2018年6月30日 星期六

跟住雷神過大海@路氹歷史館:上

尋日傍晚落了場大雨之後,好似真係變得天朗氣清了好多,把握時間第二朝好早就起身,正所謂「一日之計在於晨」,食返個靚靚早餐是常識吧!



對於酒店早餐本來沒抱太大期望(畢竟澳門街外美食選擇太多了),不過既然個package包埋都唔好蝕啦,即管先去食少少再留肚出去食過吧!點知落到去個G/F果間超大的餐廳一睇,咦佢個自助早餐原來一D都唔hea喎,而且仲幾grand幾多野食選擇添!



上面只係其中好少好少的一部份(掛住食就沒有碟碟影了),記憶中還有各式粥粉麵飯和中式點心,越南檬粉印度咖喱甚至日式的壽司魚生都有供應,感覺似lunch buffet多一點,西式也有很多唔同包類和蛋糕,仲有好多唔同味的芝士一次過試晒!食食下仲有侍應遞上杯香檳叫基爾試下喎(其實仲有幾輪分別擺低唔同果汁cocktail飲品試飲,所以非常唔得閒影相)!



結果因為實在有太多好野食和飲,不知不覺間就由七點半一路食到成十點鐘食埋幾球雪糕先肯走,唔駛講一定係飽到上頭殼頂啦(邊個話要留肚出去再食過)!後來睇返佢個價錢先知,原來喱個咁豐富的自助早餐原價都值成百幾蚊架喎,如果以食足3粒鐘計其實都幾抵食的(感覺賺了)。



晨早流流食到幾乎爆紐咁滯,緊接節目唔駛講一定係先去散陣步落一落格先(毫無懸念了吧)!一於由酒店近近地行出返去官也街買少少牛耳肉切酥蝦米卷先啦!行到去上圖喱個花園仔以前基爾都留唔少腳毛,咪就係天時暑熱個個滴住大汗排長龍去買豬扒包果度囉!依家完全唔同晒喎,唔見晒晒班龍的傳人……



飽成咁當然也不可能再質多個豬扒飽,繼續再無聊行陣街好過。好彩氹仔舊區喱邊仲有濃濃小城風味,求其四圍hea蕩下都幾有紓壓效果,最緊要係好似基爾咁揀閒日去是王道!



上次記得有經過喱間西式古董別墅模樣的大宅,但那時沒有開門,今次行過見佢有開喎,一於貢入去八一陣啦(其實係想去嘆陣冷氣)!睇睇佢正門外有個小小的招牌,原來這間是路氹歷史館。



如果有去過港島半山的甘棠第的話(現時已活化為孫中山紀念館),這間路氹歷史館就是類似的19-20世紀初歐式大宅了!



又來個參觀博物館學葡文,這幢歷史館的葡文名稱是Museu da Historia da Taipa e Coloane,睇返資料介紹話佢前身原來係始建於1920年的海島市政廳大樓,樓高兩層,佔地638平方米(依家如果計樓價一定億億聲)。上圖喱個古蹟模型唔駛多介紹,如果有去過Taipa官也街舊市區果邊就一定會去過這個大涼亭公園,以前佢原本是個小市集。



歷史館入面都有好多這類澳門的古蹟模型,例如上面喱間天后宮在氹仔同樣有很悠久歷史。另外,展廳入面仲有擺放一些昔日的農家漁家用品。



唔講唔知,原來氹仔以前仲有好多炮仗廠和造船廠,上圖可以見到其中一間展廳,仲有艘漁船的船骨吊在天花頂,望落係咪好壯觀;另外仲有龍船和出土的瓷器展出。

39 則留言:

  1. 原來入去有野睇架,真係唔知啊~~有冷氣送就更加爽啦

    回覆刪除
    回覆
    1. 雖然地方唔大但行一圈也不錯,反正有免費冷氣XXXD

      刪除
  2. 食飽行街就最好,幫助消化。

    回覆刪除
  3. 好多人話而家大利來已經唔好食喇

    回覆刪除
    回覆
    1. 我都冇去幫襯了,其實我麻麻地朱扒包,以前都係貪高興之嘛XXXD

      刪除
  4. 食足3個鐘乜都抵番啦^_^閒日去澳門真係吾錯﹗

    回覆刪除
    回覆
    1. 難得外遊都盡量想享受下悠閒^^
      平時好少好少機會食3粒鈡早餐:P

      刪除
  5. 澳門的吃喝玩賞真係包羅萬有,記得要帶多的銀両玩樂。

    回覆刪除
  6. 回覆
    1. 飽到上頸!長頸鹿都食唔落了!XXD

      刪除
  7. 澳門地方細細,但啲歷史館、博物館等真係好多!

    回覆刪除
    回覆
    1. 係呀,澳門的博物館真係幾多,同埋都做得幾好睇

      刪除
  8. 回覆
    1. wakakakaka.....又無喎,之後都無再行去果度啦:P

      刪除
  9. 食飽飽早餐後,周圍逛吓當散步唔錯…

    回覆刪除
    回覆
    1. 佢的博物館要唔要收入場費?!感覺都幾多東西參觀…

      刪除
    2. 係呀散步係我強項XXXXD
      喱間唔駛入場費,其實澳門好似大部份都唔駛嘅
      初頭係比佢古老外貌吸引,入去仲想睇下佢內部間格係點^^

      刪除
    3. 澳門居民唔錯,除咗每年有錢派之餘,文化康樂活動都有免費…

      刪除
    4. 咦....咁森兄係咪有意思移民過去先^0^

      刪除
    5. 大夫可以申請專業移民:P

      刪除
  10. 雖然好多人覺得博物館好悶,我又幾鐘意去喎.

    回覆刪除
    回覆
    1. 我都鍾意,尤其係暑假期間係有好多外國著名的博物館來港展出,好難得可以唔駛搭飛機都可以睇到這些歐美藝術珍品呢!!
      同埋外國啲博物館多數收費好貴,HK比較平,換算來說是賺了^^

      刪除
  11. 跟著你幾集去左澳門,搞到我都好想去!

    回覆刪除
    回覆
    1. 如果有短假期都不妨去走走啦....
      看完你的Gold Coast和Cairns行程都好吸引^^

      刪除
  12. 澳門有很多小小的博物館,值得一遊。

    回覆刪除
    回覆
    1. 對,我也很喜歡去逛逛,佢地做得幾精緻

      刪除
  13. 個博物館好大咩!又要剩下條尾巴!

    回覆刪除
  14. 晨早流流飲酒精唔啱我,會成日中眼訓架🤣
    幾時出門都係閒日暢快D~

    回覆刪除
    回覆
    1. wakakakaka....我諗佢係for賭場通頂果班豪客啩!!:P
      絕對係,睇銀哥多數揀off season去外遊就知^^

      刪除
  15. 係澳門行博物館夠晒特別,平時去澳門冇諗過可以咁行~

    回覆刪除
    回覆
    1. 澳門有好多小型博物館,都幾特別,如果路過通常會入一入去睇,順便嘆陣冷氣^0^

      刪除
  16. 夏天到博物館有嘢之餘又可以嘆冷氣 " 正 "

    回覆刪除