2015年11月21日 星期六

遺忘的唱盤時光@關淑怡+黎瑞恩

上次講林憶蓮那張華納推出的精選碟時,都有提過「Denon Mastersonic」數碼重編技術,據聞是可以「令音場透明度及層次感大大增加;頻應明顯擴張,動態更具震撼」云云……當年比較早引入這種日本先進數碼技術的還有《寶麗金88極品音色系列》。



最初一直以為寶記這一系列「紙盒簡約版」包裝的精選CD都是在1988年推出,但原來90年代才算是高峰期(證明當年好賣得),例如上面這兩張關淑怡和黎瑞恩的精選CD就分別於1996及97年推出。另外原來好多「大牌」歌星如譚詠麟、張學友、鄧麗君等都出過兩輯,而關淑怡也一樣出過另一輯以翻唱為主的「88精選」,不過基爾就無買到。


先說紫色那張關淑怡精選,相對而言這張算是較有驚喜的精選碟,除了大路hit歌《繾綣星光下》、《難得有情人》、《冬戀》、《星空下的戀人》等等之外,還有基爾甚喜歡的《一首獨唱的歌》、《假的戀愛》和《愛恨纏綿》,還有較少聽的《梵音》和《失戀演奏家》。不過基爾比較貪心,如果碟內收錄埋《當世界無玫瑰》就perfect了。



基爾覺得關淑怡和黎瑞恩唔再出新碟實在有點可惜,以前甚至覺得關淑怡唱live好過聽CD,不過近年演出少了就有點飄忽……反而小恩子不論CD或唱live都有極穩定的水準,基爾還好記得她初出道時,曾經有次在海洋公園的海洋劇場聽過她的live演出(好似係唱發誓和陽光路上之類的歌),已經忘了是什麼樣的聚會場合了!

74 則留言:

  1. 海洋劇場唱live...你講我又有啲印象嘅。唔通我睇過???? 睇嚟我老人認知障礙都好嚴重。

    回覆刪除
    回覆
    1. 唔出奇喎王子,因為印象中有可能係獅子銀行搞的活動,不過年代實在太久遠,我都唔太肯定...........

      刪除
    2. 我好肯定係呢個活動了.

      刪除
    3. 原來N年前都曾經相遇過kakakakakakaka.......

      刪除
  2. 封面包裝真係好麻麻,求其揾個大頭相就算,似足老翻,以前佢哋嘅CD碟設計得好靚!

    回覆刪除
    回覆
    1. 喱類精選碟真係唔好強求佢地有咩創意包裝封面設計,肯定係純賺錢架啦kakakakakaka......

      刪除
  3. 兩位的歌真不錯 , 好多歌我都鍾意聽 .

    回覆刪除
    回覆
    1. 會唔會間中同相公去唱下佢地啲歌先^^

      刪除
    2. 哈哈梗係唔會喇 , 我地邊得咁好歌喉吖 .

      刪除
    3. 志在開心玩下啫,有冇試過唱粵曲?

      刪除
  4. 我鐘意關淑怡呀,佢首首都好好聽

    回覆刪除
    回覆
    1. 最鍾意佢經常帶來一些新感覺,唱咗咁多年依然間中玩些新意和突破,這是最難得的

      刪除
  5. 以前返學時成日聽黎瑞恩

    回覆刪除
    回覆
    1. 當年的寶記四小花中我諗最多大路hit歌係佢囉

      刪除
  6. 經典, 呢兩個都唔錯, 幾喜歡佢地o既聲音

    回覆刪除
    回覆
    1. 關淑怡常有驚喜,黎瑞恩就夠穩定大路....

      刪除
  7. 我有關淑怡這張碟,我都很喜歡《當世界無玫瑰》這歌。

    回覆刪除
    回覆
    1. 編曲幾特別,唔似係一般耳軌恆常聽慣的大路情歌

      刪除
  8. 我又無咩印象, 可能我麻麻地佢地

    回覆刪除
    回覆
    1. 咁同期你鍾意邊個女歌手多啲?

      刪除
    2. wakakaka....可能年代太久遠,一時間也不易記起:P

      刪除
  9. 關淑怡好似有首(?)同、是我首選。但當年比較多唱黎瑞恩D歌。、……

    回覆刪除
  10. 好喜歡'愛恨纏綿、難得有情人,另有首叫'再會了'?
    黎瑞恩D歌,當年必唱…… 而家仲有人叫我唱佢D歌…… '一見如故'……正!

