2015年6月30日 星期二

2014古都瀟瀟@法式食堂

冬天特別早天黑,搭JR由大阪重返京都雖然只是6點幾,卻早已是夜色璀璨,滿街看來都似是趕著下班回家又或者與友相約HH的身影,祇園一帶尤其熱鬧,旺過旺角……



入夜後又再次來到京都驛,卻竟又下起毛毛雨來,唔理咁多立即搭上往祗園的巴士,約20分鐘左右來到四条通街尾近八阪神社前落車,夜色中的神社大門添上不少神秘味道。



說這間是「秘店」也沒有誇張,因為它並非位於熙來攘往的大街,而是在花見小路旁的一條貌似後巷的小橫街裏,最初基爾也找不到,最後問了一位附近食店的哥哥,由他帶路穿過迂迴窄巷才終於找到。



既然咁鬼隱閉,點解又會發掘到喱間食店?其實係某晚基爾在家看J2的《冒險Japan》介紹過才知有這間「隱世食堂」……上圖右就是食堂的老闆兼主廚,據節目介紹曾在法國某大酒店浸過多年咸水取經學法。



法國菜一定賣相精緻,同日本菜也很有點異曲同工之妙,上面喱味煙三文魚單睇外表已經拎滿分吧!



上圖右的粟米湯既creamy又有濃濃粟米味,應是用了日本超甜粟來做吧?!據節目介紹這間私房食店賣的雖然是法國菜,但食材則全屬本土出產……忘記了左上圖是否烤鵝肝,小小一塊也沒令人有飽膩感。



除了精巧的法國菜外表,部份菜式還帶點日系fusion味。其實餐廳裏的隔局不大,食客座位的三面台根本就是傳統的「深夜食堂」場景,只是賣的並不是拉麵壽司炒飯味噌湯而已!



連竹葉包裹的小粽子也吃得到!據《冒險Japan》節目介紹,店舖原本確實是主廚父母經營幾十年的日式傳統食堂,後來兒子在法國放洋回來接掌了食堂才加入了法式元素,但舖面陳設仍舊保留60年代的舊貌,對鍾愛舊事舊物的基爾來說真的非常正!



比較搞笑係節目中大廚也表明其實不太想上電視,因為真的怕一旦慕名而來的客人多了就應付不來(縱使店裏已請了兩位小師傅來幫手)……事實上他們每晚serve的客人最多應該只有十個八個吧!基爾當晚同桌的就只有8人,包括一對港人母子和一對日籍情侶(他們聲稱只是同事),港人母子原來也是看了《冒險Japan》才懂來一試云云。



食到飽一飽差不多又係時候趕搭JR返回大阪,臨行前先去個廁所,途中路經屋裏的小庭園,其實整家店的陳設布置也很有日本傳統町家建築feel,感覺有點似走進了叮噹和大雄屋企一樣。最後,由高大型男二廚來到大門前送行,基爾覺得佢靚仔過小林薰,甚具星味……回程時依然很回味這頓fusion法式大餐,要好好記住「大仲」這間隱藏於小町中的秘店,有機會再去京都要來encore!

p.s.幾乎忘了提一提這餐的價錢(可能因為沒有拍下menu和賬單的照片),如無記錯大約只是JPY¥7800左右吧,按6.5匯率計才不過HKD$500,比神戶牛那一餐平得多呢!

66 則留言:

  1. 你真好嘢,咁都記得,店名和地址
    我都有睇,但完全記唔到,你日文了得呀,
    質素好高,見到菜式中,有糭...,真喺好特別,
    價錢超抵

    回覆刪除
    回覆
    1. 似乎都幾多人睇冒險japan喎^^
      係呀見到隻粽有D突然:P
      對呀我覺得唔錯,食之外仲好似睇show咁,幾特別,而且價錢也不太貴

      刪除
  2. 祇園一帶係無時無刻都咁多人!!

    回覆刪除
  3. 法國菜日本菜都係貴精不貴多....

    回覆刪除
  4. 喜歡這種風味小店,你會感覺到廚子真心制作,貴精不費多,一間餐廳只招待幾十位客人,香港應該好難搵到

    回覆刪除
    回覆
    1. 一晚只招呼幾個客,我諗似香港的私房菜格局吧

      刪除
  5. 下次去京都,一定要去試試!

    回覆刪除
  6. 日本人好認真, 煮法國菜分分鐘好過正宗法蘭西人

    回覆刪除
  7. 回覆
    1. 日本喱類小店仲生存在,香港一定無可能啦

      刪除
  8. search吓yt有冇冒險japan睇先.

    回覆刪除
    回覆
    1. 同你search過,有冒險japan的片但未必是京都那一集!!!

      刪除
  9. d餐廳一紅左水準就會下降,等我下年都去試下先

    回覆刪除
  10. 食探之名,為食之旅為實喇。

    回覆刪除
    回覆
    1. 如果再加上懸崖橋之類的靚景更佳XXXD

      刪除
    2. 好記性又點吖!為食口話事,年年返鄉下食飽,都唔益對眼去觀光。

      刪除
    3. 返鄉下都係粗茶淡飯,河邊餐廳正好多啦:P

      刪除
    4. 小鎮餐廳唔貴o架!仲平過你呢餐,而且每日中午食麵包生果咋!

