2018年5月15日 星期二

武漢迎花潮@西峰日出

寫遊誌時翻查手機發現竟沒有在山寨客房影的照片,可能是因為昨夜很晚才來到有點累趕住去梳洗睡覺忘了影,第二朝又天未光就趕住出發……



講返之前果晚客棧外其實聽到有營火會活動,又有人放煙花棚棚聲都幾熱鬧,但因為沖了涼就費事再出去(高山上入夜後其實還有點冷,只有10度8度左右吧),只在窗邊八卦望下就上床睡了!咁急住睡覺是因為第二朝有很重要的任務,就係上去西峰山頂睇日出。上圖是在山頂等待日出前先影一陣晨曦中的雲海美景!



這間山寨客棧其實都幾有規模,除了有個大廣場可以讓住客燒煙花之外,仲有些免費導賞團給住客報名,例如基爾這朝早就參加了日出團,差不多5點幾未天光就要起身,不過為了睇日出都無計。仔細睇睇上圖,紅點那處就係山寨客棧所在的山腰位置。



差不多清晨6點已坐客棧的電瓶車登山,不過最後一段約15分鐘的山路小徑就無法乘車,要自己沿石徑行上西峰山頂。上圖近山頂的懸崖邊有處貌似城牆的頹垣斷壁,據聞就是14世紀元末明初時期的清涼寨遺蹟所在地。圖中那橙衫人靠在城牆邊望來邊去到底有乜野好望呢?



唔駛賣關子即刻開估!咪就係望生長在山崖邊的這幾棵野櫻花樹囉!佢地都係武漢本土原生的中國野生櫻花品種,與日本常見的東瀛品種不同,它的花朵較細,但較耐寒,花期也較長一點,除了白色之外也有粉紅的野生櫻品種。據網上資料所講,清涼寨這一帶山區就有崖櫻、單齒櫻、尾葉櫻、刺毛櫻桃、西南櫻桃、櫻桃等6個中華櫻花品種。另外仲有話原來只有中華櫻會結果,東瀛櫻是沒有果實的,唔知係咪真呢?



東望望西影影掛住睇野櫻花,冷不防原來個咸蛋黃已經靜悄悄地在雲海的夾縫中升起了。還以為這朝早雲霧太多能看到日出的機會不高,幸好皇天不負有心人……基爾只用了手機影日出,影到個小紅點已算交到貨吧!



見個日出咁靚(當時用眼睇實景更美),又花小小心思襯埋棵枯樹和古城牆再影多張靚相,效果也不錯吧!係咪很有點天地蒼茫的塞外風情先?!



對上一次咁神心天未光去睇日出已經忘記係幾時了……這朝早其實算是幸運了,至少沒有落雨,雖然多雲但仍見到日出的瞬間,同道上山來觀日出的客棧旅客也覺得山頂這觀景很值得一來,畢竟西峰這裏雖然只有海拔800多米,但已是武漢這一帶的最高峰了!



睇完一輪日出、野櫻花和古城遺址之後,見山頂實在寒風凜凜不宜久留,都係趕快落山坐返電瓶車回到客棧去食個暖笠笠早餐。之前一晚太夜來到四圍都黑鼆鼆,無去影下客棧四周的環境,咁依家趁大清早遊人比較少就隨手影幾張山寨相先啦(雖然個肚有少少打鼓)!左邊4層高那一排就是客房,基爾好似係住其中一間。



另一邊長這樣!係咪都幾似電視城古裝街那類的拍戲場景,唔知會唔會真係有大陸的古裝劇來取景呢?到時會在客棧撞到D北漂明星都未定……



本來四周圍環境都幾唔錯,唯獨係左上圖無端端搭了個娘味十足的紅色大舞台比較礙眼,記得昨晚這裏傳來陣陣鼓聲,遠看有些簡單的風土表演節目上演,還有客棧住客來放煙花,不過基爾沖左涼就無落去八卦了。客棧大堂則沿用簡約風格,簡單清雅其實已很美了!



