2018年6月16日 星期六

珍郵庫@香港消防處150周年

連續寫咁多篇hea遊誌都有D驚驚地睇到人悶出鳥來,又係時候由床下底搬返D郵票出來間一間場先(咪話仲悶)!



今次喱套都算叫做新鮮滾熱辣上月才發行,主題為「香港消防處150周年」的紀念首日封。簡單數數手指計返條數,2018減返150發現原來消防處是成立於1868年,唔出郵票真係唔多知道呢!



先睇面值$10的那個郵票小型張,上面有成排共12個消防員公仔,仔細睇才知原來係由19世紀一直到現今百五年來消防員制服的演變,有好多都未見過真係幾特別喎!



睇完消防員制服之後,咁梗係要睇埋D消防車先得啦!一套6款郵票就包含了50年代至今的消防車和救護車面貌,基爾覺得都幾有細個時玩果種Tomica車仔的感覺,唔知有冇人細個時都玩過……



依家諗返兒時真係曾經擁有過一輛玩具消防車仔,記得係有條鐵梯可以伸長豎起添架!可惜今次套郵票就無送玩具消防車,只係補送返年頭的狗年生肖磁石貼,設計都頗求其唔太靚有點失望,如果送車仔會開心好多!



訂生肖郵票除了送磁石貼之外,其實年年都有送個仿金生肖襟章,上面分別係蛇羊猴雞和狗年,其實都幾金光閃閃,當然如果係真金牌會更開心……(發夢中)!順帶一提原來今次個消防車郵票係加了AR效果,不過要裝了郵署個app先玩到,聽聞係可以360度睇到車仔模型和內部設計咁犀利,如果有人玩過記得話返畀基爾聽下效果如何喎!

香港消防處150周年
發行日期:2018年5月8日

66 則留言:

  1. 的仿金生肖襟章設計雖然簡單,但金光閃閃很吸睛。
    消防處為市民付出不少,我贊成消防處多出紀念郵票。

    回覆刪除
    回覆
    1. 如果係真金更佳....wakakakaka!!
      唔知外國多唔多出消防紀念郵票呢?

      刪除
  2. 嚟你度睇下郵票收藏真係好!消防處150周年,犀利呀!

    回覆刪除
    回覆
    1. 我周時看你的漫畫blog也長知識呢^^

      刪除
  3. 以前叫消防員做火燭鬼
    我老媽仲話過佢地會乘機攞野 (佢個人經驗) ^^

    回覆刪除
    回覆
    1. 係呀,以前看粵語長片都係咁叫.....
      以前話係有水放水無水散水㗎XXXD

      刪除
  4. Tomica車仔有玩過.
    訂郵票送嘅嘢唔靚又唔實用,慳番啲錢好過啦.

    回覆刪除
    回覆
    1. 王子果然係有錢仔.....XXXD
      其實可以諗下設計啲實用性少少的東西,例如送郵票簿或者首日封簿之類,貯積分送郵票也可^^

      刪除
  5. 記得好耐之前D首日封,郵票覆蓋面積冇咁大。我好耐冇買過首日封,係咪風格改變了?

    回覆刪除
    回覆
    1. 郵票覆蓋面積冇咁大<=====係咪指無咁大張?
      如果係通用郵票一般都無咁大張,紀念郵票小型張果類會大張啲

      刪除
    2. 係咪指無咁大張?===>YES^_^
      你已經解決了我的疑問,就是通用郵票與紀念郵票之別。^-^

      刪除
    3. 係呀依家用緊果套通用郵票就係地質公園果套囉,之前仲有出過香港雀鳥可能你會有印象.......

      刪除
  6. 今期郵票好靚,顏色好搶眼~
    小型張仲可以睇晒咁多年既制服,好特別~

    回覆刪除
    回覆
    1. 係呀個design都幾唔錯的....
      提議郵署可以幫佢地出埋消防員模型啦

      刪除
  7. 直情係珍藏啦,好鐘意個金章.

    回覆刪除
    回覆
    1. 唔知有冇人貯齊一set放上網畀人bit呢?^^

      刪除
  8. 我細佬就儲Tomica,今次去日本為左幫佢搵珍藏,行到我腳軟都買唔到。

    回覆刪除
    回覆
    1. 跑車定古董車?有啲Tomica真係手工好精細,有價有市呢.....

      刪除
  9. Tomica我大把啦, 乜車都有
    呢d贈品要都費事 , 我仲有桶木顏色, 都叫有d用, 乜你冇咩.

    回覆刪除
    回覆
    1. 犀利喎,晒少少出來睇下啦@@
      我都覺得係,磁石貼唔靚,有點浪費了....
      木顏色我冇喎,可能係你喱類大客仔先有得送啦^0^

      刪除
    2. 你咪睇咗囉,車展🚗🚕🚒
      老人痴呆重症

      刪除
    3. 係咩係咩乜有睇過車展咩?
      咁木顏色呢?

