2017年11月28日 星期二

珍郵庫@竹刻

翻查大典裏面的郵票簿,原來喱個「香港館藏選粹」系列之前有寫過吳冠中江啟明畫作的首日封,最新發行的不再是選畫,而是竹刻!



看看首日封底的簡介才知,原來這個系列已出到第5輯!咁第1和2輯係乜?基爾都唔記得有冇買……Anyway,竹刻自古以來都是不少文人雅士最愛收藏的藝術品之一,突然醒起家中書桌上都有個竹筒筆筒,可說是陪伴了基爾度過十數載寒窗苦讀生涯了。



這個筆筒其實只是普遍貨色,絕不能與郵票中那些藝術珍品媲美(但當然也無損它本身的紀念價值和讀書時代的美好回憶)!竹刻大致可分為「莖雕」與「根雕」兩個體系,筆筒就是莖雕其中一種最常見的文房用品。



要讚今次的郵票設計也很有心思,直幅和橫幅兼備且錯落有序,本身就像個非常雅緻的陳列架。郵票上也有器具全貌和局部精巧的close-up鏡頭,就像親身去了趟博物館一樣!



郵票上的藝術品,由17世紀清朝康熙雍正乾隆年代到近代作品皆包括在內,包括$1.7《留青花卉草蟲紋蟈蟈筒、$2.2《圓雕水仙靈芝》、$2.9《高浮雕夜遊赤壁筆筒》、$3.1《透雕仕女窺簡圖香筒》、$3.7《圓雕古梅水丞》和$5《淺浮雕夔紋獸首壺》,大多屬於文具或者擺設之類。

p.s.換了手機之後一直沒空發掘下佢D拍攝功能,原來都幾多唔同場景mode和效果玩,唔怪得基爾果部靚仔DC都打入冷宮好耐,因為一般手機拍攝functions都夠晒用,完全唔駛麻煩又要拎DC出街(跟本都唔會記得帶)!有冇留意最尾果張,佢個景深效果都唔錯喎,真係要畀多D時間陪下個新歡睇下仲有冇其他有趣驚喜先……

香港館藏選粹:竹刻
發行日期:2017年11月14日

64 則留言:

  1. 呢set郵票OK喎.
    玩多啲自拍發掘吓啲新分唇。

    回覆刪除
    回覆
    1. 喱類古董擺設最吸引老外,你睇摩囉街幾多外國遊客就知....
      自拍就留返畀王子啦!XXD

      刪除
  2. 今次出竹刻, 算係有啲特別

    回覆刪除
  3. 呢套郵票有觀賞作用,更可增添不少的古玩知識!

    回覆刪除
    回覆
    1. 又對喎,幾有觀賞價值!!
      話時話依家真係唔係咁多人買竹筒筆筒,幾十年前如果去大陸旅行,好多時都會買喱啲做紀念品呢^^

      刪除
    2. 基爾兄,我這邊紐西蘭的郵票也有很多專題。最近,我查看此間之郵政網頁,原來是可以訂購香港的郵票!
      之前,我在這裡也買過與中國郵政合作的紐西蘭郵票,主題是菊花。

      刪除
    3. 你講開我又醒起,HK郵局部分有發售外國郵票,我都經常見有澳洲紐西蘭郵票出售,當然也有大陸和澳門等地,如果鍾意收藏外國郵票都幾方便的,而且售價也不算太貴.....

      刪除
  4. 回覆
    1. 就係囉,好多時拎出來都早已無晒電,又要花時間去叉返,太麻煩了:P

      刪除
  5. 手機加咗好多軟件功能係DC甚至單反都冇既,質素未必好好但勝在方便.

    回覆刪除
    回覆
    1. 如果要影菲臘哥果類有水準的攝影作品,咁一定要用單反機效果好好多嘅^^

      刪除
  6. 手機包含有攝錄和電腦功能真係帶方便!

    回覆刪除
    回覆
    1. 所以依家個手機市場咁犀利,咁多人追捧就係因為喱個原因囉^^

      刪除
  7. 木刻就多見,竹刻少見哦!

    回覆刪除
    回覆
    1. 竹刻因為本身個形狀係有啲限制,好多時用來做筆筒或者毛筆筆杆之類文具居多啦!所以古時啲文人雅士特別愛竹吧......
      竹簾或者衣裳竹依家仲有人用?
      竹筷子或者捲壽司的竹席子可能最多人用wakakakaka....

      刪除
  8. 基爾兄,你咁鍾意集郵,有無係FB睇一個研究國際關係嘅教授,不時分享世界各地郵票的專頁呀?我覺得好啱你睇~

    回覆刪除
    回覆
    1. 你又講得啱喎,郵票好多時都睇到不同地方的文化風俗,如果喜歡去旅行的好多時也會買些做紀念品^^
      沒看過喎,教授個專頁叫乜名?

      刪除
    2. https://www.facebook.com/SimonStamps/?fref=ts
      萬國郵政:沈旭暉歷史郵覽台👆🏾
      國際關係來講,沈教授絕對是屈機!

      刪除
    3. 沈先生面書上面果啲真係世界級珍郵喎!@@
      有好多都好有歷史故事講,好值得一看,謝謝銀哥介紹^^

      刪除
  9. 呢輯竹筒,睇相好似做得唔錯喎。

    回覆刪除
    回覆
    1. 係咪有啲中國風特色,好似上次出旗袍咁.....