之前趕住坐電瓶車出發上山睇日出,都無影大堂豎立的觀日出團告示牌,咁回來時又補影返,佢好細心咁寫了明早日出時間係清晨6:20am,有興趣可到check-in櫃面登記,佢地就會有專人morning call你準時起身!

56 則留言:

  1. 睇書講。櫻花單辮沒有果子,fluffy 花的就會結車厘子。

    中國大陸成日話自己出產出品的係野生xyz,其實點分?

    回覆刪除
    回覆
    1. oic......原來如此!!!
      山頭野嶺生出來果啲一般都係野生吧,公園果啲就人工培植囉

      刪除
  2. 沖左涼就唔出門口....如果有人同你鴛鴦浴你仲唔再沖過咩。

    回覆刪除
    回覆
    1. 喱一層我又真係無諗過喎.....
      這方面我諗王子經驗一地豐富好多,願聞其詳XXXXD

      刪除
  3. 清涼寨這一帶山區 :
    就有崖櫻、單齒櫻、尾葉櫻、刺毛櫻桃、
    西南櫻桃、櫻桃等6個中華櫻花品種。
    另外仲有話原來只有中華櫻會結果,
    東瀛櫻是沒有果實的,唔知係咪真呢?

    回覆刪除
    回覆
    1. 敢問大夫唔知櫻花和車厘子又有冇藥用價值㗎呢?

      刪除
    2. 櫻花具有相當高的藥用價值,
      如櫻花樹葉及花瓣可用作藥材,
      櫻樹皮入藥還有止咳、解酒和治療發熱的功效。
      而櫻花花瓣則含有大量維他命A、B、E,
      有收縮毛孔、控制油脂分泌,
      因此常被用於養顏美肌,例如製作櫻花油,
      塗於面部既可保濕美白,又能祛痘。

      櫻花釀酒:將櫻花洗淨後放入瓶中,再加入冰糖和酒,
      密封兩個月後過濾出櫻花,
      然後將酒再次密封三個月後即可飲用。
      功效:
      櫻花酒能解除疲勞,而且味道清甜,
      還能增強食慾及強身健體。

      櫻葉泡茶:
      將櫻花的葉子製作成乾燥的鹽漬櫻葉,
      當茶葉沖泡,可健腸胃、去水腫。

      刪除
    3. 车厘子的功效:
      车厘子有补中益气,祛风胜湿,
      主水谷痢,止泄精等功效。
      主治病后体虚气弱,气短心悸,
      倦怠食少,咽干口渴,及风湿腰腿疼痛,
      四肢不仁,关节屈伸不利,冻疮等病症。

      刪除
    4. 估唔到櫻花由樹皮到花瓣到樹葉都係寶喎,好多藥用功效呢....大夫都要食多啲XXXD

      刪除
  4. 「天地蒼茫塞外風情」照片很美!

    回覆刪除
  5. 日山,雲海加櫻花,再沒有更完美的組合.

    回覆刪除
    回覆
    1. 當然有,加埋那個橙衫人就係更perfect了.........XXXD

      刪除
  6. 有營火會活動又唔去參予吓?!!看看跟想像中有冇分別…

    回覆刪除
    回覆
    1. 無呀咁凍費事又要著返晒啲厚褸出去啦,沖完涼個人會好懶想瞓覺XXXD
      我在窗邊望下佢地棚棚聲放煙花算了:P

      刪除
  7. 回覆
    1. 方圓幾公里好似都無其他客棧了,佢在山區中是獨市生意^^

      刪除
  8. 睇日出是一種挑戰⋯⋯😴
    你咁多篇武漢迎花潮D內文真是完全貼題,你對花很有興趣嗎?