    回覆刪除
    回覆
    1. 看來當年啲K場都留下唔少你嘅歌聲喎XXXD

      刪除
    2. 原來一粒米咁唱得!:))

      刪除
    3. Kaka師太應也是唱得之人吧:))

      刪除
    4. 睇吓唱乜喇!但,絕對不是"周圍唱...人哋啲衰野"....之人吧!:))

      刪除
    5. 都係以前嘅事…… 前塵往事咯……

      刪除
    6. Kaka:你得閒都去思考人生哲學啦,邊得閒唱人XXD

      刪除
    7. 米:啲K場仲未執晒喎,隨時再去唱下啦^^

      刪除
  11. 關淑怡和黎瑞恩我都鍾意,以前去K一定會唱佢地的歌。

    回覆刪除
  12. 因為有屋企人好鍾意關淑怡, 所以很多歌聽慣都好熟悉~~
    自己好鍾意shirley kwan的真假情話,唔知你又熟唔熟呢??

    回覆刪除
    回覆
    1. 喱首又真係唔係好常聽到,而且都好少聽佢唱喱類小調型的歌喎,之前聽佢唱喱類歌多數係啲電視劇主題曲插曲之類

      刪除
    2. Gael兄比較多聽女歌手的歌…
      有冇咩欣賞的男歌手可以講吓呢?!!

      刪除
    3. 又唔算係喎,男女歌手組合樂隊都聽㗎.......
      幾鍾意聽林奕匡和馮允謙,坤哥本來也不錯,可塑性高,如果我係佢監制一定會揀多啲偏鋒嘅歌畀佢唱,image可以試多啲大膽型格如GD的造型,如果只係做大路情歌王子就浪費了潛質!!!!

      刪除
  13. 回覆
    1. 從新加油嘅意思係.......?

      刪除
    2. 她近年的生活不是有些失意嗎?

      刪除
    3. 相對好多人,佢嘅生活已經係好愜意啦,至少衣食無憂好多人恨唔到呢:P

      刪除
  14. 近排做咩翻開咁多舊cd呀~好懷舊喎~
    關淑怡我覺得ok呀~幾有味道~

    回覆刪除
    回覆
    1. 好彩唧~~~~~幾驚你話唔識呀XXXXD

      刪除
    2. 點會呀~~~~~~~~~~~~~人家都年過30啦~~~
      我都想扮後生呀~~~唔係上次買007又點會鬧出笑話~~~~~

      刪除
    3. kakakakaka.....你提起我先知原來依家007已經唔再叫鐵金剛

      刪除
    4. 野~~~~又笑人既~~~~~~~
      其實咪仲有好多老餅野我唔應該再講出口??一講就知年紀大..
      例如話自己鐘意美少女戰士哥d...XD

      刪除
    5. 唔驚啦外國果啲top model一般都年過三十嘅XXD
      我都睇美少女戰士㗎,不過更鍾意睇娛樂金魚眼和星矢.....

      刪除
  15. 關淑怡呢隻我有,耐唔耐聽吓。

    回覆刪除
  16. 當年像你這樣儍及陽光路上都是我喜愛的,也曾在芝加哥睇佢登台。至於SK,她第一次復出演唱會我都有睇,敝開作風神化,她每次總俾到驚喜同感染。除了大路代表作,我較喜歡一切也願意,忘記他,人生可有知己。

    回覆刪除
    回覆
    1. 好犀利呀你話喱5首歌全部中晒,都在這兩張碟裏全部找到.....^0^
      SK我覺得表現係有啲飄忽嘅,但唱演唱會一般都唔錯,如果係去勁歌又或者啲善慈show有時真係會幾失準XXXD

      刪除
    2. 攪到我都有少少想....寫下我D珍藏。
      真係日頭唔好講人,剛剛知道SK 會下個月開騒

      刪除
    3. 有空寫下啦,我都想睇下^^
      @@係咩?紅館?

      刪除
    4. 12月27日文化中心X國樂演出

      刪除
  17. 關淑怡 Vs 黎瑞恩 !? Sky 就 Like 前者多一点吧 ^^

    回覆刪除
    回覆
    1. 兩種唔同風格吧~~~~~以前歌手就係有喱樣好,唔似依家好似個個都一式一樣.....好難令人有深印象:P

      刪除
  18. 以前嘅歌手有好多歌都好好聽。

    回覆刪除
  19. Gael,我都很喜歡這兩位女歌星.

    回覆刪除
  20. 2 個歌手我都鍾意佢地的歌, 個人鍾意關淑怡多點 (硬係覺得佢型 D).
    《一首獨唱的歌》 係我好鍾意的一首歌 !

    回覆刪除
    回覆
    1. 關淑怡有個人風格多一點,可惜佢依家已經好少出碟啦

      刪除
  21. 論歌藝,關淑怡其實係有本事可以上得再高,但由於唱live同情緒狀況長期不穩,所以就一直都處於一個高不成低不就嘅位置。

    回覆刪除
    回覆
    1. 可能佢跟本都不志在上得更高啩,名利在她眼中如浮雲啦^^
      佢唱紅館show一般都唔錯,上電視果D就有時會求其啲kakakaka...

      刪除