2018年4月30日 星期一

武漢迎花潮@花海樂園:下

睇完喱個所謂的花海梯田,似乎有點心知不妙,難道是來早了幾星期,武漢這邊餘寒猶厲,莫非還未到花期?



不過既然都一場來到,點都要行一圈先走吧!再行上一處小山丘上睇睇,遠處可以見到有摩天輪和海盜船,下面就是原稱「花海」的所在地,不過眼見花田才剛翻土,相信要過一段時間才會開始重新種花吧!至於近處山坡的小樹相信就是新種的櫻花樹苗了,部份都有開少量櫻花。



左上圖是樂園內沿湖而建的高卡車賽道,其實園內的玩樂設施都算多(另外仲有滑索和滑草場沒有影),可惜賞花的草地就仲係光禿禿,唔知佢地有冇派員去外國取經,學習下人地到底係點樣keep住四季長期有花開呢?左下圖不是普通草地,上面綠色的其實係波斯菊,即是日本人所稱的秋櫻,不過都係只能「賞葉」,連花蕾也不見,可能要等到五六月初夏才是花季吧!另外要提一提係右圖這處位於小丘上的燒烤場,下午不見有太多人開爐燒烤,反而有條友就掰大喉嚨在唱《海闊天空》,個無敵大喇叭仲要係超爆超大聲,幾乎在園裏任何角落都聽到佢果種「技安級」歌聲,難頂之餘簡直就係噪音污染,完全破壞了遊園的清幽雅興(試問北海道D花海有冇人會開咪唱K先)。



盡量唔好畀D無謂人影響旅行心情……繼續行下行下,就見到路邊有上面喱一大叢紅葉植物,唔知係乜野品種,但基爾都即刻低炒影返張似樣少少的扮下花海,交一交貨先啦!



大陸好多喱類樂園唔知點解都好興玩喱類真人劇場show,喱度都唔例外要搞返個花木蘭馬術表演,不過來到時剛好表演完無得睇。咁基爾都講返少少資料先,都係來到先知原來武漢市北郊喱度原本係叫黃陂縣,據聞是花木蘭的故鄉云云……近年武漢好似北京咁不斷向外擴展到四五環,連黃陂也歸併入武漢市郊的直轄區。翻查網料發現目前武漢三鎮的面積,比廣州、南京、上海和深圳等一線大城市都要大(但市中心區域都係經常塞車),若與香港比更加係大接近8倍,好犀利耶!



國情資訊報道完畢,又返返去睇花先……其實基爾覺得成個園區可能實在太新了,好多賞花景點雖然不盡完善,但基本的河堤柳岸佈局設計都算係幾江南水鄉風情,部份花田都見有農夫正努力地種花,相信等多三五七年旅遊配套再發展成熟少少會更有睇頭吧!



行到湖邊盡頭終於都見到喱棵似樣少少的櫻花樹,總算沒白費了腳骨力!不過佢孤單單咁獨自企在光禿花田中央,基爾就無謂行落田去近攝了,只能用手機zoom遠鏡影下佢個櫻姿美態就算(幾乎忘了申報今次旅程因為只短短速遊三四日所以偷懶沒帶相機隨行)!



拿,咪鬧基爾辦事不力住,睇埋上圖左喱一株櫻花樹先,係咪都叫做交到貨?事實上園裏逾八成花田都係剛翻土待種新花,情況就如左下那張,間中見到一兩株盛開的櫻花樹都有成群遊人蜂湧過去影,有時靚位都唔敢霸住太耐,拿拿林影完就走人。上圖右紫紅色那棵不是櫻花,好似係紫荊樹(與香港的洋紫荊屬不同品種)。



帶住少少失望心情離開花田,趁仲未天黑要再坐車趕住入山寨,因為這晚會在山寨客棧度宿一宵。至於山寨有咩睇?為免太長篇悶親blog友就留待下回分解吧!不過可先講講山上食晚飯的選擇不多,只能幫襯客棧唯一的食堂。飯餐只是些家常小炒不詳細介紹了,不過去到才知原來湘鄂菜也是偏辣和重口味,其中有味尖椒炒豆乾也不錯,微辣得來也不算太油膩(大陸即使炒碟菜也經常係成碟油好似唔駛本咁)……基爾向來不好酒(酒量接近0.05),但這款燕京啤酒溝七喜或雪碧就正好是解辣甘露了!超爽!

54 則留言:

  1. 成碟油好似唔駛本咁:可能就係唔使錢嘅地溝油。。。

    回覆刪除
  2. 今年天氣反覆,冬天又長,農作物都會受影響。

    回覆刪除
    回覆
    1. 外遊旅行總會有些東西不似預期吧:P

      刪除
  3. 我都去過武漢睇櫻花,唔好太大期望,叫做都有咁囉.

    回覆刪除
    回覆
    1. 喱個景點我就覺得可以遲多幾年等佢種好少少啲花先可再來囉:P

      刪除
  4. Should visit the University to see sakura!

    回覆刪除
    回覆
    1. University依家要預早好多上網預約先可以入去,無得walk-in入去了.....

      刪除
  5. 說好的花田呢~?hahahaaaaaaaa
    辣野肥人岩晒呀!

