暫時將幅為食地圖又搬一搬返來老家先，之前提過去元朗新田的購物城運吉，無獨有偶今次也是以元朗作為覓食據點。
山長水遠搭巴士來到又新街，係咪絕大部份人會先去幫一幫襯果間甜品店？不過今次基爾無去喎，難度係驚忍唔到口食得太多甜野會變肥仔嘜，到時著唔落金山買返來果D靚衫咪弊加科！
既然係咁就封一封口先（暫時架咋）！見行行下又行到去千色店，一於去行多陣街當係消耗下D卡路里，陣間去食野就唔駛咁就住就住，驚積聚熱量啦（自我催眠中）……
行千色店其實都係齋睇無乜野好買，唯獨係超市果part發現了筍野，之前聽同事講啡色罐果隻韓國午餐肉好食，見佢咁橋有買一送一discount喎，即係$35有兩罐，咁抵唔駛諗即入貨。回家後已試食，覺得真係無一般午餐肉咁咸而且不油膩，幾好食值得一試！
行完千色店之後都成點幾兩點，係時候移師去隔籬街的目標地帶，結果好輕易就搵到喱間好旺場的士林台灣麵，等位等了近半粒鐘先有得坐，梗係拿拿林叫野食啦！結果叫了一個酸辣香酥排骨麵（$49）和一碟香酥雞扒飯（配肉燥$49）仲加多杯珍珠奶茶（$18），另外還叫多一客香酥排骨（$43），以3人份量計相當夠飽。
豬扒和雞扒都有乒乓球板咁大塊很足料，不過基爾對酥炸類食品有少少顧忌，都係淺酌輕嘗適可而止吧！據聞老闆曾在台灣學藝超過廿年，肉燥食得出很有點台灣風味呢！
士林台灣麵 Shilin Taiwan Shop
元朗西菁街9號富盛大廈地下
元朗西菁街9號富盛大廈地下
塊扒有無大過你塊臉?
回覆刪除實大唔過！kaka...
刪除Ah Mo:唔大過我諗都差不多了.....!!
刪除Miss JJ:下次你又去度一度啦XXXXD
刪除我和雀后都食過呢間，好食又抵食。點解怕食酥炸？怕熱氣？
回覆刪除勁呀都話你仲熟路過我㗎啦wakakaka
刪除係呀怕熱氣,下次食麵和其他野可能無咁熱氣.....
怕熱氣咪剔走個外皮先食囉.
回覆刪除係呀有部份都拆咗外皮先食,其實有時食KFC我都會:P
刪除士林台灣麵有點台灣風味呢！ ！
回覆刪除大夫這名字也有點台灣風味XXXD
刪除元朗少到，有機會我會試試！
回覆刪除如果有地膽朋友帶路其實元朗都有好多知名食肆選擇:P
刪除台灣食物幾啱香港人口味.
回覆刪除叫做最接近口味啦,所以成日都咁多人飛過去都係為咗掃街啫:P
刪除B仔？
回覆刪除有冇同DD去逛逛^^
刪除N年前我嘅香港網友帶我哋去過。<3
刪除原來開咗咁耐^^
刪除係呀
刪除台灣我未去過，還是在杳港試試台灣口味的食物先。
回覆刪除對呀,依家HK都開了不少台式食肆,不妨先去試個pre-trip^^
刪除台灣都好值得一遊,自然風景都靚,喜歡掃街又多夜市逛,最重要係勝在近近地,你去過日本歐洲咁多地方,台灣應該無難度吧
台灣既美食真係好吸引人!
回覆刪除會唔會過去走一轉?^^
刪除以前去過, 價錢還可 ... 紅燒牛腩又冧又好食! 麵夠甄韌彈牙特色來的!
回覆刪除原來咁多blog友都有去過,唔怪得佢咁旺場.......
刪除元朗仲有B仔涼粉都OK GAR，大大碗，有生果粒。
回覆刪除夏天食就最啱,夠消暑^^
刪除韓國午餐肉我老伴買過，一啲都唔好食，你買邊隻牌子呢？
回覆刪除啡啡地色個罐,有膠蓋,唔記得係乜牌了
刪除主要係無咁肥和咸:P
日光日白咁多人坐晒出面，D生意好好哦！
回覆刪除點幾兩點鐘去到都仲要等位等成三四個字.......
刪除我久不久都會到元朗行街 , 熱鬧又多嘢食 , 呢間未幫襯過原來咁抵食搵人都要去食下 .
回覆刪除依家大馬路果度真係超級多人,熱鬧過市區:P
刪除多謝介紹, 肥人搵日可以碌過去試下先..haaaa
回覆刪除B仔..肥人覺得唔好食其實...hhaaa
12點幾1點超多人,記得避開啲peak hour^^
刪除甜品其實都幾多其他食肆選擇嘅......
其實香港已經有很多美食…區區都有~~
回覆刪除但價錢一般偏貴:P
刪除呢間野我曾經經常食架！好正～
回覆刪除酥炸類食品有少少顧忌＜-- 你又唔食牛肉麵嘅？我最喜歡～🤤
Really~~~~!!係咪果頭返工?
刪除牛我又係盡量少食喎....口味係咪好厭尖呢XXD
似前係，所以成日食囉～
刪除少食牛咁無辦法了～😅
元朗依家交通方便咗好多好多(相對廿幾年前),所以假日都多咗好多區外人去覓食,感覺不一樣了:P
刪除咁既價錢都OK喎!
回覆刪除睇落啲排骨好掂下.
所以都幾多人幫襯,中午時段要等好耐先有位,同埋如果坐店外露天位會比較熱:P
刪除我去台灣都冇食牛肉麵，搵日都要入去呢間食吓。
回覆刪除很久之前吃過一家住家製的台式牛肉麵，那些牛肉好有特色，好好食! 睇嚟好難食得番咁好食咯。
好多人都話佢係比較正𡨫,不妨一試,不過都比較多人要等位:P
刪除牛肉麵我都比較少食,所以都唔太懂分好與壞