2015年1月22日 星期四

2014古都瀟瀟@中途轉姬

由於今次最初plan行程時只諗住hea遊不會去太多地方,JR就索性慳慳地只買了一日pass;至於奈良後來也因天氣欠佳放棄了,就留待下次有機會才再去吧!



可能睡不慣生保床,外遊通常都比較早起,今趟基爾在京都也同樣順利迎接了行程中第一個東瀛日出。上圖窗外望向樓下就是京都驛,好彩咁近都無乜聽到火車經過時的噪音,證明隔音窗做得非常好!



酒店不包早餐,其實也沒所謂,反正樓下個火車站mall都勁多食肆選擇,前一夜搵地方宵夜時已經探過路,快速巡一圈後就決定食喱間illy吧!大鄉里基爾在港時也沒幫襯過佢,但聽聞佢地D咖啡都幾唔錯;比較有趣係第一次見熱檸茶係檸檬還檸檬茶還茶咁上!



雖然morning set選擇不多只有ABCD餐,但上圖喱味煙肉芝士沙律都幾好味喎!而且都幾大碗份量足,好想encore多個。最初都有懷疑點解唔揀去食日式早餐,不過喱個意式breakfast其實都唔錯無令人失望。



記憶中好似仲order了腿蛋治、煙三文魚治和厚多士配雜菜沙律之類,擺滿台埋單都係齊頭¥3000,港紙兩舊水有找食飽幾個人唔貴啦!



之前本來有人諗住第一day行程先去伏見稻荷,之後再轉往奈良和姬路,不過諗諗下似乎太趕,不太合乎hea遊原則,又驚住太晏去到姬路城變得走馬看花沒意思,臨時決定skip了伏見稻荷和奈良,直接先坐JR去逛姬路城吧,無謂浪費了悠遊這座世遺名城的良辰美景!

64 則留言:

  1. 生保床我就無所謂,不過若然酒店不包早餐就對我有點不方便。

    回覆刪除
    回覆
    1. 說:去日本其實都唔駛驚嘅,反正行落街周圍都係食肆,如果住得偏僻也可隔晚買定便利店面包或杯麵啦^^

      刪除
  2. 喺日本食嘢都幾好, 無加一又唔不用比貼士, 日本物價和食肆好多年都無乜加價, 依家匯率低更加平.

    回覆刪除
    回覆
    1. Rity:絕對係,日本近十幾廿年都係通縮多過通漲,感覺上無乜大幅加價,加上依家匯率平,差不多等如七折去玩,所以好多港人去!
      多數無加一,不過有稅,都差不多是加一了!

      刪除
  3. 「姬路」城––––擺明是為你建造啦!這個我錯過了,反而有去伏見稻荷(在附近一帶遠足)和奈良。我在京都也是住車站附近,也是出奇地幽靜,抵讚!

    回覆刪除
    回覆
    1. Desa:伏見稻荷和奈良要留待下次了,那排紅鳥居影出來好似幾靚!
      佢地個隔音設計應該係幾唔錯嘅

      刪除
  4. 好想好想好想去呀。。。。。
    其實你唔係瞓唔慣生保床,只係外遊太開心,比着我都唔想瞓咁多啦

    回覆刪除
    回覆
    1. Lucamom:以前住庫頁島時係咪周不時可以過去行下?^^
      某程度上都係架,雖然係話hea不過都唔想太浪費千金一刻旅行時間嘅hahaha

      刪除
    2. 在庫頁島時去過兩次日本咋,之後到依家都未有機會再去,你幾篇姬路城好吸引,好想今年夏天回港時有機會去日本行返轉,不過夏天京都好熱。。。。點搞好?

      刪除
    3. Lucamom:都幾好喎,可以帶大小豆去奈良餵下梅花鹿,佢地應該會幾開心吧^^
      京都夏天有時會30度,但不用太擔心,始終佢哋地方大不會有太多高樓大廈比較空曠,空氣好啲又流通啲,一定無香港咁悶熱

      刪除
  5. 稱心的早餐迎接美好的一天旅程。

    回覆刪除
  6. 回覆
    1. Ahmo:去日本咋喎,都會架咩kakakaka

      刪除
  7. 姬路城...正呀!
    日劇「大奧」喺呢度取景架!^^

    回覆刪除
    回覆
    1. Kaka:都聽聞好多日本古裝劇都愛去那裏取景呢

      刪除
  8. 讚成你的hea遊原則,不要趕......

