京都驛上蓋的Hotel Granvia Kyoto(@¥8700),去到京都已經10點幾仲落住毛毛冷雨,幸好酒店夠就腳……



酒店check-in後未夠11點,試下出去搵地方宵夜,車站mall好多食肆都打晒烊,幸而隔籬有喱幢「食通天」商場(就在Kyoto Tower對面),見不少食店都會開到凌晨,唔諗咁多就去喱間山內農場吧!上圖是「關西名物」雞翼。



叫得做「地雞專門店」就點都要叫味雞翼食下,舊年去名古屋都係興食「手羽」,唔知係咪關西人的名菜呢?其實又唔覺得太特別咋喎!上圖係牛油果拌魚生。



由於之前只食了個飛機餐,大家個肚都有點兒打鼓,一定要叫多幾味先可以大滿足地返去訓覺吧!上圖係鰹之魚師飯¥680和Creme Brulee¥420做甜品,perfect!



舊年去立山路經松本住了一晚,出去食野時都有叫過喱咪燒魚骹,今次來到京都又encore了兩碟。



店裏其實都坐得幾舒服(可惜後面有台客食煙),唔似香港食肆咁逼,又唔會坐個零鐘就要叫你埋單走人,完全可以在這裏hea下嘆陣茶睇下窗外夜景都無問題。



食咁多野埋單計都係¥7502(HKD$500有找),人均才百幾蚊港紙真抵!依家日圓平,真係洗都洗得特別開心。



唔夠喉再順腳行過去便利店買甜品,喱個牌子的乳酪幾好味唔太甜又低脂……順帶一提喱張八達通Kitty card真係幾好用,搭地鐵、火車和買便利店野都嘟得,唯獨搭巴士唔嘟得,希望將來快D通用埋,就唔駛再煩摷散紙。

77 則留言:

  1. 回覆
    1. Ahmo:未呀,所以唔係好慣隔籬啲人一路食一路吞雲吐霧><

      刪除
  2. 有人吸煙真係唔慣
    個心又急又趕,勁驚趕不上.....遇上熟手呀叔就安樂晒

    回覆刪除
    回覆
    1. Yan:諗返細個時飲茶啲阿伯都係咁食煙,但依家就唔係好慣覺得抖唔到氣,好污濁好辛苦!
      最搞笑係阿叔仲好信心十足咁叫我地唔駛咁緊張一定趕到車kakakaka

      刪除
  3. 巴士架機印象可以找錢個喎.

    回覆刪除
    回覆
    1. 王子:係可以找錢,我試過入張一千円落去佢架機,然後跌返好多神沙出來,之後又要自己一個個硬幣去數返230円出來再入返落錢箱,搞來搞去都好手騰腳震架,因為後面成條人龍阻住晒人地落車丫嘛!!!所以後來我索性上車無耐已經移去車頭唱定錢先無咁狼狽:P

      刪除
  4. 在日本消費唔係好貴!我仔仔都係咁話。

    回覆刪除
    回覆
    1. Stella:依家円滙率平好多,對比最高位時差不多七折了,所以感覺上平好多,就好似大陸人來香港買乜都等如有八折一樣囉^^

      刪除
  5. 7500日元=500蚊,依家真係好平喎!

    回覆刪除
    回覆
    1. Wan:所以依家在日本行街勁多香港人kakakaka

      刪除
  6. 我上次買果張 ICOCA卡,店員問我要邊個款式,我啼笑皆非覺得多此一問,心諗:「Hello Kitty揾邊個買?」原來係基爾! Oops… :p

    回覆刪除
    回覆
    1. Desa:原本我都唔係太好Kitty,有點低B,不過另一款係張日本古畫色調比較暗又唔太靚,Kitty果張至少有座大阪城都幾靚丫^^
      提議佢地應該用名勝風景相或畫,可以多D選擇嘛

      刪除
  7. 食甘多野都唔駛 HKD500.00,正吖!啱我~ I am cheap :P

    回覆刪除
    回覆
    1. Joice:平得來又好食,最正啦^^

      刪除
  8. 回覆
    1. 我未試過燒 , 衹煎或蒸都覺得好好味 , 我諗燒更原汁原汁 .

      刪除
  9. 回覆
    1. 摩:剩係食物咋~~~~~~?!!
      .....文筆吸唔吸引kakakakaka

      刪除
  10. 基太郎為食之旅現在開始.....

    回覆刪除
    回覆
    1. JJ:除咗食都仲有其他嘅~~~:P

      刪除
    2. 其他,d相咪係細到似以前菲林片咁囉!

      刪除
    3. JJ:我不嬲以你為我榜樣架啦XXXD

      刪除
    4. 好吖!你的相可以click入去放大尼睇吖!榜榜榜樣樣樣.....發up風!

      刪除
    5. JJ:咦~~~我從來無click喎~~~~係咪走咗寶XXXD

      刪除
    6. 原來你來我度係滾水(錄)腳。

      刪除
  11. 回覆
    1. Samwei:京都好揀單架咋,其實搭地鐵轉來轉去仲複雜啲,搭巴士去啲著名果幾個旅點都係一程車去到方便啲唔駛搵

      刪除
  12. Japan is now quite cheap for travellers with such low exchange rate.

    回覆刪除
    回覆
    1. Ray:所以周街都係香港人kakakaka

      刪除
  13. 好彩有得食,唔係好難瞓個好覺 ^^

    回覆刪除
    回覆
    1. MD:都係架,好彩近火車站喱幢食通天開咁夜

      刪除
  14. Creme Brulee 是我喜歡甜品之一,
    一句PERFECT勾引著我!

