2016年6月20日 星期一

後現代阿伯生活之賞莫奈:下

逛博物館相信唔係人人有興趣睇,都係快快手手寫埋個下半集唔好拖咁耐悶親人!



上篇睇完晒關於莫奈生活環境面貌的展廳,發覺仲未睇到那些價值連城的名畫喎!搵來搵去都唔見,原來名畫係擺放在另一間展廳,如果有興趣去參觀千其咪睇漏眼!



作品展喱邊個廳相對而言就比較平實,似返之前尖沙嘴藝術館果類正式的展覽。一入去就見到成班人圍住張大圓台,有乜野睇呢?



這part原來是「關於莫奈」的介紹,以圖片故事形式講述他於1840年在巴黎出生至1926年離世的人生歷程……



影片中收錄了不少莫奈晚年生活在Giverny故居裏的珍貴老照片,當然少不了那個幫助他增添很多創作靈感的蓮池花園。



展廳劃分了好幾個區域,中央就是介紹莫奈生平的大圓台,睇完之後仲要行去其他小展區繼續睇。



上面是其中一個迷你放映室,播放介紹莫奈與印象派的短片。「印象派」一名源於1874年在巴黎舉行的一個畫展,除了莫奈外,Cezanne、Degas、Pissarro、Renoir等30多位藝術家都參與其中,他們突破了西方傳統畫派風格,開創了戶外寫生模式,捕捉晝夜四季大自然的變幻神緒,尤其擅於表現水與光最真切的物理感覺。



對印象派有基本認識後,再行過去睇正式的莫奈真蹟名畫。好彩唔算太多人咋喎,總算可以舒舒服服咁慢慢睇喇!



展出作品雖然不算多,但仍可大致分作莫奈前中後期幾個階段。最早期的作品主要是上圖的Normandy and Brittany,是莫奈少年時代成長的地方。他曾說過「那時我每天都會發現更美的東西,讓我瘋狂地想將一切置於畫中……」至於令他最迷戀的貝勒島和Etretat懸崖今次也有運來香港展出。



跟住果part係介紹莫奈成年後畫的一系列巴黎鄉郊寫生畫,1878年莫奈一家搬到Vetheuil居住,創作了好幾幅描繪維特尼流域塞納河四季轉變的風景畫。莫奈似乎也迷上了畫鄉郊的火車站,例如上圖喱幅《阿爾讓特伊火車站》(Argenteuil Railway Station, 1872)也是這時期的代表作。



第3part是介紹20世紀初莫奈旅居倫敦和威尼斯時期的作品,由於汽車和鐵路的快速發展令他有機會到歐洲各地寫生,泰晤士河畔的國會大樓、著名的Charing Cross Bridge和Waterloo Bridge以至威尼斯的貢多拉都成為他取景作畫的題材。



不過說到底基爾還是最喜歡莫奈晚年在Giverny定居後畫下的一系列舉世聞名的「花園大作」,包括上面這幅色彩非常鮮艷、美得令人神往的《春天的吉維尼》,確實是一片很適合晚年避世的田園風光。



說到吉維尼又怎能沒有莫奈當年在自己小花園畫下的睡蓮系列名畫,展廳裏不可或缺的就是這幾幅睡蓮,也是最多人圍觀欣賞的作品。



莫奈晚年特別愛上東洋風,1893年買下Giverny大宅後幾年間,就在花園裏修築了一個日式水榭亭苑,除了在池塘裏種了不少日本睡蓮外,園中還種了很多鳶尾花、蘆葦、柳樹竹樹楓樹、牡丹杜鵑等植物。除了睡蓮系列外,基爾也很喜歡上圖這幅《紫藤習作》(Wisteria, 1920)。



莫奈的日式水園原來除了有得睇之餘仲有得玩!展廳最後一部份闢了一個暗室,初頭見D人手指指一味捽個荷花池邊的ipad唔知做乜?



