2018年6月6日 星期三

跟住雷神過大海@雀仔園

可能因為食左成個燒雞釀飯關係,感覺好似都幾飽,不太適宜即刻返酒店沖涼訓覺,一定要去散陣步先得,順便去夜遊一下澳門的舊街小巷……



由食肆行返出來已經見到這條恍如電影場景的樓梯街,在昏黃街燈下真的很有點戲劇味道,事實上又真係有人坐在樓梯級上閒聊隊啤吹水喎!



澳門夜晚的舊區小巷多野睇之餘,仲幾多街邊檔賣野食涼茶之類,如果晚餐未食夠亦可以順道買少少生果返酒店食,又或者再打個冷都得……



夜色中以喱座古色古香的Mercado Municipal雀仔園街市最搶眼,正門標示了建於1939年,原來是戰前的歷史建築,係咪同紅街市一樣咁大年紀?可惜夜晚早已收市關了門,睇唔到裏面係點樣。



繼續沿住條馬賽克石砌小路向前行,無耐就會見到葡萄牙總領事館同埋斜對面喱一欄西式古建築,上網check返先知原來依家活化了成為餐廳云云,荷蘭園這一帶有幾幢這類20世紀初的新古典主義風格歷史建築物,有些活化成為圖書館和歷史檔案館,也有些保留用作政府機構的辦公室。



之前搭巴士塞車又兜路真係怕怕,其實澳門勝在地方細細,好多時用雙腳行就最悠閒愜意,沿小街行下睇下影下開心過坐車,可以更貼地睇到D民生面貌。眨下眼基爾又行到來上圖右喱間似十足荒廢古老大宅的Teatro Capitol舊國華戲院,原來它比雀仔園街市還要古老,落成日期可追溯到1931年4月,成日想入去八卦下但夜媽媽貢入去唔知會唔會畀人老笠呢?



安全起見就在大門外裝下就算……再向前無聊閒蕩多一陣,原來不知不覺已經來到最熟悉的議事亭前地一帶了,轉角位又見到外貌建築似教堂的女媧廟。這一帶又熱鬧返因為沿街大多都係遊客手信店,成日好奇想問樓上那些舊樓係咪都仲有人住架呢?但大部份又唔見有人開燈咁喎!值得一提係仲見到上圖喱間歷史好悠久的大聲公涼茶舖,基爾好似上個世紀第一次來澳門果陣都有幫襯過,佢個舖位依家係咪應該都升值好幾千倍了吧!

72 則留言:

  1. 第一!

    話雖夜晚, 都有人行喎!

    回覆刪除
    回覆
    1. 唔知會唔會畀人老笠呢?

      刪除
    2. 蘭:今次咁醒嘅?定還是咁啱咁夜瞓又有時間巡blog....XXXXD
      澳門啲手信店都開到成十一二點好好生意:P

      刪除
    3. 大夫:夜嗎嗎都係行啲安全地方好

      刪除
  2. 澳門最吸引就係果啲橫街小巷。

    回覆刪除
    回覆
    1. 澳門地細
      用雙腳行
      悠閒愜意

      刪除
    2. EE:係呀,可以見到多啲地道野,影相也美

      刪除
    3. 大夫:得閒介紹啲好地方來行下喎

      刪除
    4. 或者小鄧子傳也可XXD

      刪除
  3. 我好似上次有去過呢個街市食野

    回覆刪除
    回覆
    1. Really~~~~~!!係咪多粥粉面奶茶咖啡菠蘿油果啲?

      刪除
  4. 澳門的建築物和地磚都很可觀,感覺像到了外國。

    回覆刪除
    回覆
    1. 地磚很有點南歐風味,保留舊日色彩才有旅遊價值

      刪除
  5. 回覆
    1. 對,近近地同家人去走一趟食下野也不錯的

      刪除
  6. Night walk in Macau appears to be a good choice.

    回覆刪除
  7. 真喺好怕去澳門,又多遊客,阻車搶錢多負面新聞,但對我嚟講,見食物幾有新鮮感,港珠澳大橋起去,會去睇下!

    回覆刪除
    回覆
    1. 到時坐過境巴士唔知會唔會平少少,依家啲船好鬼貴:P

      刪除
  8. 食飽飽行下都唔錯呀, 涼涼地又少d人嘛~

    回覆刪除
    回覆
    1. 平時食飽飯落街散下步都健康呢^^

      刪除
  9. 回覆
    1. 咁夜一定係飛晒返屋企啦XXD

      刪除
  10. 澳門D舊城區橫街窄巷好有70年風味!

