2015年11月7日 星期六

遺忘的唱盤時光@Barbra Streisand

上次睇過Madonna的演唱會VCD和聽過佢張超級精選CD之後,今次繼續欣賞另一位天后級歌手的專輯,她的名字叫Barbra Streisand。



如果同基爾差不多年紀的話,應該不會對這名字感到陌生,也不可能沒聽過她的歌,而這張收藏多年的演唱會VCD原來都已經有成廿幾年歷史,與上次娜姐那個巡唱差不多都是舉行於90年代初。



Barbra Streisand於1993-94年期間先後在倫敦、紐約、聖荷西等幾個城市舉行了一系列的歐美巡迴演唱會,而基爾擁有的這張《Barbra-The Concert: Live at the Arrowhead Pond》雙VCD專輯就是收錄了她在美國加州Anaheim舉行的演唱會版本。



翻查資料才知,原來這是Barbra Streisand自1966年以來的首次歐美巡唱,這次演唱會上自然也少不免唱了不少她的名作,包括曾令她獲獎無數蜚聲國際的Evergreen、The Way We Were、You Don't Bring Me Flowers、Somewhere等等,全個演唱會合共唱了20幾首歌,都收錄在這套雙VCD專輯裏。要再睹這位世界級Diva的精彩live演出,這套演唱會雙VCD肯定是收藏之選。



睇完演唱會的live版本之後,如果想再重溫多一點Barbra Streisand近半世紀的金曲,就要再聽埋喱隻於1981年發行的《Memories》精選大碟了。



這張精選CD的戰績也相當威水,除了擁有5白金的銷量紀錄外,當年在UK大碟榜也高踞9星期no.1,比較特別的是碟中除了有Barbra Streisand在60's-70's的代表作外,還收錄了Memory、Comin' In and Out of Your Life和Lost Inside of You等3首從未推出過single的歌曲。



唔查wiki唔知,原來Barbra Streisand也是美國歷來唱片銷量最高的女歌手,自1962年出道起計已售出逾8500萬張唱片,銷量僅次於貓王Elvis Presley和Beatles而已!



之前提過Barbra Streisand有首代表作The Way We Were,幾乎每次演出都例必要唱,唔唱唔準走果隻。這首百聽不厭的金曲其實是來自1973年她主演的同名電影《俏郎君》(The Way We Were),基爾點都要翻箱倒櫳從床下底找出這張收藏已久的電影DVD來重溫。



數數手指原來這套經典的愛情片已經有逾40年歷史,由拍過《杜絲先生》和《非洲之旅》等名片的Sydney Pollack執導,而飾演男女主角的就分別是Barbra Streisand和Robert Redford。



這套重新發行於2004年12月的Special Edition電影DVD裏,除了有張影碟之外,不能不提的還有上圖這張印刷相當精美的劇本故事簡介和劇照leaflet,用來當poster貼也無不可(雖然今時今日似乎已經好少人會在房裏貼明星又或者電影的poster了)。



今時今日年事已高的Robert Redford似乎已看不到「俏」在哪裏,不過當年拍了《俏郎君》後,就奠定了70年代超級「男神」的地位,令不少女士嗒糖。另外,此片也曾榮獲1974年第46屆奧斯卡金像獎最佳原創歌曲、劇情類最佳配樂及最佳女主角等多項大獎及提名。


值得一提係Barbra Streisand除了唱得之外,在電影上其實也有不俗的成績,這方面明顯勝過不少其他拍過戲的當紅美國女歌星如Madonna、Whitney、Cher、Jennifer Lopez等。



例如1968年Barbra Streisand初出道時,即憑重拍百老匯歌舞劇《Funny Girl》而一炮成名,翌年更榮獲第41屆奧斯卡最佳女主角獎;之後在70's-80's一直是影壇頒奬禮常客,曾贏過5次艾美獎及8次金球獎,並於1976年憑電影《A Star Is Born》主題曲Evergreen再次獲得奧斯卡金像獎,看來這位唱而優則演的美國女星,成就可說是前無古人,暫時也後無來者了。

57 則留言:

  1. 而家呢的又快成為古董,但又未知,未來有什麼新發現?!

    回覆刪除
    回覆
    1. CD/DVD我諗都好快會被淘汰,第時上網乜都有唔駛浪費地方存放啦,HK寸金尺土XXD

      刪除
  2. 回覆
    1. 她的電影金曲特別有味道,令人回味^^

      刪除
  3. 回覆
    1. 王子咁後生唔知唔出奇丫XXXD

      刪除
    2. 係喎! 我都似為係,我睇"生擒外父"佢好攪笑架!
      不過原來名曲Memory係佢唱

      刪除
    3. 佢依家專門係當串星,可能係無咁辛苦唔駛開咁多日工,寓工作於娛樂^0^

      刪除
  4. 您真的好懷舊!亦很懂得享受人生!哈哈哈

    回覆刪除
    回覆
    1. 我覺得你仲懂得享受人生啦wakakakaka....

