2018年2月8日 星期四

舊金山居閑話@Westgate

在他鄉生活重點節目除了去逛超市買魚買橙買菜之外,行outlet都算係不錯的消閒好去處!



Westgate Center這個outlet因為近所以都常來逛逛,超市有間幾大的Walmart Neighborhood Market,百貨公司有Target,其餘好多都係衫褲鞋襪名店為主;食肆方面,Starbucks和Subway那些當然是少不了。



基爾主要去行GAP和Nike Factory,不過其實都無乜目標物要買,純粹係去行下當消磨時間吧!第一次去行美國的outlet,可以見識下人地店面有幾大,同埋折扣到抵筍唔筍。



店面陳設望落其實同HK的Nike Shop或者outlet都有點似,不過這裏當然係大好多好多倍吧!至於「電視框」方面又唔算真係平到出晒汁果隻,霎眼望落大部份都係五至七折不等!



可能由於係洗美金關係,加上要畀9%銷售稅(買野差不多等如加一),所以消費意欲本來就不太高漲,快速巡一圈後都無乜「必買」又或者「唔買走寶」的心頭好,心中都諗住即使空手而回也不算遺憾之際……



基爾媽竟然罕有地力推基爾買黑色紅邊果對,話著上腳型喎畀錢時都要讚佢很有潛質來做sell士!反正屋企舊果對跑鞋都殘殘地甩甩地底咯(舊鞋專登留來行山最適合)。連稅USD$43.67(約HKD$340)咁計落見都唔係貴;至於基爾媽本身都有收穫喎!買完安安樂樂返歸,不過遇上了放工rush hour(3:30pm已開始塞塞地),順便體驗埋人地塞車係點樣,原來係無Lala Land果隻落車跳舞場面睇架喎!



p.s.用美金計匯率兌返港紙一般計7.8吧!不過有時懶用手機篤,就求其心算乘8再減少少就算數(反正一般都無乜大額交易過);當然有時連心算都費事,基爾只記住大約USD$13就是HKD$100,如此類推USD$26就是HKD$200,USD$39就是HKD$300了;反過來USD$7.5就當佢HKD$50,這方法真不錯,買野可以有個大約售價概念方便好多呢!

50 則留言:

  1. 黑色對係幾好睇喎.着住係咪型佬咗好多呢??

    回覆刪除
    回覆
    1. 仲未著喎,老人家係咪通常等過年先著新衫新shoes步步高陞?XXD

      刪除
  2. Nike跑鞋
    連稅USD$43.67(約HKD$340)
    咁計落見都唔係貴

    回覆刪除
    回覆
    1. 慢咗一分鐘霸唔到個靚靚頭位...wakakakaka!!

      刪除
  3. 對鞋都唔貴喎, 伯母好識 sell 野 XD
    我而家依然用緊 1:10 HKD:EUR

    回覆刪除
    回覆
    1. 佢好少做sell士,通常都係叫我唔好買咁多野XXXXD
      歐元升返好多,依家都差唔多9.6相距十蚊不遠啦!
      之前8個幾真係心郁郁再歐遊呢

      刪除
  4. Westgate Center 我都有行過,不過我鍾意行premium outlet。多名牌。在三藩市另一個節目就係行超市,多野睇。

    回覆刪除
    回覆
    1. Westgate喱個outlet唔算多店舖,後來行咗個大少少唔知係咪你講果個:P
      你見我寫咁多中日韓西超就知XXXD
      LHR飛過去係咪都要七八粒鐘?

      刪除
  5. 我計數都好似你咁㗎...
    不過去outlet我都好少買到嘢,因為都唔係平得好多! 我呢邊嘅銷售稅係15個percent,犀利嗎?

    回覆刪除
    回覆
    1. 日常買嘢買衫買餸出街食飯等洗費一般都係一千到幾百範圍內吧!我諗求其計個約數與實際數額差距不會太大,但就方便好多囉,至少心裏有數不會太離譜^^
      十幾年前去NZ果次好似都無乜行outlet,依家係咪多咗好多?
      Sales Tax要成15%咁勁!!@@都好乸利喎.....係咪買衫鞋煙酒出街食飯先要畀?去超市買餸果啲唔駛畀?

      刪除
  6. Outlet多數都係搵笨,買唔到嘢.

    回覆刪除
    回覆
    1. 實際個電視框唔太吸引,因為仲要計稅

      刪除
  7. Outlet不一定平,我去過幾次不是次次買到心儀物品,但我喜歡試鞋不用麻煩售貨員,自己楝自己試!

    回覆刪除
    回覆
    1. 自己楝自己試<====喱樣最好,試完唔啱心水唔買都無壓力wakaka...

      刪除
  8. 呢間outlet都算大,不過outlet未必一定買到啱心水嘢,也未必真係好低!

    回覆刪除
    回覆
    1. 依家興講斷捨離和減廢,每次shopping前最好都係巡一巡屋企先,以免買了太多非必須東西,睇電視節目話啲人買衫返來連膠袋都未拆就拎去捐實在有啲驚....錢多都唔好咁浪費,不如拎去做善事之餘又可以環保啲,生產一件衫褲鞋要浪費好多地球資源呢XXD

      刪除
  9. 好多人去外國都喜歡去OUTLET,係咪真係咁抵買?