    回覆刪除
    回覆
    1. SSL:會唔會一陣收工即刻去食返個kakakaka....

      刪除
  15. 過埋關都接近9點唔心急衝出去才傻傻地!(差不多等如沒有了半天)哈哈哈
    你好熟地頭!
    看完您的照片,現在好肚餓添!

    回覆刪除
    回覆
    1. 說:miss咗班火車要等好耐嘛^^
      唔熟架!!連行李都差啲唔記得拎
      快啲去叫個tea食下啦kakakaka

      刪除
  16. 「另一款係張日本古畫色調比較暗又唔太靚」––––咁至啱我!唔可以俾張車飛靚過我架嘛……

    回覆刪除
    回覆
    1. Desa:即係你揀咗古畫啦^^
      如果係浪或者其他浮世繪風景畫甚至大阪城的畫,我諗我都會揀!
      咁張車飛要鑲晒石先可以靚過你喎kakakaka....

      刪除
  17. 我先生都想搵次去大阪唔住大阪,住下京都,啱啱好可以記低資料,謝謝先喇。

    回覆刪除
    回覆
    1. Rity:如果櫻花季節去都幾爆,要早少少book呢^^

      刪除
  18. 唔該,請問Hotel Granvia Kyoto¥8700係 一人定係一房?

    回覆刪除
  19. 咁多美食才百多元港紙很低食啊!
    和食的賣相一向吸引! 牛油果配魚生口感很特別吧!

    回覆刪除
    回覆
    1. 雅:十點幾仲開門而且價錢都ok丫
      其實已經唔係太記得,下次再去食過kakakaka

      刪除
  20. 燒魚骹我至爱,重有牛油果三文都係不二之選!

    回覆刪除
    回覆
    1. Kamchoa:魚肉比想像中滑,初時以為燒會好鞋

      刪除
  21. 原來日本在禁烟方面落后香港架^^
    哈哈 >.< 不抽煙的人又的確几辛苦的 ~
    放心當你有機會见 Sky 時 @ 我不會用煙噴你的 ^^

    回覆刪除
    回覆
    1. sky:係呀,不過又好少在街上見佢地一路行一路食!!
      當然,我都相信sky會係個有品的煙民hahahaha

      刪除
    2. sky:不過為你健康著想,也要少食呀^^

      刪除
    3. sky:會唔會定為今年目標先?^^

      刪除
    4. sky:也祝你有多D明撈和秘撈hahahaha

      刪除
  22. 華~~好野~~~有新篇睇~~~
    咁夜到真係個人會超心急~~~
    不過你又真係好彩有個熟手售票員咋~~~我上次去東京時就會d人賣飛超慢....錯過了一班車...呆..
    燒魚骹真係好好味的~~因為我覺得好嫩~

    回覆刪除
    回覆
    1. Tiffany:係呀唔知點解次次要去買pass都通常要趕車搞到好生死時速咁XXD
      你果邊有冇燒魚骹好味嘅店介紹吓^^

      刪除
  23. 第一餐就咁正,你就開心啦 :D
    雖然我唔食魚,不過日本野食整得咁靚,唔食得都睇得~
    上次去大阪時唔知有hello Kitty八達通,知道我都想買>.<

    回覆刪除
    回覆
    1. Chung:其實如果可以選擇的話(又或者胃口好的話),都盡可能早餐食豐富D,反而夜晚唔想食咁多,驚肥kakakaka
      日本的食材一般都夠新鮮,又不怕有黑心食品,賣相又靚,自然食得安心又開心,加上依家仲要平添,所以咁多人去!
      Kitty粉絲應該勁開心吧^^

      刪除
  24. 基爾哥,你好搞笑,竟然幾乎連寄倉行李都唔記得攞。不過而家日圓匯率咁抵,可以有藉口買過哂啲新野。

    回覆刪除
    回覆
    1. Hamby:kakakakaka~~~~匯率平雖然係一個好藉口但都係唔好喇,行李入面都好多日用必須品叉電器之類,要臨急臨忙全部去買過新都幾煩吧XXD

      刪除
  25. 我仲以為日本已經實行全面禁煙添!

    回覆刪除
    回覆
    1. Teddy:未呀,其實日本感覺上都幾多人食煙(男人居多),不過比較少在公眾場合或者街上見佢地食,多數只見到在食肆(晚市).

      刪除
  26. 哈哈 ! 行李都唔羅, 你真係好心急喎 !
    YEN 平左後真係好抵, 我本來都想去一轉, 但最後還是被其他目的地打敗了.

    回覆刪除
    回覆
    1. 魚:其實周不時有喱D烏龍蝦碌野發生架:P
      日本無水潛,一定唔係你首選kakaka

      刪除
  27. 真係呀,我去名古屋都係一街都係香港人,聽人講日圓跌有防幅射作用...XDDD

    回覆刪除
    回覆
    1. Momomom:去shopping掃貨都有助防幅射kakakakakakaka

      刪除
  28. 加下去日本真抵玩,我朋友兩三個月就去一次,好似返鄕下咁!

    回覆刪除
    回覆
    1. Andy:所以東京大阪周街聽到人講廣東話kakakaka~~~好似大陸人來香港shopping咁旺XXD

      刪除
  29. D野食睇見就想食,不過始終唔慣有人食煙,無論在日本或上海都係

    回覆刪除
    回覆
    1. King:係呀一路食野一路吸二手煙其實都幾辛苦架:P

      刪除