      刪除
    2. 哈哈哈,我最懂得手痕,要不斷寫嘢就真。

      刪除
    3. 咁都幾好丫,至少你找到止痕的方法XXXD

      刪除
  5. Grammy Legend Award, 好音樂好歌喉!

    回覆刪除
  6. 回覆
    1. 所以得閒拎返出來回味+寫blog囉XXXD

      刪除
  7. 我都係呢十年八年先識欣賞Barbra Streisand,好神級的歌手,把聲好靚,我覺得佢用葉得嫻幾似。又識演戲。

    回覆刪除
    回覆
    1. 近年好似較多見佢客串啲搞笑戲,唱歌出碟就好少了....
      Deanie姐都係啦,應該出來唱多啲歌和拍多啲好戲,對上一部係咪已經是桃姐?

      刪除
  8. er...我識佢...但我真係未聽過佢既歌~~~

    回覆刪除
    回覆
    1. 可能小T媽會聽過佢啲歌^^

      刪除
    2. 可能佢唔多聽佢既歌~~因為如果佢聽~我細個一定有聽過~因為我成日都識唱佢鐘意聽既歌~~~哈哈~~~

      刪除
    3. 咁近排仲有冇跳娃娃舞畀佢睇XXXD

      刪除
    4. wakakakkakak~你仲記得~~~~近排無~~~~~排住執相寫blog~~~
      你咁講~~因間同佢玩下先~

      刪除
    5. wakakakakakaka~~~~~提議下次去台北跨年放煙花時,要拍返段娃娃舞短片助興XXXD

      刪除
  9. 嘩 ! 呢位夠經典呀 ~~

    回覆刪除
  10. (The Way We Were)經典 ~~首歌好好聽!

    回覆刪除
    回覆
    1. kaka師太我諗平時習慣咗清心寡欲六根清靜,都係唔好睇咁多愛情片好啲!!!XXXD

      刪除
    2. (The Way We Were)呢套戲未睇過喎,我真喺好少睇愛情片
      及愛情小說。
      而家D師太唔一定清心寡欲、六根清靜、心如止水.....架!
      有冇睇新聞架你....:P

      刪除
    3. 果啲師太又點同你喱隻kaka師太先~~~~XXD

      刪除
    4. 咩...".喱隻kaka"呀!!!!
      基爾大師對師太們...都好有研究喎!kakaka....

      刪除
    5. 無乜㗎咋,求其亂估而已XXXXXD

      刪除
    6. 兩位師太、大師,竟然對外國音樂、電影咁有研究,實在佩服!…… 我剩係对佢一D歌有印象咋…… 唔知佢個名,亦唔知佢拍過戲…… (^_^;) …… 咁…… 係咪我似隱士多D……

      刪除
    7. 你唔係似,直情就係隱士啦,成幾個月先來留言.......XXXD

      刪除
    8. 無法啦,我嘅志願係做隱士!( ̄∇ ̄)

      刪除
    9. 一粒米隱士:論對外國音樂、電影有研究...邊及清心寡欲、
      六根清靜、心如止水.....嘅基爾大師呢?!

      刪除
    10. 實在太令人興奮啦~~~~~永樂大典的blog友群原來除了旅行家,食家,煮飪專家,小說家之外,依家仲新加入埋隱士和宗教界的師太,網絡覆蓋越來越廣XXXD

      刪除
    11. 哈哈哈...証明基爾大師魅力非凡囉!:P

      刪除
    12. 仲有KaKa才貌双全嘅博客吖嘛!

      刪除
    13. 哈哈哈…好像Ybolg 時代的鬥嘴火花
      又再閃爍了!:P

      刪除
  11. 可能森伯年邁得滯...唔知有過呢位歌手喎?!!

    回覆刪除
    回覆
    1. 我就覺得活力十足嘅森兄平時應該係比較聽得多「AKB48」又或者「少時」啲跳舞歌多一啲,至於BS喱類阿婆級歌手無聽過都唔出奇丫XXXD

      刪除
    2. 唔係同你講笑...真係唔識呢位歌手, 可能有些歌聽過都唔定...邊有gael兄咁有音樂造詣, 細細個已經聽貫歐美流行曲~~
      至於你講「AKB48」「少女時代」聽都未聽過有咩歌...咁樣屈森伯就唔係好啱囉~~

      刪除
    3. 都怪我口多希望森兄唔好見怪:P
      唔識仲好啦,睇完我個blog咪當係識小小囉XXXD

      刪除
  12. 回覆
    1. 真正懂唱歌的歌星,總覺得聽live好聽過CD^^

      刪除
  13. 好有心機嘅介紹,原來芭芭拉成就咁高,失覺了。

    回覆刪除
  14. 怎會不愛史翠珊, 我用過她的Memory歌詞追女仔哩.

    回覆刪除