    回覆刪除
    回覆
    1. 都係㗎,好考驗決心,尤其係天寒地凍時節....wakakaka!!
      咁每次寫blog都一定係深思熟慮過千錘百煉過先寫出來㗎嘛XXD
      喱次主要都係去賞花為主啦,其他都無乜特別野好睇....返大陸旅行多數都係鍾意睇自然風景多過睇大城市吧:P

      刪除
  9. 瞓下好過啦,火柴頭咁大粒光點叫日出😴

    回覆刪除
    回覆
    1. 咦...咦...咦...咁耐無出沒還以為你倆又外遊逍遙去^^

      刪除
  10. 張相個基爾有啲文青feel喎
    估唔到仲有海綿寶寶

    回覆刪除
    回覆
    1. 都係你最懂......XXD扮得好辛苦㗎!!!
      我都估唔到,所以要影畀你睇下wakaka...

      刪除
  11. 日出睇到咸蛋黃都自吾錯,吾使食白果啦^_^

    回覆刪除
  12. 肥人永遠都只睇到日落架...日出呀...應該唔會起到身, EVEN有MORNING CALL都好...hahaaa

    回覆刪除
    回覆
    1. 咁試一次通頂咪可以等到睇日出囉wakakakaka.....

      刪除
    2. 嘩, 係喎, 忘記左我會通頂..hahahaa

      刪除
    3. wakakaka....可以順便飲埋早茶添喎^^

      刪除
  13. 我以為橙衫人係你添﹐哈哈.......

    回覆刪除
  14. 個蛋黃咁細,都睇唔清楚,你點解唔用相機呢!

    回覆刪除
    回覆
    1. 無帶呀,去幾日就費事帶咁多嘢啦,又要帶叉電.....:P

      刪除
  15. 見到野生櫻花,又見到日出,收穫都唔錯!

    回覆刪除
  16. 野櫻花都應該幾靚,同時加個靚靚日出值回早起啦。

    回覆刪除
    回覆
    1. 好彩只係四點幾五點起身啫,都接受到唔算太早起身,同埋有車接送都好方便^^

      刪除
  17. 山長水遠去睇...有個黃都幸福啊~有枯樹襯托又幾靚

    回覆刪除
    回覆
    1. 冬天咁凍要咁早起身,都要少少毅力先得...wakakaka:P

      刪除
  18. 見到日出好幸運!可惜個天灰灰...

    回覆刪除
    回覆
    1. 如果有天朗氣清日子應該都有機會見到好似佢個sample圖片咁靚呢,不過可能要等夏天機會高啲:P

      刪除
  19. 呢度範圍都好大喎,唔知有幾高呢?!

    回覆刪除
  20. 咁客棧又幾好喎!有得送你地睇日出!
    日出令人覺得好希望!

    回覆刪除
    回覆
    1. 係呀睇日出係喱間客棧其中一樣免費節目^^
      你外遊果陣多唔多機會去睇日出呢?

      刪除
  21. 配菜太多,主題浪得虛名。

    回覆刪除
    回覆
    1. 做唔到老師就成日尼評分,係咁o架喇!kaka......

      刪除
    2. JJ老師都未睇晒人地寫晒全篇文,唔好咁心急畀分先啦....:P

      刪除
  22. 天寒地凍睇日出,對我來說都是一個大考驗。

    咁耐我係去台灣阿里山時看過咋。

    回覆刪除
    回覆
    1. 對呀冬天特別是挑戰,要離開溫暖被窩要有些毅力:P
      阿里山日出也很有名,期待將來有機會去看看^^

      刪除
  23. 能夠在山上欣賞到野山櫻,真是好節目。

    回覆刪除
  24. 睇日出是在行程內嗎?
    要另外收費嗎?
    實景一定很美!

    回覆刪除
    回覆
    1. 嘩~~~~!!睇返5月的網誌,好捧場喎XXD
      見佢客棧有免費車上山頂,所似咪去囉^^
      我好少睇日出,所以都算是很難得的一次體驗吧

      刪除