      刪除
    5. 食面包生果最正啦,腸胃暢通^^

      刪除
  11. 我回來了~~~~
    華~~呢餐幾正喎~~~~多謝你既介紹~~~~~
    最衰今次無機會食到~~~
    我連祗園都無去今次.......................哈哈~

    回覆刪除
    回覆
    1. 大阪熱唔熱呀?!!食咗D咩好嘢今次?^^
      咁快D加返個倒數時計,出年再去....

      刪除
    2. 我地食左好多多唔同類型既野~~~希望可以快d同大家分享~~~
      我覺得又凍又熱囉.....有幾日好熱...有兩日又好凍喎
      我都想..但出年有一個更勁的等緊我...可能出年都無機會去到日本了~

      刪除
    3. 等睇@@!!
      係呀依家風季,日本都係時晴時雨吧....
      會去邊咁勁?!!南美?

      刪除
  12. J2的《冒險Japan》介紹過這間「隱世食堂 ] Sky 都有睇過的^^
    水準和收費合理嗎 ?

    回覆刪除
    回覆
    1. 咦~~~~原來都幾多blog友有睇果集喎!!!@@
      我覺得都算ok抵食呀,環境也不錯呢

      刪除
  13. 旺過旺角?好勁好誇張的情況 ......
    「隱世食堂」值得試!

    回覆刪除
    回覆
    1. 祗園我諗係全個京都最多人的地方:P

      刪除
    2. 我忽然想起齊國的摩肩擦踵那一句成語,不知可否與祗園相比較,哈哈哈

      刪除
    3. 你有空也不妨去擦一擦啦XXXXD

      刪除
  14. 冒險Japan介紹得應該唔會差
    最怕自己沒有時間去
    京都真是一個好地方

    回覆刪除
    回覆
    1. 原來果集都幾多人睇過.....
      我唔驚冇時間呀,最驚唔夠円洗咋XXXD

      刪除
  15. 太精緻了, 7800YEN 是超值

    回覆刪除
    回覆
    1. 你都成日發掘到平靚正,要多多向你學習先得:P

      刪除
  16. 這店出咗名食物水準仍保持到 , 真難得 , 換轉香港可能已令食客大失所望了 .

    回覆刪除
    回覆
    1. 所以個老闆話其實唔係咁想上電視:P

      刪除
  17. 煙三文魚...like!
    又有法國菜外表,又帶點日系fusion味...有機會去到要試試先!

    回覆刪除
    回覆
    1. 會唔會年底去睇紅葉?

      刪除
    2. 應該唔會!就算睇紅葉都去韓國睇喇!

      刪除
    3. 嗚嗚!本来諗住7月尾放幾曰假去濟洲島join 啲friend (啲friend原本plan 咗去兩個星期左右),就是新沙士去不成了!:((
      啲friend話改去日本喎!如果時間上就到會join賣佢哋去日本!^^

      刪除
    4. 安全起見都係唔好去韓國住啦,去旅行都係為了玩得開心,無謂博^^

      刪除
  18. 竟然唔想太多客⋯ 香港人一定唔會,最好多D然後分店,過度擴充,跟住質素變差,然後結業⋯
    尋日行Sogo諗起基爾,今日見你法國大餐又諗起早幾個月係法國日日食法國大餐。

    回覆刪除
    回覆
    1. 或許唔同人有唔同做生意手法吧~~~~~大概藝術家同生意人都有唔同價值觀!!!
      行Sogo會諗起我?@@我好少去架喎kakakakaka....
      正呀,原來你已去了一轉法國,係咪同銀嫂去?幾時會寫blog來看看?^^

      刪除
    2. 因為你成日去日本咪諗起你囉~ :P
      係呀! 復活節去既,現在遊記加速中,不過仲剩好多日⋯ 哈哈⋯

      刪除
    3. 哦~~~~icic!!!!變咗做代言人kakakakaka.....
      等睇你D遊記,有冇去食松露?^^

      刪除
  19. 日本菜 跟 法國菜很配, 同樣的細緻及講究.
    HK$ 500 都真係好抵 ~

    回覆刪除
    回覆
    1. 又係喎,你說得對,兩者都有D共通點!!!
      係呀,是可以一試之選呢

      刪除
  20. 我都有睇過呢集《冒險Japan》
    好彩你去到有位咋,咁細間多兩個人就full lu@@

    回覆刪除
    回覆
    1. 原來收視都幾高喎kakakaka...
      要預早book的,無得walk-in呢

      刪除
  21. 三文魚睇見都想食... 紫色碟扒是什麼來的!

    回覆刪除
    回覆
    1. 太耐,記憶中好似件牛扒,唔係太記得:P

      刪除
  22. 我好少可HKD$500食一餐,
    不果去旅行係要開心去玩,開心去食的

    回覆刪除
    回覆
    1. 我都好少豪食㗎:P
      係去旅行才一次半次咋hahaha....

      刪除
  23. 你秘店都識去, 真係無浪得虛名的---日本通!!!,哈哈

    回覆刪除
  24. Ada,現在去日本食嘢平過香港.

    回覆刪除
    回覆
    1. 部份真係平過香港,而且質素有保證吧

      刪除