2015年5月26日 星期二

時間遊人帶回家@文化博物館

近排博物館好似無乜睇頭,索性不去續證了,反正「國際博物館日」也可免費去看看,順道又去逛逛文化博物館吧!



入到博物館發現幾層展廳大部份都正在進行整修工程,可能正準備下一輪暑假檔期的展覽;專題展覽就只有1樓這個時間遊人和帶回家。



擺在帶回家展廳正門內的這個白色手挽袋幾得意,非常大個又夠搶眼,展覽的意念主題是來自「香港文化、藝術與設計故事」……



偌大的展廳劃分為幾條長廊,分別由6位本地著名設計師以香港集體回憶為素材,設計多款甚具創意和本土色彩的紀念品,上圖沒記錯就是靳埭強設計的作品。



上圖是陳幼堅以丁衍庸的著名水墨作品《青草池塘處處蛙》為題材,創作出這個青蛙浴缸玩具都幾有趣,另外仲有水墨青蛙的書簽,基爾覺得幾實用,博物館的紀念品店可能有售。另一邊還有些懷舊海報廣告和漫畫,有冇人睇過《小圓圓》?



這個有點似琥珀的水晶浮雕擺設也頗靚,上面有「HONG KONG」字樣,據旁邊的簡介說浮雕中的晶瑩折射象徵了香港開埠百年來的輝煌歷史云云,所以題為「歲月流金」!



上圖右係區德誠創作的「長衫及婦女上衣雨傘」,作品擷取上世紀20年代長衫的花紋,創作古雅的「拼布」雨傘……諗返以前真係幾常見師奶會擔喱類花布雨傘去街市喎!圖左是茶具系列,上面的書法字好靚,稱為「藝術流淌」,當中的橋型茶壺最特別,驟眼睇似古時書生摺扇的書法扇面。



比較特別是場內還設有公眾投票,參觀者可按個人喜好投選心水佳作,上面這個燈罩是基爾投選的其中一個作品,名為「對話的夢」,屬劉小康的玻璃作品,令人聯想起漫畫人物對話的dialogue box。



另一個基爾有投下神聖一票的就是這個「利孝和夫人旗袍」造型的的茶葉罐,除了靚之外,仲幾有實用價值,而且造型非常有傳統古典味道,如果有外籍朋友來香港旅行,這個茶葉罐一定是必選的手信吧!



最後再看看「又一山人」(黃炳培)最著名的紅白藍帆布作品。據介紹,黃炳培是這次展覽的客席策展人,展出的作品也相當多,除了紅白藍膠袋外仲有水務署路標系列作品都好值得一看,而且非常貼近生活呢!

「帶回家:香港文化、藝術與設計故事」
展期︰18.4.2015 - 31.5.2015

63 則留言:

  1. 咦, 文化博物館又有新主題展喇, 我久唔久都有去睇架, 但未睇過呢個展覽。個琥珀水晶浮雕真係靚bor

    回覆刪除
    回覆
    1. 成間博物館大部份都正在裝修,可能暑假檔期有較大型的展覽,近期就只有喱個同埋李小龍展,其餘的專題展廳不多,所以周三免費日去會比較抵^^
      仔細睇喱個水晶裏面話有香港的百年歷史呢!!

      刪除
  2. 有一個有趣的展覧... 可惜我離開佐香港 :|

    回覆刪除
  3. 其實香港本土真的有很多值得保留的文化,不過又沒有一個永久博物館可作長期展覽。

    回覆刪除
    回覆
    1. 喱個文化博物館算係叫做比較多本土嘢睇^^

      刪除
  4. 值得去參觀,係咪沙田果間?

    回覆刪除
    回覆
    1. 係呀,大圍火車站或沙田站行過去都得

      刪除
  5. 呢個展覽好近期...若果冇分下集, 感覺冇想像中咁多嘢睇~~
    小圓圓又好似冇咩深印象,在兒童刊物連載嗎??
    續證要費用??

    回覆刪除
    回覆
    1. 冇下集啦驚悶親森兄kakakaka....
      係咪兒童樂園之類的刊物?
      要,其實新證或續證都係HKD$50半年pass,不過我通常係多展覽睇的時間才做證,近排似乎就無乜特別的展覽了

      刪除
    2. 難得gael兄都顧及森伯感受?!!有展品睇吓都未必會悶嘅~
      小圓圓呢種風格都似兒童樂園刊載, 或是獨立出呢??呢點真係冇得考究~
      續證唔係應該平啲咩??成日去先划算...

      刪除
    3. 森兄幾時又會畀啲大作過我地欣賞下^^
      真係唔知喎,可能年代太久遠,應該唔係好多人知....
      唔係㗎,所以基本上唔駛去續證啦,有啱睇嘅先去

      刪除
  6. 浴罁水墨作品幾特別, 雨傘有個圖案好似 "八掛",
    何時有免費展覽呢?

    回覆刪除
    回覆
    1. 這都是藝術文化的再演繹吧
      逢周三所有博物館都免費入場㗎,間中博物館日也是免費的

      刪除
    2. 在那裏的!? 有機會參觀吓 ^^

      刪除
    3. 沙田的文化博物館
      有空不妨去看看,不過近期專題展覽不太多

      刪除
  7. Gael,我已很久沒有到過文化博物館,這次的展品好懷舊.