    回覆刪除
    回覆
    1. 預留返少少想像空間wakakakaka...
      你地去韓國都食唔少辣野啦^^

      刪除
  6. 靜靜話你知, 我真係幾怕係大陸食野架 ^^

    回覆刪除
    回覆
    1. 係咪畀啲黑心食物嚇驚咗?!

      刪除
    2. 你好明白呢
      佢地好似仲未興用公匙公筷

      刪除
    3. 資訊流通多啲衛生常識是好事....:P

      刪除
  7. 嘩~~~~靚到呀 d.............櫻.............花~~~~~~~~~~~~~~~~

    回覆刪除
  8. 回覆
    1. 大夫你咪玩啲咁嘅嘢喎........XXXD

      刪除
  9. 原來你d吉仲運緊,豬油包就食完喇!

    回覆刪除
  10. 去旅行都要講下運氣,玩得開開心心平平安安就已經好好。

    回覆刪除
    回覆
    1. 絕對同意.....有時客觀環境有落差,最好是平常心面對會玩得開心啲kakakaka....

      刪除
  11. 不似預期,我覺得在內地會經常發生。

    回覆刪除
    回覆
    1. 唔抱太大期望就唔會有大失望....XXD

      刪除
  12. 都好吖~~睇到少少都好過無,大媽唱K我地唔識欣賞

    回覆刪除
    回覆
    1. 今次喱位係後生仔,不過最好唱K都係留在室內唱,以免滋擾他人啦(不論唱得好或是不好):P

      刪除
  13. 與其都要忍受歌聲, gael兄何不與他一齊「Jam」歌,
    咁先盡興~~~哈哈 我諗佢都係開心先會高歌…
    可能未係最茂盛的時候,大自然冇得預期~~~

    回覆刪除
    回覆
    1. 一定不會,無可能....XXXXD
      喱個場合好明顯唔係for唱歌,我寧願靜靜地欣賞下風景算啦:P
      我都同意佢係求開心,不過請勿建築在別人痛苦之上,製造嘈音污染!!
      相信要再過多幾年,等啲樹苗再長大一點,才會更有睇頭了!

      刪除
  14. 地方好大,但係d花未開晒,睇唔到花海......

    回覆刪除
    回覆
    1. 好多花田才剛剛翻土,根本都未種:P

      刪除
  15. 無乜花咪當見識下表演啦
    外省一般都偏重味道油脂,湘菜偏辣架
    廣東省一般無咁重油的

    回覆刪除
    回覆
    1. 係呀當係去行下公園...:P
      可能以前舊日年代啲人衣食無咁豐足加上體力勞動多,所以食得油膩都無大影響,不過依家唔同,講求健康飲食為上^^
      廣東菜算叫做清淡啲,同埋廣東人識煲湯真係好重要!!

      刪除
  16. 我有個感覺,內地的旅遊點都係趁新開走去參觀好,開業一段時間後,人多多總會有些地方被破壞的。

    回覆刪除
    回覆
    1. 我都覺得係,保養功夫好似唔係好掂當,又或者係啲遊人無公德心唔懂得咩係「文明旅遊」XXXXXXD

      刪除
  17. 華....哥個叫花海真係有d勉強.....
    阿娘怕唔怕失望?

    回覆刪除
    回覆
    1. 係咪去花展仲多花睇wakakakaka....
      佢又唔會嘅,都知道大陸水平係咁上下啦^^

      刪除
    2. 覺得好可惜~~咁難得去到咁遠去賞花~
      點知得少少!!
      仲要聽技安唱海闊天空呀大佬XXDD

      刪除
    3. 喱個公園可能開無耐,我諗過多幾年等啲櫻花樹再大棵少少會更有睇頭啦!!
      真係好想掹走佢條咪條,太吵耳了XXXD

      刪除
    4. 華,仲要等多幾年XXD
      無其他人眼望望佢既咩XD定其他人都好欣賞呀救命

      刪除
    5. 大陸這類新開發的旅遊區係咁上下㗎啦:P
      其他人無乜反應,可能覺得佢D半咸淡廣東話唱得好好XXXXD

      刪除
  18. 油多呢個問題,我都有問過人~
    原因:多油炒餸會易炒D&快熟好多.

    回覆刪除
    回覆
    1. Andy哥果然是懂煮餸之人,一語中的了^^
      所以好多時街食啲乾炒牛河之類都偏多油,因為慳功夫,河粉唔驚太黐鑊,油泡也夠快捷方面,菜也較青綠因為不用煮太耐!

      刪除
  19. 回覆
    1. 最緊要保持愉快的旅行心情.....^^

      刪除
  20. 你去左邊個公園啊?幾年前我去武漢賞花,雖已過左睇櫻花期,但去到公園,周圍都係花!而且好多都係第一次見到,好靚!

    回覆刪除
    回覆
    1. 果度係近武漢北邊市郊叫做黃陂區,唔知你係咪都去過喱個公園?我諗應該唔係開咗好耐因為見佢啲樹都唔係好大棵應是新種的吧!
      你鍾意影花可能去雲南係咪應該仲多花海可以影下^^

      刪除
  21. 雖然未有花海但相片影出來都好靚 .

    回覆刪除
    回覆
    1. 可能要再過多幾年先會較有睇頭吧:P

      刪除
  22. 你話影完唔夠膽霸咁耐,但你影D相又唔太多人

    回覆刪除
    回覆
    1. 所以最緊要掌握到節奏,等啲人一散開即閃電手按動shutter....XXD

      刪除