2015年5月15日 星期五

2014古都瀟瀟@悠見嵐山

食完碗唔太好食的烏冬後(記憶中在日本好似好少食到唔好食的東西),差不多又係時候行返去京都驛,因為要搭車再去下一個目的地……



值得慶幸係食完個late lunch之後似乎雨勢終於有點減弱了!事不宜遲趕快搭巴士出發,巴士穿梭於京都古老而狹窄的街道迂迴曲折地前進了差不多1小時,車窗外的景觀才豁然開朗,四周的山林和蜿蜒而過的河流充滿大自然味道,終於來到京都西郊的嵐山嵯峨野。



嵐山嵯峨野自古以來都是日本皇室以至達官貴人的熱門郊遊勝地,除了星羅棋步的神社古寺之外,天然的山川美景也是一大賣點,難怪賞櫻賞紅葉旺季這裏都是遊人如鯽。上圖是流經嵐山的大堰川,又名桂川,與京都東面的鴨川同樣出名。



由於大件行李早已寄存在京都驛那間酒店,只帶了背囊來嵐山「宿一宵」,反正順路就先去渡月橋旁的小市集逛逛吧!裏面賣的大多都係典型遊客手信,反而不及一些抹茶食品吸引,逛了一會見無乜心水野買加上開始入夜,不如先去預訂了的溫泉旅館check-in吧!



去到溫泉旅館原來已經有唔少遊人在輪候check-in,咁旺場主要係因為12月嵐山這裏有個幾出名的燈祭,所以唔少京都人以至外地遊客都會專程來這裏賞燈順便度假。上圖是溫泉旅館庭園裏的一棵火紅的楓樹。



基爾曾提及關西地區每年12月有三大著名賞燈盛典:大阪光之饗宴、京都嵐山花燈路和神戶光之祭典,之前在神戶已經睇過光之祭典,喱晚來到京都嵐山當然也要去趁趁花燈路的熱鬧啦!



京都祗園那邊的東山區其實也有條著名的花燈路,每年3月是觀賞夜櫻的熱門地點;至於冬季燈祭則在城西的嵐山嵯峨野。



不過由於河濱公園的燈祭場地實在太「無遮無掩」,12月夜晚冰冷如刀割的凜冽北風不斷由河面吹過來,實在令人有點吃不消,賞燈之餘也很考驗遊人的意志力。



吃了15分鐘西北風之後,基爾已經開始變雪條(同時也非常掛念旅館裏暖笠笠的溫泉池),可能也因為太冷,喱晚公園裏的遊人也著實不太多,如果鍾意影相的龍友來到一定勁開心可以任影唔嬲,完全唔駛擔心有路人甲乙丙遮擋爭位!上圖可以眺望到遠處橫跨大堰川河面的渡月橋,是嵐山的著名景點。



唯一可以慶幸係,由朝早開始下個不停綿綿不絕的冬雨,來到晚上似乎已經停住了,影相比較方便之餘,也不致於太有飢寒交逼的淒冷可憐感覺(事實是為了遷就花燈路的亮燈時間所以連飯都未食)……

74 則留言:

  1. 今次影相大過天喎!飯都未食。

    回覆刪除
    回覆
    1. 如果食完飯先去就收晒檔無得睇燈丫嘛

      刪除
  2. 有沒有乘船呢?好似好好玩囉!
    酒店房都好正喎!

    回覆刪除
    回覆
    1. 冇坐船,船伕應該都收晒工了吧kakakaka...
      間房都ok㗎,非常大

      刪除
    2. 大堰川嘅景色好靚吖 <3 <3

      刪除
    3. 襯埋個遍霧遍雨景更加係靚絕^^

      刪除
    4. 無坐到船,可惜!
      對!景色靚絕!
      不過,我覺得那環境有一大群朋友去會更加好玩。

      刪除
    5. 無辦法,去到時已經近黃昏...:P
      都唔一定嘅~~~~好多人都鍾意二人世界㗎嘛XXD

      刪除
    6. 二人世界都有二人世界的好,哈哈哈

      刪除
    7. 似乎說中了你的心意kakakakaka.....

      刪除
  3. 啲燈正丫,凍到變雪條都值得啦,哈哈XD
    日本好似有咁多賞燈活動咁既?之前係博多又比我遇到個@@

    回覆刪除
    回覆
    1. 我諗如果係你都會照去啦係咪^^
      都幾多,應該係對振興當地旅遊業好有幫助吧,而且成本也不高,我見當地人和外國遊客都有,幾熱鬧.....

      刪除
    2. 有靚野睇緊係去啦,哈哈 XD

      刪除
    3. 我以為你係話:「有靚女睇緊係去啦」XXXXD

      刪除
  4. 嵐山嵯峨好想去,有燈係幾靚,四圍好似無乜人喎,咁凍真係好難行行行行
    我明白你的感受,為了看景點而捱餓

    回覆刪除
    回覆
    1. 就在渡月橋的另一邊,上次你與大爺去賞櫻有沒有去看看?
      凍不突止,夜晚河邊仲超級大風,可能四周都無高樓大廈,特別當風......
      因為日本人比較注重環保,燈飾在晚上九點幾十點好似就熄燈(唔似香港燈飾會開通宵),如果食完飯才施施然去賞燈,可能未必睇得晒:P

      刪除
  5. 非常掛念個溫泉池<<一定係另有目的。

    回覆刪除
  6. 回覆
    1. 可能係因為無遮無擋,特別當風,後來入了竹林就好一點.....