    回覆刪除
    回覆
    1. 一般都係七八折左右,視乎是否有心頭好,又或者個款係咪HK冇得買之類,又或者部份品牌HK無分店或不常有big sale,都會提升少少購買慾吧XXXD
      當然有個別有一至三折果啲,慾念會再飈升多DD....kakaka!!

      刪除
  10. OMG !
    係shop唔會擺咁老土既款, 自毀形象

    回覆刪除
    回覆
    1. 我喱D慣走平實路線架嘛.....XXD

      刪除
  11. Outlet真係比外面嘅便宜點,值得一看

    回覆刪除
    回覆
    1. 有時會買少少當作旅行紀念品也不錯^^

      刪除
  12. 肥人次次去旅行都無去outlet, 因為自己唔中意shopping..hahaha
    反而會中意行超市多d 呢, 正一c9..hahaha

    回覆刪除
    回覆
    1. 超市多野睇丫,睇下人地會買乜野煮餸都幾有趣,同埋有好多基本HK超市唔多見,可能係用來煮西餐多.....
      outlet我諗就因人而異啦,始終有需要先買,但行下睇下啲店舖有幾大貨品有幾多元化都幾happy,我好多時都係齋睇架咋:P
      你新居入伙,有冇在日本outlet買下啲廚具餐具用下都好喎,又可以當旅行紀念品啦^^

      刪除
  13. 你凍到shop左喇,風景幾時有呢唉?
    dum波鐘...

    回覆刪除
    回覆
    1. 凍到shop左<====喱個term第一次聽,笑咗3秒XXXXD
      風景都有好多,但無摩天輪㗎噃,驚唔啱JJ杯茶wakakakaka.....

      刪除
    2. shop拼左三篇啦,街市超市出口市,仲想去埋口水市呀?

      刪除
    3. n年n次係我發明o既,原本係用呢個n,喜歡數學o既就知道n用法。

      刪除
    4. 水口市有聽過,口水市未聽過,在日本?....XXXD

      刪除
    5. 好明顯我啲數口無JJ咁精啦:P

      刪除
  14. 我去旅行都係咁計~~~不過我都成日心算數錯~~因為我數學麻麻~~好彩平時出去食飯有其他數學叻既公子搞掂~~~~~~
    美國outlet係大既~不過又真係唔係樣樣岩買~~

    回覆刪除
    回覆
    1. 你有咁多閨密公子傍住一定無問題啦^^
      至少啲size唔係咁啱,佢地啲size偏大,好多時著S都好似有點闊袍大袖做大戲咁XXXD

      刪除
  15. 基爾媽好眼光,對鞋真係幾型,又唔貴。

    回覆刪除
    回覆
    1. 某程度上個人都需要有少少配合先有效果嘅.....wakakakaka

      刪除
    2. 當然要基爾咁型仔先配合倒。

      刪除
  16. Gael伯母眼光好啲…信佢冇錯~
    咁又幾抵,若果香港要去專門店買我諗起碼一個double…

    回覆刪除
    回覆
    1. 佢可能跟得我買野多,眼光一般都幾唔錯嘅wakakakaka....
      波鞋一般我都係揀平實款,貪易襯衫同可以著耐少少,跑鞋款可多樣功能,唔駛買到一屋鞋煩惱搵地方擺:P
      潮鞋都係留返畀森兄喱類年輕潮人XXD

      刪除
    2. 屋企人見慣見熟有時搵佢地畀意見最啱啦…有時我都會問吓佢哋~~
      人著衫唔係衫著人…唔襯嘅,幾潮都冇用~~~

      刪除
    3. 森兄最懂穿衣買衫買鞋之道,有空記得share下心得^^

      刪除
  17. 殘殘地甩甩地底用嚟行山都未必合適的啊

    回覆刪除
    回覆
    1. 唔驚喎,我行山都係多數簡單輕鬆級別㗎咋,蚺蛇尖都未去過:P

      刪除
  18. 其實, 美國衣服鞋真不貴, 比香港平30-40% 很多時, 我著到D鞋開始變型, 我就唔要, 不會著到甩或穿了.

    回覆刪除
    回覆
    1. 如果唔係揀最潮最新款果啲,我覺得都幾平,去旅行時買少少當紀念品都係唔錯選擇^^
      一般跑鞋舊咗我不會即掉,可以穿來行山或行街仲ok,盡量希望物盡其用,環保啲!!

      刪除
  19. 甩底就換咗佢,將隻爛鞋留係美國啦~

    回覆刪除
    回覆
    1. 本來都想,但見佢又唔係甩得太嚴重,留來行山最好,舊鞋會穿得較舒服,落雨粗著也可.....係咪好慳家XXXD

      刪除
    2. 唯有講句,節儉是美德😂

      刪除
  20. 簡直係球鞋超市.
    睇落好興奮~但價錢更加興奮呀...

    回覆刪除
    回覆
    1. 見到佢座波鞋山都真係幾宏偉XXD
      好佩服佢地可以設計咁多唔同花款的鞋......

      刪除