    回覆刪除
    回覆
    1. 對,真的有點懷舊味,老香港情懷^^

      刪除
  8. 回覆
    1. 有幾樣都幾靚㗎,如果真係做成紀念品都唔錯

      刪除
  9. 比較喜歡靳埭強和陳幼堅早期的作品。
    「又一山人」初出紅白藍帆布作品,真是好正,可惜看多了,現在感覺好 boring。

    回覆刪除
    回覆
    1. 我比較喜歡旗袍茶罐和對話燈^^

      刪除
    2. 「利孝和夫人旗袍」造型的的茶葉罐,是送給來香港旅行的外籍朋友的小禮物,完全同意。

      刪除
    3. 對呀,都幾有香港特色,我諗送畀外國朋友都幾鍾意嘅

      刪除
  10. 唔怪得你成日睇展覽啦~~原來你有全年證~
    咁我諗諗下澳門其實都幾好喎~因為我地個文化中心平日要俾錢的
    但係逢星期日係免費入場的~
    我之前都有全年證~~~但係係中學時期~~
    因為佢有時d海報好靚~~~~會員可免費攞~

    回覆刪除
    回覆
    1. 之前有買,就睇了俄羅斯和敦煌那幾個展覽,其實看3,4次已經抵返晒,如果多嘢睇,買pass都唔錯!
      星期日免費又幾好喎,至少多啲人可以去到啦
      澳門都有好多唔同種類的博物館,有空要過來逛一逛^^

      刪除
    2. 咦~咁香港一年pass要幾錢架??咁要俾錢入場的話一次又幾錢呢?(八卦中)
      係呀!!所以星期日好熱鬧架~~~而且我地都多數星期日去~
      得閒黎玩下啦!!^^

      刪除
    3. 記憶中全年pass好似係HKD$100~~~~不過我多數只買半年HKD$50
      會呀,遲下希望有機會再來^^

      刪除
  11. 利孝和夫人旗袍>> 我想起佢年年台慶切蛋糕

    回覆刪除
  12. 具創意和本土色彩的紀念品會唔會推出市場㗎?

    回覆刪除
    回覆
    1. 我唔知在博物館裏那間紀念品店有冇得賣呢,果日我無入去睇

      刪除
    2. 我唔知在博物館裏那間紀念品店有冇得賣呢,果日我無入去睇

      刪除
  13. " 歲月流金 " 唉 .... 意義深長 !

    回覆刪除
  14. 展期︰18.4.2015 - 2015年5月31日
    剩3天時間,沒辦法前去,看你的照片也不錯;)
    謝分享,讓遠方的朋友受益;)

    回覆刪除
    回覆
    1. 喱個展覽展期比較短
      展覽不算很大型,上面影果啲已經係大部份展品了

      刪除
  15. 「利孝和夫人旗袍」造型的的茶葉罐...好似大咗D喎!
    D茶葉有牌先用得完囉!:P

    回覆刪除
    回覆
    1. 茶葉罐唔會太細㗎啦,否則點裝XXD
      Size我諗大約500ml啤酒罐咁上下
      茶葉如果貯存得好,無期限架喎

      刪除
    2. 吓!只500ml喳!但,睇你影果張相好似好大罐咁,我以為只供茶樓食堂用添!

      刪除
    3. 都唔算好大,正常size

      刪除
  16. 琥珀水晶浮雕擺設,我覺得幾靚下~唔錯!

    回覆刪除
  17. 回覆
    1. 不過我嫌整間館得一兩個廳有嘢睇,好似太少了

      刪除
  18. 「利孝和夫人旗袍」造型的的茶葉罐,幾特別!
    《小圓圓》連載於《兒童樂園》,還有老好的《叮噹》都是沿於這本刊物!

    回覆刪除
    回覆
    1. 旗袍的花紋和造型都頗有傳統味...
      Really~~~~原來叮噹也曾在兒童樂園刊載?!!@@我睇果陣係獨立一本本咁買,通常星期日去飲茶前0累阿媽買!!XXD

      刪除
    2. 証明基爾哥哥年紀小

      刪除
    3. 都唔細架啦,應該同你差不多吧^^

      刪除
  19. 回覆
    1. 我都覺得係,將水墨畫化作實物,意念好創新!!!

      刪除
  20. 點解我硬係睇唔到Hong kong個字既?

    回覆刪除
  21. 呢個展都幾有趣, 但又好似展品好散修修咁 ..
    集體回憶真係人人不同.

    回覆刪除
    回覆
    1. 西藏回來了?正唔正?
      有冇高山反應呢?!!....
      幾個designer給合而成,種類都幾多,有些都幾得意的
      對,不同年代的人就有不同集體回憶吧

      刪除
    2. 西藏真係超正, 呢幾年算今回玩得最痛快, 日日都好精彩, 風景真係超級靚 !!
      高山反應有係必然架, 但我算唔強烈, 朋友反而真係又呆又頭痛, 仲要心跳加快, 再發埋燒 ~

      刪除
    3. 等睇你地D西藏壯麗靚相,快D寫hahahaha...
      食咗紅景天都無幫助呀?!!!駛唔駛買氧氣袋?

      刪除