      刪除
  7. 川河在下雨後,
    好似清洗完塵埃盡去,
    清到像HD畫面,
    燈祭可以居高臨下睇,
    一定另有一番景象**(^^)**

    回覆刪除
    回覆
    1. 你形容得非常貼切!!!!!~~~~exactly就係HD畫面kakakakaka....

      刪除
  8. 回覆
    1. 我諗係,河邊公園比較少人,全部集中去了竹林那邊,無咁當風....
      也可能係六七點時,有些人仍在食飯未出來!!!!

      刪除
  9. D 景真係好靚,記憶中日本都未試過食店D食品唔好食

    回覆刪除
    回覆
    1. 可能唔好食就一早執咗笠啦~~~!!

      刪除
    2. 有見地,又有可能心情好,食菜都覺得好味D :)

      刪除
    3. 絕對係啦,去旅行多數心情靚,食乜都特別好味D,加咗分!!!^^

      刪除
  10. 回覆
    1. 可能係雨後景象特別淒美hahaha...

      刪除
  11. 回覆
    1. 一年一次,所以都幾多遊客和當地人去睇㗎^^

      刪除
  12. 驟眼睇, 日本的燈祭有少少似台灣的放天燈...營造個氣氛好warm~~
    下次去寒冷地方,最好買定些少暖包備不時之用嘛...

    回覆刪除
    回覆
    1. 又好似有啲似喎,不過人少D,靜好多~~~
      所以我都盡量唔去D太冷地方啦

      刪除
  13. 睇黎真係好凍喎人都唔多隻,幾多度呀?

    回覆刪除
    回覆
    1. 我諗只有四五度吧,不過大風就幾寒囉

      刪除
  14. "日本好似好少食到唔好食的東西"-- 嘩,真係呀,唔怪得我仔仔好想去日本旅行

    回覆刪除
    回覆
    1. 其實佢屋企已經經常有好多美食㗎啦喎hahahahaha....

      刪除
    2. Hahhahaa.. 你來探我地,我一定煮比你食㗎 (如果賞面嘅話)

      刪除
    3. ^0^太客氣了,先多謝你先!!!!

      刪除
  15. Appears that the lamp show was not very attractive.

    回覆刪除
    回覆
    1. 其實我覺得喱個lamp show只係前菜,主菜應該係之後會講到那個竹林^^

      刪除
  16. 回覆
    1. 都值得去一看,雖然係凍咗少少:P

      刪除
  17. 基爾先生文筆好, 景物都俾您描繪到靚晒 ^^

    回覆刪除
  18. 我岩岩都plan緊京都嵐山哥d行程~~不過仲未諗好~~
    聽你形容咁凍我係夏天都打個冷震~

    回覆刪除
    回覆
    1. 仲以為你今次只去大阪呢^^
      放心喎,你夏天去一定唔會凍,天氣應該仲會幾好添

      刪除
    2. 唔係呀~會去大阪京都同奈良呀~~我好期待呀~排到d行程好密~~~驚死蝕底~
      希望啦~~~我好驚會落雨呀~~~~

      刪除
    3. 記得影多啲靚相^^
      落雨都唔驚,最緊要唔好打風,否則就更無癮!!!!

      刪除
  19. Great shots!!! Postcard photos!!! Love them.

    回覆刪除
    回覆
    1. 咁你都影啲打冷鎮近貌畀我睇下啦~~~~好耐無睇過呢^^

      刪除
    2. 基爾哥,有興趣去呢度睇相吖:
      https://www.facebook.com/hamby.yip
      click on the photos tab please!!

      刪除
  20. 飯都唔食去影相, 你真係一個極愛拍風土人情照的人! :)

    回覆刪除
    回覆
    1. 如果食完才去,驚住可能睇唔晒呀:P

      刪除
  21. 第一和第二幅相中景物好似油畫好靚呀 !

    回覆刪除
    回覆
    1. 係呀因為剛剛落完雨,所以有這種效果^^

      刪除
  22. 原來嵐山有燈祭 !
    我上次黎過之後, 真係好鍾意呢度, 覺得即日回來都實在有點趕, 好似你咁住一晚就多點時間睇風景 ~

    回覆刪除
    回覆
    1. 有呀~~~而且都幾多人㗎^^
      其實我留咗一晚都唔係咁夠時間,仲有好多地方未去呢:P

      刪除
  23. 到現在仍奇怪為何基爾整天在外地旅行, 好似食咗無憂米咁, 睇相片又成個細路咁, 唔似退休人士. 真羨慕.

    回覆刪除
    回覆
    1. 我去一次寫足一年啫XXXD
      想買無憂米,邊度有kakakakaka.....

      刪除
  24. 喺日本好難有飢寒交逼時候...XDDD

    回覆刪除