    回覆刪除
    回覆
    1. Yan:係有時要趕下火車囉,如果你地自駕就連車都唔駛趕,仲正hahaha

      刪除
  9. 回覆
    1. 佢咁鬼惡邊似轉基呢...

      刪除
    2. 王子:乜事笑得咁奸XXD

      刪除
    3. JJ:你應該未見過咩係惡人吧:P

      刪除
    4. 又唔係話你轉惡人,惡過基之嘛咪唔似囉,坐到咁邊端做乜。

      刪除
    5. JJ:我意思係JJ平時咁溫純友善應該唔會有太多惡人埋身啫~~~XD

      刪除
    6. 遇唔遇到惡人係時運嘅事,個性係關乎處理事情易唔易成功啫。

      刪除
    7. JJ:咦~~~咁JJ有冇買返本蘇師傅麥師傅D羊年運程書睇睇,咁咪可以催吉避凶囉XXXXD

      刪除
  10. 你的morning set好似我地 set lunch 好heavy 喎。

    回覆刪除
    回覆
    1. Samwei:要食飽D好,因為一來好鬼凍,二來唔駛中途又要去搵食浪費咗D時間嘛^^

      刪除
  11. 煙肉芝士沙律,啱我喇!

    回覆刪除
    回覆
    1. JJ:喱間香港都有不妨去試下啦

      刪除
    2. JJ:其實喱個沙律好簡單,可以自己整架喎^^

      刪除
  12. 早餐真不錯!旅行無非想休息一下,充充電,沒必要逼得太緊!

    回覆刪除
    回覆
    1. 摩:你就來又可以去叉電啦^^

      刪除
  13. 回覆
    1. Joice:反而在香港好少去睇,外遊時會比較神心kakaka

      刪除
  14. 有時間優悠 hea 遊真係好鬼正!!

    回覆刪除
    回覆
    1. Hamby:咁我又唔係特別要趕住去shopping所以都幾多時間hea架XXD

      刪除
  15. 個意式早餐好似好正咁!

    回覆刪除
  16. 我都同你一樣,香港都無幫襯過illy,要係外國先幫襯過~

    回覆刪除
    回覆
    1. 銀:係呀香港太多平靚正選擇啦^^

      刪除
  17. 香港都無幫襯過illy, 係外國先有幫襯過X3
    大阪我直情係住車站上面, 但都唔覺有車聲.....

    回覆刪除
    回覆
    1. Longbell:香港選擇多,食碗麵粥腸粉油炸鬼或者去飲吓茶得kakaka
      佢地啲隔音設計應該係先進好多

      刪除
  18. 姬路城正丫~
    而家重開左啦?

    回覆刪除
    回覆
    1. Chung:開了一部份,3月底先至全部重開

      刪除
  19. wow~好開心開始行程了~~~
    係日本食咩都開心~~

    回覆刪除
    回覆
    1. Tiffany:去旅行通常都開心嘅^^

      刪除
  20. 隨便都找到好吃的, 真有 Taste !

    回覆刪除
    回覆
    1. 魚:可能我本身要求唔高啩hahahaha

      刪除
  21. 旅遊早些起床爭取時間 , 行多些地方好吖 .

    回覆刪除
  22. 而家日本食嘢平過泰國食嘢...真係唔去日本對唔住自己呀...XDDD

    回覆刪除
    回覆
    1. Momomom:絕對係,而且shoppping超抵,所以叫毛爸唔好黑臉kakakakakaka依家去掃貨係幫緊佢慳錢咋XXXD

      刪除
    2. 基爾真係深明大義,我要叫毛爸嚟你呢度多多向你學習呀...XDDD

      刪除
  23. 味煙肉芝士沙律又真的好吸引吖^^
    另外 skip了伏見稻荷和奈良不去 @ 現回想起來有后悔嗎 ?

    回覆刪除
    回覆
    1. Sky:最好味係喱個啦^^
      都唔會嘅,留返下次再去囉,不過暫時都未有打算再去....

      刪除
  24. 天氣唔錯,晨光一線特別靚.

    回覆刪除
    回覆
    1. Andy:旅行時通常好早起身會不時見到日出,反而在香港好少咁神心早起去睇kakakaka

      刪除