      刪除
  10. 有時郵票來來去去差唔多,呢輯算特別…
    貪新棄舊又唔似gael兄的作風喎!!!
    反而想睇吓陪基爾兄寒窗十數載的筆筒…

    回覆刪除
    回覆
    1. 再下次唔知會唔會出陶瓷工藝品呢?
      你講手機??舊果架個mon都神神地,用無可用才換吧,我其實都好怕換手機,要搬資料都幾煩:P
      其實都係好普通一個竹筒㗎咋,唔係咩藝術品貴價貨^^

      刪除
    2. 我指貪新係你部新手機…棄舊當然係基爾兄部靚仔DC…
      對我來講有時用開的物品都好有價值…

      刪除
    3. 當然唔會棄舊,DC應該遲下仲有機會出場,不妨留意下wakakaka....
      同意,森兄對我地喱啲舊blog友都特別有感情XXXXD

      刪除
  11. 類似呢類咁嘅藝術品郵票真係應該出多幾組!

    回覆刪除
    回覆
    1. 我諗郵署都會繼續出喱個系列吧,因為博物館收藏品實在太多了,可以長出長有呢^^

      刪除
  12. 買左咩新電話先~~~~~~~~
    你睇你~郵票多到唔記得自己有無買過喇!

    回覆刪除
    回覆
    1. cheapcheap電話咋:P
      我其實有search過個blog,頭兩個都無寫過可能果陣未開始寫郵票網誌吧^^

      刪除
    2. 車~唔信你~依家d電話cheapcheap極都幾千...真心覺得貴
      咁又係時候搵番出黎寫下俾我地睇下啦~
      不過睇黎你唔知放左係床下底邊個位~

      刪除
    3. 係呀我都覺貴,反正我唔太打機唔駛咁追求速度,夠用就算....
      咁真係要等放長假先有時間,平時好少去摷床下底呢:P
      大概都知嘅....應該!XXXXD

      刪除
  13. 呢d古老野完全你杯茶啦
    訂咗我睇都費事
    諗起十數載寒窗苦讀就真係罊南山之竹都難書囉
    乜呢次時日又係攞黎邪一邪既油炸鬼, 依家興咁玩咩

    回覆刪除
    回覆
    1. wakakaka....老餅野丫嘛XXD
      係喎你掛住寫日本遊都唔出郵票了:P
      今年訂果啲好似都出晒,等明年的!
      阿毛果然係博通中外,日文又勁,罊南山之竹咁深典故都識,唔夠你玩wakakakaka.....
      依家12月啦無油炸鬼玩,等下年XXXD

      刪除
  14. 竹刻大致可分為
    「莖雕」與「根雕」

    回覆刪除
  15. 又多樣典藏喇,換完電話都怕要換高床。kaka........

    回覆刪除
  16. 竹刻自古以來都是不少文人雅士最愛收藏的藝術品之一---->現今社會的文人雅士好像越來越少了

    回覆刪除
    回覆
    1. 咁大頂帽笠落嚟,邊戴得起?=P咪耍我啦。

      刪除
    2. wakakakaka......我覺得今時今日仲會寫blog的人,都是文人雅士了吧:P

      刪除
  17. 雖然竹刻特別...但肥人唔識欣賞, hahaaaa

    回覆刪除
    回覆
    1. 咦,咁新居會唔會買啲植物或者擺設返去擺下裝飾下新家居呢?^^

      刪除
  18. 竹……
    花中四君子之一……
    古人「居不可無竹」,因為「無竹令人俗。」

    回覆刪除
  19. 原來"郵票上的藝術品,由17世紀清朝康熙雍正乾隆年代到近代作品皆包括在內",雖然不能夠收藏真正的藝術品,收藏了這系列的郵票也不錯呀!。

    回覆刪除
    回覆
    1. 收藏郵票可能過多三五百年之後就自然成了古董藝術品啦.....XXXD

      刪除
  20. 原來郵政局出咗咁多套主題郵票啦,
    竹片盒係最難,因為紋理唔同,
    四君子都出齊㗎喇喎,咁你買咗幾多套呀
    咁睇你屋企收藏一定好豐富

    回覆刪除
    回覆
    1. 對啊,依家都經常出喱類主題系列郵票,有生肖有世界遺產仲有喱套係博物館典藏系列,一買開就要繼續買落去,郵局好識做生意XXXD
      連紋理都知你肯定是這方面專家^^有冇試過有人找你修補竹製的藝術品?
      我都唔係買好多咋,一般只是買一套就算,我唔係炒家嘛:P

      刪除
  21. 咁啱我又新買咗一部手機,韓星孔劉代言,玩咗三日就死咗機,又要退換一部新,好鬼煩,我依部個影相mofe簡化到乜都冇,你新買部咁好嘅乜嘢牌子呀?

    回覆刪除
    回覆
    1. 三日就壞咗係咪QC有問題?不過好彩係可以換新機,咁都無咁傷.....
      其實我都好怕換手機,用咗智能電話幾年只係用過兩部,都係用Sony(好耐之前用2G電話年代就有用過星星牌同毛毛牌),成日驚唔慣用其他牌子驚啲掣唔識㩒XXXD

      刪除
    2. 轉一次手機煩到爆,好彩而家有雲端做backup,去誠哥間電器鋪再換一部唔係易都好煩,死機規定要去維修中心,確定係出廠有問題,係要拎張維修單,先可以去換。

      刪除
    3. 擺上舊雲係方便,但其實都有風險㗎:P
      咁真係好講手神喎,售後服務都好重要呢....

      刪除
  22. 上面的竹刻和竹筆筒真係好靚,郵票上拍的都是精品了。一般人用的筆筒都係好簡單。凡是竹刻、木刻、石刻等都是民工承傳的藝術品,值得細意欣賞。

    回覆刪除
    回覆
    1. 對呀!都是藝術珍品了!是香港几間博物館的珍藏品吧!
      正如上面所講昔日不少文人雅士都愛收藏這些文具很多時不在於其價值而在其文化修養!

      刪除