2015年5月10日 星期日

散策郵誌@山東

去年底上京時提過,基爾真係有N年無正式返大陸旅行,那張礙眼的「黑人」回鄉證擺埋多過用。趁住寫「瀛遊」寫到悶悶地,不如又拎返舊郵票出來懷緬過去的愛漫郵歲月……



基爾不太抗拒返大陸旅行,只是近年內地不少熱門旅行地方越來越商業化(幾乎任何景點都收門票),而且經常逼爆遊人更令人意興大減!基爾還是覺得十幾年前返大陸玩開心好多,雖然逼火車巴士辛苦但人仔平好多,食玩住乜都抵,現在回想也慶幸當年有去過走走神州大地。



即刻鑽入床下底摷舊郵票,今次摷出來的係一套2000年7月發行的「山東嶗山」首日封,4張郵票分別以嶗山的主峰「巨峰」,以及「太清宮」、「北九水」、「仰口灣」等幾處名勝為題材,風景固然靚,設計也很有新派國畫韻味。



再去揭返本陳年旅行相簿才記返起「那些年」,原來山東遊已經係2000年的10月,總覺得唔似咁耐,卻眨下眼就過了14年有多。記得當年是飛青島,而嶗山就座落在青島北面不遠的一處海灣旁,好耐以前係咪有個「嶗山礦泉水」廣告?聽聞青島啤酒也是用嶗山礦泉水釀造,anyway去過才知嶗山原來係道教名山。



當年除了去行嶗山之外,印象最深就是去小魚山和八大關,那時基爾立即就被那些西式古老建築迷住了(千禧年以前鄉下仔基爾還未去過歐洲,只曾在1999年用BNO去過一次南太平洋的魔戒小國,就先賣個關子,容後再用郵票尋覓回憶)。



除了青島外,基爾最鍾意的就是煙台,記憶中還呆站在蓬萊閣的觀景炮台上等了很久,祈求一睹那裏最著名的黃海「海市蜃樓」,最後當然係睇唔到(幾年後在埃及的浩瀚沙漠終於睇到一次)。至於上圖右見到「五嶽獨尊」石刻就知係泰山上的天街,當時搭吊車上到天街,然後再一路行上玉皇頂,都有少少索氣。



睇返那次山東遊的老照片,原來仲有去曲阜孔廟和濟南大明湖(記得入晒黑才去到趵突泉,影相時都幾驚會差錯腳跌入漱玉泉),路經濰坊時還買了紙鳶,不過十幾年來這隻鷹形大紙鳶都從未放過上天呢!

61 則留言:

  1. 三年前一個人去了青島幾天,吃吃逛逛,感覺也不錯!

    回覆刪除
    回覆
    1. 唔知依家會唔會同北京一樣好塞車,不過那些年去果陣就幾唔錯,感覺悠閒^^

      刪除
  2. 大陸越來越現代化,但旅遊還是喜歡山川秀石、湖泊美景。

    回覆刪除
    回覆
    1. 大陸始終地方大,仲有好多秘景好值得一去呢

      刪除
  3. 我張回鄉證都係因為要返大陸做野先攞架

    回覆刪除
    回覆
    1. 之前又話會加價,嚇到啲人個個走去續證kakakakaka....

      刪除
  4. 十幾年前已經四處遊歷,好厲害丫 :D
    青島我就未去過,不過聽人講青島可能係中國市容最靚既城市
    唔知係唔係呢?

    回覆刪除
    回覆
    1. 真係時光飛逝XXXD
      唔係喎我覺得你果啲遊歷仲勁喎,我都係靠睇你個blog認識好多大陸旅遊勝景^^
      我覺得海邊的風景不錯,八大關和小魚山值得去睇下

      刪除
    2. Gael大大太謙虛啦,我要跟係學野架 :D
      我都想去青島睇睇 :)

      刪除
    3. 你記得忙完之後再重新出發寫多D遊記我睇下hahahaha....
      下一round不妨考慮去吓青島啦^^

      刪除
  5. 我係好抗拒返大陸旅行. 唔計細細個時返鄉下,我只係去過上海咋.

    回覆刪除
    回覆
    1. 咁王子將來回歸要多啲北上做下親善大使啦^^

      刪除
    2. 佢已經變左鬼鬼喇!親善大使留返基仔你做。

      刪除
    3. 佢唔係成日強調係亞裔架咩?XXD

      刪除
  6. 最後都睇唔到黃海--海市蜃樓, 咁咪好可惜?!!
    隻紙鳶當一個記念品都唔錯...

    回覆刪除
    回覆
    1. 其實唔係咁多機會睇到架咋,而且要好視乎天氣,所以一年都未必睇到一次.....
      都係,不過如果展張對翼其實都幾大隻,無乜地方擺囉:P

      刪除
  7. 我好抗拒返大陸旅行, 除非有人帶路@@

    回覆刪除
    回覆
    1. 我都好怕好多人同埋成日塞車的地方~~~~@@

      刪除
  8. I missed the Confucian Temple last time. Hope I can have time to visit this great temple in future,

    回覆刪除
    回覆
    1. 孔廟規模真係好大,仲有點小故宮的感覺,四周有好多龍柱,聞說是歷朝王帝御准的,很值得去一看

      刪除
  9. 對,內地有不少景點,亦不算貴,但太多人和太商業化。
    山東是好地方!

