2018年2月2日 星期五

舊金山居閑話@永和超市

繼續慢活閒遊,這天又係hea蕩去行中超shopping(唔好嗌悶)。



屋企附近步行距離沒有任何購物點,出去就近買斤菜買個麵包又或者飯盒也要以車代步,來這間中超也是要坐車(沒有車牌基本上無法在這裏生活了吧)。今次喱間已經算叫做比較近,經常會來這裏買菜買生果買豬肉排骨之類,而且仲有海鮮活魚賣。



試過在這裏買的苦瓜、豆角、娃娃菜、白菜也很好食……基爾媽就大讚過這裏買的加州鱸魚肉質很鮮美,雖然圍起要成百幾蚊港紙但比香港買到的好味好多呢(唔知點解香港買的雖然幾十蚊有一條,不過食落總有點霉霉地,所以好少買來清蒸)!



至於買橙這裏就肯定係冇得輸,價錢一般都比香港便宜,而且最重要係橙味十足夠新鮮,好少會買到淡而無味又或者在雪房凍倉雪足幾個月才付運那種雪乾晒的難食橙。另外最大不同係香港超市或街市生果檔多數係3-4個一手咁買,美國喱邊就計秤,兩蚊一磅通常都有成4-5個,算抵買啦!

53 則留言:

  1. 呢間都算企理乾淨
    係美利堅, 好多地方無車牌=跛左

    回覆刪除
    回覆
    1. 都OK㗎,基本野有齊都幾方便....
      我諗住市中心而又在市中心返工就好少少,公共交通一定無HK咁方便:P

      刪除
  2. 回覆
    1. 大唔大過你果邊果啲中超?

      刪除
    2. 邊有咁大間.生果只係得幾個賣㗎咋.

      刪除
    3. 好彩你住咁多年,應該早就適應了吧^^

      刪除
  3. 三藩市果D係加州爐唔同香港果D。英國果D都唔會霉,但無𩶘魚咁甜。

    回覆刪除
    回覆
    1. 我都估係唔同品種,同埋價錢都差太遠了吧!
      HK我地都好少買,肉質不太好;加州果啲好食啲,物有所價....

      刪除
  4. 講開唐人超市,我這邊就好失禮,有幾間…如果你一入去就覺得好似回到六、七十年代的香港,亂七八糟其次,而又唔乾淨,啲伙記都有啲似「秋天的童話」中的發哥!

    回覆刪除
    回覆
    1. 正喎,我都好想時光倒流,體驗一下舊日年代生活到底係點wakakakaka...

      刪除
  5. 我去旅行都好鐘意去行超市 :P

    回覆刪除
    回覆
    1. 都幾多唔同野睇,外國超市一般乜都有得買^^

      刪除
  6. 舊金山兩蚊一磅金山橙
    鮮美加州鱸魚幾錢一磅

    回覆刪除
    回覆
    1. 無記錯好似係USD$12.9/LB
      折換係咪差不多100港紙一斤?
      通常一條都斤幾

      刪除
  7. 加州嘅華人超級市場真係好正㗎,我回去都會去買手信,信不信?哈哈哈,我這裡真係慘過加州. 啲活蝦都好好食㗎。

    回覆刪除
    回覆
    1. 貨品種類係咪多過星洲XXXXD
      可能坡紙本身貴,所以生活水平都幾高:P

      刪除
    2. 叻叻,這個星期六會去,哈哈哈

      刪除
    3. 係咪多數即日來回^^

      刪除
  8. 睇來我都唔岩去外國生存,因為唔識開車!

    回覆刪除
    回覆
    1. 去到第一件事係要去學車XXD

      刪除
  9. 作者已經移除這則留言。

    回覆刪除
    回覆
    1. 香港的鱸魚是冇味道,我都唔再買。

      刪除
    2. 唔知係咪唔同品種呢?

      刪除
  10. 加州鱸魚...有冇得自己釣?

    回覆刪除
    回覆
    1. 真係唔知喎,野生會唔會畀人釣晒?

      刪除
  11. gael伯母好似樣樣都大讚喎,很喜歡這裡...咁呀Gael兄真係要考返個車牌先方便周圍去!!

    回覆刪除
    回覆
    1. 我驚佢信唔過我,唔敢坐我車喎XXXD

      刪除
  12. 美國生活易過香港,香港生活越來越艱難。

    回覆刪除
    回覆
    1. 我都覺得係,生活水平依家高過九七前,人工明顯是追不上....

      刪除
  13. 我諗水果,一定係美國超市較新鮮好食,香港超市D橙都冇橙味....

    回覆刪除
    回覆
    1. 新鮮生果同雪庫生果差好遠.....
      而且外地食奶製品一般都平過HK至少三成

      刪除
  14. 魚肉不霉, 內裡有碧綠石蠟等東西, 不知道美國的, 是否養殖場較近市場, 所以新鮮!

    回覆刪除
    回覆
    1. 可能係有養殖場,加上華人多愛清蒸魚,對肉質要求較高吧!!
      如果係一般炸魚或烤魚果D,我諗雪藏魚都可以應付^^

      刪除
  15. 回覆
    1. 新鮮橙真係唔同味道,很鮮甜^^

      刪除
  16. 我真係好鐘意行超市~~~
    如果我住係美國實肥屎!!!d薯片又大包!!雪糕又大筒!!

    回覆刪除
    回覆
    1. 雪糕價錢又平,又好味,又多味道款式選擇,住一個月有機會肥十磅XXXXD

      刪除
  17. 移民o既生活模式,你預習定喇!

    回覆刪除
    回覆
    1. 預習定下次去睇胡佛水壩看紅葉wakakaka....

      刪除
  18. 回覆
    1. wakakakaka....路霸果然係老實人XXXD

      刪除
  19. 有無買番一箱橙返黎HK慢慢嘆?

    回覆刪除
  20. 沒有車牌基本上無法在這裏生活了吧<-- 見識過,就知香港幾咁幸福

    回覆刪除
    回覆
    1. HK始終居住人口比較密集,公共交通有足夠人口支持,美國即使二三線城市一般只有七八十萬人(單計沙田已經六七十萬),住市中心區還可有巴士電車,如住市郊不可能沒車牌了:P

      刪除
  21. 外國超市好大好多嘢睇 .

    回覆刪除
    回覆
    1. 有好多野HK未必有見過都几有趣^^

      刪除