    回覆刪除
  11. 澳門真係好易行。下次反而想試下去澳門搭巴士無目的地咁游個車河

    回覆刪除
    回覆
    1. 其實如果唔趕時間,搭巴士也幾好,不過記得要買張澳門八達通會平好多^^

      刪除
  12. 夜晚的澳門街道顯得格外寧靜,夜遊都係一個唔錯的體驗…

    回覆刪除
    回覆
    1. 明顯無日間咁多人,無咁大壓逼感XXD

      刪除
    2. 都好,起碼行得舒服…

      刪除
    3. 森兄康復返之後不妨去走走^^

      刪除
  13. 我覺得去旅遊,行吓街好多成晚坐賭場啦。=P

    回覆刪除
    回覆
    1. 咁都好多人係專程去賭場嘅XXD

      刪除
    2. 好多--->原本想打「好過」的=P

      刪除
    3. 其實都好多人要靠個賭場食飯嘅我諗XXD

      刪除
  14. 有無吃大街小巷D小食呀? 我中意去D無咁多人而偏僻D街道行, 感受舊澳門氣氛。

    回覆刪除
    回覆
    1. 無呀,因為之前食了個很飽的葡餐^^

      刪除
  15. 真係好耐無去過澳門,消費越來越貴。

    回覆刪除
  16. 又行得幾仔細喎~
    你食飽飽行出黎哥條樓梯街我成日都會行過~~~XXD~

    回覆刪除
    回覆
    1. 唔怪得知有咁多腳毛.....wakakakakaka!!!
      我覺得果個view幾啱你地去影下甫士相呢^^

      刪除
    2. 見到磨XXXXD.....有無俾風吹起?XXD
      但我又真係從來都無係哥度影過相喎~~~

      刪除
    3. wakakakaka.......驚驚XXXD
      咁下次再去要去影張靚相啦^^

      刪除
  17. 早20多年前,我亞姨就係住係大三巴石仔路,即現在Like對面一個叫葉家圍的地方,不過當年無咁多遊客,每年暑假我們都會住幾日。現在應該都仲有人住,不過我亞姨都過左黎香港了

    回覆刪除
    回覆
    1. 正喎暑假過去住幾日一定玩得好開心,有冇成日走上去炮台果邊玩^^
      果一帶D舊洋樓仲保養得好好,樓底高又有大露台,如果要維修唔知政府係咪有得補貼呢又?

      刪除
    2. 細個就成日去,宜家好少了,而且樓都係租的。不過門面就無改變,內面好似起過,這樣的建築是澳門的特色

      刪除
    3. 原來如此......我之前都聽聞係門面保留下來,但內裏就是重建過的呢

      刪除
  18. 我也喜歡遊走小巷橫街

    回覆刪除
  19. 夜蒲反對派點會去… 呀!兼職打更巡夜。

    回覆刪除
    回覆
    1. 有咁筍兼職一定請你先啦,你經驗老到好多XXXXD

      刪除
    2. 包青天只一個,佢先會睇清楚咩人做咩事!

      刪除
    3. 送多個烏盆畀你實習下wakakaka....

      刪除
  20. N 年沒有到過澳門 , 這裡還是那麼懷舊 , 難得舊建築物保養得咁好 , 反觀香港把大部份有歷史價值的建築物都拆拆 , 真可惜 !

    回覆刪除
    回覆
    1. HK地價貴,人都就來無掟企,何況古蹟丫.....:P

      刪除
  21. 嘩!散步都散步得好仔細喎~ 裡面係點?問小T啦~🤣

    回覆刪除
  22. 前幾年去澳門行過大半日,搭免費的賭場大巴,和市上的巴士。
    行大三巴、博物館,教堂和橫街窄巷。好在有老友幫手拿手信。下次去氹仔行吓都好噃。

    回覆刪除
    回覆
    1. 係呀坐賭場車最方便快捷啦^^
      咁睇來你都行過好多景點喎,澳門的教堂特別值得去逛逛.....
      我依家都盡量唔買咁多手信,因為都食唔晒wakakaka

      刪除
    2. 依家一上碼頭就係去搭賭場巴士,落咗車入賭場行一轉,然後出番嚟。都不知幾方便。
      其實都唔係行咗好多地方。夜晚上錯車去咗關閘,拿拿臨再去搭過去新口岸買票上船。好日都唔去一次,梗係要買多啲豬肉乾,送人與自奉啦。如果冇人陪,我都唔會去啦。

      刪除
    3. 好多人都係咁,因為真係快趣方便好多呢^^
      好彩都趕得切船,如果唔係又要買過張船飛了,都幾貴:P
      豬肉乾都好食丫,近年又興多樣豬肉紙,脆果隻,有冇食過?

      刪除
  23. 一日遊使乜買定來回票吖,唔會去太夜啦。老友都有親戚有地方住,不過是太疲倦,要回老家休息才會安樂。 她有事未辦妥,送咗我去碼頭,就回到親戚家處過夜。
    什麼豬肉紙,好似聽過,但未曾吃過喎。

    回覆刪除
    回覆
    1. 原來如此,我還以為是來回票,如果係單程票就唔驚會走船^^
      有親戚有地方住又幾好,因為澳門啲酒店都幾貴:P
      豬肉紙是脆薄片果隻,似薯片咁香脆

      刪除