行埋去仔細一睇,先知原來係在玩「種花」遊戲!遊人可按個人喜好,在畫布上不同位置擺放唔同顏色品種的蓮花,這樣就可學莫奈一樣畫一幅屬於自己的《睡蓮》了。



荷花池上一樣有條日本橋,莫奈晚年花了不少精神、金錢和時間精心打造這個Japanese water garden,據聞1901年他與園藝師將池塘面積擴大了3倍,還增建了人工島和4條相連的小橋方便觀賞蓮花(看來比周敦頤更愛蓮),據聞莫奈也經常帶親朋好友趕在傍晚5時蓮花閉合之前同來賞蓮。話時話賞蓮季節又到,相信唔少人又會去賞下蓮花!



「他鄉情韻:克勞德‧莫奈作品展」
地點:沙田香港文化博物館
展期:4.5.2016 - 11.7.2016

51 則留言:

  1. 早晨,後現代阿伯介紹詳盡。
    我上星期四參觀了!
    很喜歡有導賞員導賞,我比較喜歡看真跡,因為機會難逢!
    美得令人神往的《春天的吉維尼》,我又諗到我們香港的南生圍了!

    回覆刪除
    回覆
    1. Good morning^^
      星期四係咪會少人D?應該會睇得舒服D唔駛咁逼人....
      對,令人真的很想去看看吉維尼的郊野^^

      刪除
  2. 有真跡睇當然好啦~難得仲可以拍照...

    回覆刪除
    回覆
    1. 如果參觀人士唔用閃燈又唔妨礙人地睇畫,我覺得無問題嘅.....

      刪除
  3. 可以玩種蓮花遊戲又可以畫一幅屬於自己的《睡蓮》... 咁你有冇玩啦!
    真跡仲可以拍照...咁好!
    上次畢卡索畫展唔可以拍照架!

    回覆刪除
    回覆
    1. 玩咗一陣啦,要讓畀其他人玩唔可以霸住晒㗎嘛:P
      今次畀影,所以影少少畀你睇下囉^^
      我諗係視乎借出的博物館機構的規定囉,唔影其實都無所謂嘅反正都會現場睇到,最大影響我諗係寫唔同blog畀你睇又或者唔方便D人上fb打卡囉XXXD

      刪除
    2. 在其他的一些主題中,我試過跟其他人去拍照,結果有一次被人追著訓斥,哈哈哈

      刪除
    3. 門口通常有icon貼住准唔准影相嘅
      或者問下當值工作人員都ok

      刪除
    4. 又或者睇下有冇其他人影囉,如果見到有人畀人鬧咪唔好影囉XXXD

      刪除
    5. 好方法!
      原本今天去看展覽,特發事令我五時才到沙田,失敗失敗!

      刪除
    6. 好彩星期三佢係會開夜少少,5點睇到7-8點都好夠啦^^

      刪除
  4. 咁多人還叫唔算太多人。。。咁平時人山人海^^

    回覆刪除
    回覆
    1. 如果跟住導賞團走就好多人囉,如果自己睇就唔算多人㗎啦:P

      刪除
  5. 其實我一宜諗用閃燈影佢D畫會唔會有問題

    回覆刪除
    回覆
    1. 有可能會影響咗啲顏料加速老化褪色......
      不過依家科技好先進,好多玻璃鏡面已經有防閃光功能

      刪除
    2. 現代相機用電子閃光燈,基本無熱力,又唔用化學鎂,對色彩無乜影響

      刪除
    3. 我諗如果一個鐘頭閃三四次對幅畫應該係零影響,但如果係閃三四千次的話就唔係咁講啦......
      而且閃光燈始終對同場想細心賞畫的人會做成很大滋擾

      刪除
  6. 都唔係呀我覺得香港d展覽算係做得幾有趣架喇...澳門對上一個有趣既展覽我都唔記得係幾時...