      刪除
  10. 我就覺得啲消防車畫得麻麻地
    生肖鍍金郵票幾靚,但保存都花心機

    回覆刪除
    回覆
    1. 2D畫係咁上下,有點簡約美
      又唔駛好花心機喎,我求其擺都無生鏽呢XXD

      刪除
  11. 我都有同感,見到套郵票都諗起車仔…
    今套都唔錯,而且仲有襟章送~

    回覆刪除
    回覆
    1. 看來森兄都買過唔少喎^^
      果個狗年襟章其實本來應該係年頭跟生肖郵票送的,可能佢地整唔切延後到依家先送:P

      刪除
  12. 套消防處150,真係直得去買~
    我又去買到先!

    回覆刪除
    回覆
    1. 如果本身係消防員,都值得去買返套留念^^

      刪除
    2. 快啲拎個網出來捉返XXD

      刪除
  13. 一諗到收藏品,立刻會諗咁多放邊到喎,哈哈哈。

    回覆刪除
    回覆
    1. Wakakakakakaka......你邊駛擔心喱啲,屋企大把地方擺啦XXXD

      刪除
  14. 小全張設計好,值得收藏!

    回覆刪除
    回覆
    1. 係咪如果用真人更靚仔.....XXXD

      刪除
  15. 張相有幾大張,就即係份量有幾重啦…
    註定落在床下底!註定老婆婆要用放大鏡!

    回覆刪除
    回覆
    1. 咁JJ如果有張寫真,係咪一定放到成個blog咁大張先....XXXXDD

      刪除
    2. 我同太陽伯伯一樣咁公平,每張相都咁大,而且唔洗用放大鏡.

      刪除
  16. 次次見你集郵篇,我都會諗起細個時集既郵票,我出來香港前送左俾最好既朋友,咁多年我竟然都無諗起問佢有無保存好.

    回覆刪除
    回覆
    1. 如果佢無貯開郵票,最大可能係佢會再轉送畀其他有集郵的小朋友囉^^

      刪除
  17. 如果係咁我單一寫遊記咪好悶?🤔
    有無去國際關係郵展睇吓呀?👇🏾https://www.facebook.com/SimonStamps/photos/a.403731126683819.1073741834.393581457698786/731476567242605/?type=3&theater

    回覆刪除
    回覆
    1. 唔會喎,你寫果啲異國風情社會民生好多我都無睇過,直情係睇到眼都唔眨,邊會悶^^
      仲有銀嫂間中搭訕補充都好好睇,每次我都好期待她從另一角度體察的見聞呢......
      有呀,自從你上次介紹之後我已經follow咗沈博士,成日有好多歷史故事和國際關係睇,好開心,謝謝^^

      刪除
    2. 唔係呀,係香港歷史博物館有國際關係郵展,專講香港的,我今日去左參觀,但聽日2/7已是最後一日了

      刪除
    3. 噢....咁我就無去呀,多唔多嘢睇?

      刪除
    4. 多呀!我唔係集郵咪都睇咗好多歷史,佢由清朝香港是個小魚村講起,香港作為一個中轉港的郵件服務的郵戳與使用的郵票。

      刪除
    5. 咁一定有好多舊女皇頭郵票睇^^

      刪除
    6. 佢反而多講郵戳,因為郵戳是最能代表那個時代,日治時代都有當時使用過的日本天皇郵票與郵戳介紹,好詳盡吓 ~

      刪除
    7. 日治時代我諗留下來的郵票郵戳應該不算太多,相信都好珍貴.....

      刪除
  18. 呢套幾特別喎~紅噹噹好醒目~~~~

    回覆刪除
    回覆
    1. 係呀都幾靚,同埋百五周年有意義呢

      刪除
  19. 蛇同狗年的仿金襟章幾得意,既能顯出生肖的模樣同字型。

    回覆刪除
    回覆
    1. 好犀利喎你睇得咁仔細嘅^^

      刪除
  20. 見到基哥啲郵票,就會諗起自己啲郵票,唔敢再狂買了,幾本大大小小的郵票簿已經束之於高閣。消防150週年,都好值得出郵票慶祝。

    回覆刪除
    回覆
    1. 咁得閒要拎出來抹下塵啦^^
      郵票都算係叫做唔係太阻掟嘅,如果貯模型漫畫果啲仲唔得掂啦XXD

      刪除
    2. 收得好密實,都唔會好多塵啩!
      郵票真係唔係好阻埞,不過不幸被打入冷宮了,未得閒拿來欣賞。^0^

      刪除
    3. 我都係,通常搵開野先會摷啲出來睇下:P
      wakakakaka.....最緊要唔好打我入冷宮喎,有空就來留下言^^

      刪除
    4. wahahaha! 基哥咁喜客,點會打你入冷宮吖。你又唔憂冇人客。
      謝謝賞面啦!

      刪除
    5. XXXD熱鬧啲好啲丫嘛^^

      刪除
    6. 很多人都喜歡趁“襯”高興!

      刪除
    7. 寫blog都係開心緊要^^

      刪除
    8. 是的,是的。就是報喜不報憂嗎?
      寫些幽默些好開心。

      刪除
    9. 最緊要自己寫得開心,其實寫乜都無乜所謂嘅^^

      刪除