    回覆刪除
    回覆
    1. 依家有好多「垃圾級別」的景點都竟然夠膽收人入場費,令人啼笑皆非XXD

      刪除
    2. 自我膨脹!貪得無厭!
      不過,全世界都是這樣的。
      香港好多垃圾餐廳都貴到完全不合理。

      刪除
    3. 我諗餐廳成本佔五成是舖租吧
      所以做地產收租最發達囉

      刪除
  10. 芝麻開門!床下底寶藏出土喇!個肥仔都幾Q呀!kaka......

    回覆刪除
  11. 華~~~好靚呀d郵票~~~大大話話都有成15年喎~~~~~要珍藏呢~

    回覆刪除
    回覆
    1. 唔知又炒唔炒得起呢?hahahaha....

      刪除
    2. 我其實以前好細哥時都有儲郵票架~~
      大個左記反而鐘意寄postcard俾自己~~~~
      你哥幾套實炒得起~~~yeah~~~~

      刪除
    3. 寄postcard俾自己都幾好喎,當係旅行紀念品^^
      不過有冇試過寄失呢?

      刪除
    4. 我自己寄俾自己就去咁多次試過一次.....好似係歐洲的...
      我有次試過係冰島寄左成600幾蚊postcard(連埋朋友)...痴線的..

      刪除
    5. 你去冰島寄postcard那篇我也剛看了,真係幾跨張喎,即使唔計錢問題,單單要寫咁多張postcard已經要好大的毅力吧kakakakakaka.....

      刪除
  12. 都好想睇海市蜃樓...喺咪幾分鐘好快就消失呀?

    回覆刪除
    回覆
    1. 咁我又唔知因為都未見過,不過我諗係要好多天氣因素配合先睇到,一年未必會出現一次,可能幾年先有一次吧!!

      刪除
  13. 我都有好多年無上大陸旅行, 你嗰張係"黑人"回鄉證已算好了, 我嗰張係"死人"回鄉證, 哈哈!! 我見而家新嗰啲回鄉證全部都整到你塊面好白, 白到嚇死人!!

    回覆刪除
    回覆
    1. 總之就係「驚嚇」啦,唔係好想拎返出來睇kakakakakaka.....

      刪除
  14. 一段時間沒進來, 一進來又看見漂亮的風景郵票...
    山東的景色也挺讚的! 如果少了那些偽造品和黑心食物, 中國大陸還是很棒的;)

    回覆刪除
    回覆
    1. 一定是工作很忙了吧,有空記得來巡blog^^
      我覺得山東的風景真係幾特別,有傳統的也有中西混合的,又有自然美景,所以都幾值得一去!!!
      希望大陸人快D醒覺,正正常常去做生意總好過走偏門,因為萬事萬物都有因果孽報吧!!!

      刪除
    2. 去旅遊才回來...忙整理成堆的工作...
      真的... 如果誠實與正當一點,真的很棒(當然不所有人都是貶的)

      刪除
    3. 通常這也是旅行的後遺症吧hahahaha....
      對呀優質的自然有捧場客,使詐的也不能長久,只是搵快錢吧

      刪除
  15. Gael,我去過青島兩次,兩次都玩得很開心.

    回覆刪除
    回覆
    1. 對呀之前好似也看過你的照相呢

      刪除
  16. 套郵票好靚呀!
    大陸好多地方d景好靚, 好多年前去過雲南大理, 真係靚得好緊要, 不過好怕內地d厠所, 希望可以認真改善下, 咁就唔洗搞到因為個厠所而唔太敢番內地

    回覆刪除
    回覆
    1. 風景郵票一般都幾靚,所以見到都會買來留念的...
      絕對同意,大陸D廁所真係不敢恭維,有好多直情可以用恐怖來形容,好多時除了因為地方太偏遠抽水設備不足外,很大程度上都係人為因素所致,是缺德的問題!!!

      刪除
  17. 回覆
    1. 以前買埋買埋都幾多㗎
      部份是遊行的紀念品呢

      刪除
  18. 呢套首日封好正,難得細少畫面亦呈現出山景之色。難得一見白cap帽少年!

    回覆刪除
  19. 設計畫面好靚,最鍾意這類名勝郵票

    回覆刪除
    回覆
    1. 係呀風景郵票一般都好靚,最啱買來留念,而且又不重!!方便攜帶....

      刪除
  20. 大陸既舊山水畫郵票好少見過,直得收藏啦!

    回覆刪除
  21. 雖然我對到大陸旅行都唔係太抗拒,但唔知點解我淨係會考慮/ 鍾意去有朋友在嘅地方 LOL

    回覆刪除
    回覆
    1. 咁你會唔會有機會去大陸出trip?
      不過其實去旅行+與朋友聚舊也是不錯的安排,玩之餘也可與朋友聚舊一舉兩得啦^^

      刪除
  22. 你既心聲絕對明白,太商業化並非我相睇既野!

    回覆刪除
    回覆
    1. 可能去旅行的心態唔同咗,想睇嘅嘢都唔同了....

      刪除
  23. 風景好靚 , 但唔知現在是否都係一樣了 , 我聽朋友講國內好多地方變得商業化外 , 還有景點多人到嚇人 .

    回覆刪除
    回覆
    1. 我都見過好多大陸啲旅行景點都係人多到爆,完全無晒旅行意欲呢XXD

      刪除