    回覆刪除
    回覆
    1. 今次喱個算係幾生動有趣,可能因為佢本身D畫又唔算多,所以搞返多D花臣,睇落好似豐富D囉^^
      好耐好耐以前我都有去過澳門D博物館,新果D就無去過,下次來要巡一巡:P

      刪除
    2. 唔知幕後邊個諗..真係要讚一讚~~~~~
      下~~~~你咁乖黎澳門都有睇架????下次黎之前上網睇下有咩展覽先啦~~有時都無咩野睇~~

      刪除
    3. 有時行街行到熱會入去嘆冷氣麻:P
      印象中好似有D係免費嘅

      刪除
  7. 這個展覽咁現代化又互動,我都有興趣架

    回覆刪除
    回覆
    1. 你果邊應該都幾多喱類畫展,不過啲畫廊入場費都幾貴@@

      刪除
  8. 我好羨慕佢有個蓮花池,我都好想有一個,因為。。。我想要啲蓮藕。。。哈哈哈

    回覆刪除
  9. 估唔到莫奈都鐘意日本@@
    展覽有得睇又有得玩,大人細路都岩玩~

    回覆刪除
    回覆
    1. 果陣歐洲都興過一輪日本風,歐洲人對遠東的風土人情特別有興趣啩!!
      算係搞得幾生動有趣,睇畫之餘仲有D野搞下^^

      刪除
  10. 日式花園其實好出名,難怪莫奈都喜歡!

    回覆刪除
  11. "後現代阿伯生活" 看見這標題笑死了!

    賞畫要心平氣靜才能體會, 有耐性囉!

    回覆刪除
    回覆
    1. 預習一下D阿伯生活丫嘛XXXD
      對呀,好多人企係幅畫前面發呆,睇好耐架^^

      刪除
  12. 有啲互動嘢玩吓幾好喎, 話去話去都係未去睇添, 懶懶 >.<

    回覆刪除
  13. 我很少去欣賞名畫,雖然莫奈很出名,但就只知他畫那睡蓮畫得很出名!
    至於莫奈,哈哈…我覺得中文名字改得好,有藝術家倨傲的形象:「喜歡怎樣就怎樣,莫可奈何…」

    回覆刪除
    回覆
    1. 你果邊係咪都幾多喱類Gallery?
      我都覺得個中文譯名改得唔錯,唔知有冇中國人真係會用喱個名呢?XXXD

      刪除
    2. 我住嘅地方係埠仔,所以只有一細細間的展館。
      但我知在奧克蘭市就有好多間。

      刪除
    3. 原來如此.....講開奧克蘭我記得個塔同埋Cornwall Park果棵樹^^

      刪除
    4. Cornwall Park 嗰 One Tree Hill 在十多年前被某個毛里族人斬咗,聽講係同啲種族矛盾有關,所以現在那樹已沒有了!
      講起就好笑,十一年前我帶家人回紐,曾到奧克蘭一遊,就係想搵嗰棵樹,點知個山我係上咗去,但就點都搵唔到呢!

      刪除
    5. 吓~~~!!@@地標黎架喎,竟然斬咗咪好可惜....
      政府會唔會去種返一棵新的?

      刪除
    6. 如果有就一早種喇!因呢幾年我上去奧克蘭都見唔到。
      你諗下,既然係土人同政府間嘅矛盾,又邊個會冒這種儍事,正所謂死者已已!

      刪除
    7. 好可惜喎冇咗個地標.....

      刪除
  14. 莫奈點要去睇下...
    羅浮宮...好耐無去..

    回覆刪除
    回覆
    1. 要啦,咁遠運到來東亞展出,好值得一睇,即使係去法國由於D畫分散在不同Gallery,所以都未必睇到,仲未計外國的Gallery入場費好鬼貴!
      羅浮宮真係好多人,而且非常大

      刪除
  15. 看來你真是一个 [ 文人雅士 ]來的^^

    回覆刪除