2018年2月18日 星期日

舊金山居閑話@Sprouts

年初三赤口如果唔駛去拜年,清閒在家又三缺一唔夠腳打牌咁點算呢?與其你眼望我眼發呆,不如繼續跟基爾去行下超市睇睇有乜靚菜買啦!



唔知有冇人聽過喱間Sprouts Farmers Market,如果經常會買有機食品可能會聽過佢個朵。返查資料先知原來這間大型連鎖超市的headquarter是在Arizona的鳳凰城,唔知係咪果度有好多有機直送農場呢?



行入喱間超市最顯眼和最唔同之處,就係幾乎度度都掛滿大大隻organic字樣,賣菜和賣豬牛雞凍櫃固然有好多注明organic items,連賣酒和賣muffins都有(原材料是有機)。基爾唔太識分有機muffins同冇機有乜分別,但就真係堅多口味揀,買盒紅莓藍莓味返去做早餐都好喎!



除了瑪芬之外,偌大的超市入面最令基爾既興奮又流連忘返的地方,就係上面喱一欄長長的朱古力糖果架,單單朱古力就有咁多種唔同味道,係咪好吸引!每次來到如果由龍頭試食到龍尾,唔知會唔會畀人鬧呢?



另一樣經常會來買的就係上面喱種pie,除了最常見的蘋果批之外仲有Blueberry、Peach、Cherry餡,唔駛估都知鬼鬼口味肯定樣樣都激甜(唔係講笑住一個月分分鐘肥10磅),如果唔想食咁甜可以揀Pumpkin,這件南瓜批算係比較接近正常人甜度了吧!食咁多邪惡野點都要買多包有機麥皮返去,才可減輕少少罪惡感。另外順帶一提超市附近仲有間類似千色店之類的百貨公貨可逛逛,不過基爾只係齋睇無幫襯,行下咪當運動算囉!



p.s.提起運動,他鄉電視間中都有播波,NBA和NFL經常有得睇,仲有睇打交多過睇打波的冰曲,令人有點驚喜是英超都有轉播喎!在老家睇波多數要深夜凌晨捱眼訓,在他鄉就唔同晒時段。上網check返先知原來HK-UK-SF剛好各相距8粒鐘時差,地理上係咪正好是三分地球了?

45 則留言:

  1. 我專係年初三去拜年,啲人多數唔駛去咗拜年,恭喜發財,身體健康,事事順利.

    回覆刪除
    回覆
    1. 咁有冇試過同人鬧交XXD
      新春大吉!!

      刪除
    2. 邊會有啲咁既事,咪咁迷信啦.

      刪除
    3. wakakakaka.....祝週年靚相^^

      刪除
  2. 大年初三,恭祝你萬事勝意!心想事成!恭喜!恭喜!
    呢間超市的貨品很整齊,似百貨公司多過似超市,的確更吸引!

    回覆刪除
    回覆
    1. 萬事如意龍馬精神^^
      喱間西超又同之前几間有點不同呢!

      刪除
  3. 新春快樂
    如意吉祥
    身體健康
    闔府平安

    回覆刪除
  4. 聽日仲係假期, 唔會有年初四咁嘅樣啦 XD

    回覆刪除
  5. 作者已經移除這則留言。

    回覆刪除
    回覆
    1. 呢個trip似係去探路,睇吓適唔適應移民咁.

      刪除
    2. 你當年都係咁㗎??!!XXD

      刪除
  6. 係年初三在網上同blog友拜年,相信唔會同blog友鬧交啩??!!XXXXD
    恭祝你新春大吉 萬事如意!

    回覆刪除
    回覆
    1. 我就一定唔會啦XXXXD
      萬事如意一團和氣生財wakakaka....

      刪除
  7. 係架,在外國行超市係最大娛樂。 我唔會突登買有機食物,除了雞和雞蛋之外。其他真係食唔出分別。

    回覆刪除
    回覆
    1. 都係㗎,可以去見識下人地啲民生日常都唔錯的^^
      對,如果雞和雞蛋食得多,買有機係健康啲,至少無打咁多激素,菜果啲就少啲農藥...
      祝A姐+老dad新年快樂身壯力健萬事如意.....

      刪除
  8. 回覆
    1. 桃花大旺blog漫長寫長有wakakaka....

      刪除
  9. 回覆
    1. 祝LB週年旺相旅途安康萬事大吉.....

      刪除
  10. 恭祝笑口常開,身體健康!
    鬆餅款式這麼多,天天吃也不會悶!

    回覆刪除
    回覆
    1. 也祝阿摩事事順利小朋友個個都聽教聽話學業進步^^
      都係嘅,不過驚食太多會變相撲手咁返來XXXD
      今年放長假有無出外走走?

      刪除
  11. 年初五拜年算唔算遲? 言歸正題:
    恭賀靈犬獻瑞,祝基哥萬事如意,身壯力健!五福臨門!

    回覆刪除
    回覆
    1. 新年快樂....
      祝你也萬事如意龍馬精神週年旺相出入平安!!^^

      刪除
  12. 好多間呢d超市係香港要地鐵or巴士先去到,點都冇搭十幾個鐘飛機方便😏
    食homemade pie啦下話,仲使買呢d急凍貨🙄

    回覆刪除
    回覆
    1. 係咩係咩?在HK我反而好少周圍蒲丫嘛XXXD
      成日出街都無乜時間整,買現成算啦wakakaka

      刪除
  13. 在香港,都有聽過有機菜,有機牛同豬就未聽過了。

    回覆刪除
    回覆
    1. 菜會比較多,可能因為驚啲農藥^^
      近年豬和雞都講求有機,因為驚激素多:P

      刪除
  14. 先祝Gael兄今年事事順利,心想什麼都能夠事成…
    外國人都幾食得甜,餅乾,餡餅都特別甜過人…Gael兄真係唔好食太多呀~~~
    過年睇波?!!...咁會唔會好懷念香港嘅迎春花…財神到…等賀年歌~~~

    回覆刪除
    回覆
    1. 我都係咁希望啦....依家心裏最想就係欣賞下森兄個靚頭囉XXXD
      外國人食甜品偏品,我諗係因為佢地多數飲埋咖啡或者紅茶,balance返就會無咁甜:P
      美國多肥人都有原因,佢地麥記杯可樂normal都勁過我地XXL,Subway果啲都超大份,飲品又係無恨添加,本來就幾抵食,但食得多就一定連個人都XXL埋,如果二人share一個餐就ok!!!
      仲未計食雪糕喎,款色多,奶味又濃,總之好食,仲要平好多,實變肥仔wakakakaka......
      咁都唔會嘅,迎春花果啲我諗森兄都聽咗三十幾四十年啦(XXXD),間中唔聽一年半載又唔會話好懷念,你問下奧國王子就知!!

      刪除
  15. 新年快樂, 身體健康, 龍馬精神!

    回覆刪除
    回覆
    1. 新春大吉萬事如意身壯力健......

      刪除
  16. 我唔記得係美國當時有無入呢間超市呢?🤔
    鬼鬼真係好鬼鍾意食甜野架~

    回覆刪除
    回覆
    1. 仲陸續有來喎,下次如果你有去過再話我知^^
      對啊,加上佢地一般較高大,所以二三百磅是等閒事XXXD

      刪除