2019年5月7日 星期二

閃巡中上環CP3@大館

由於要預留返少少時間搭車過去銅鑼灣,睇睇手錶餘下去逛Check Point 3的時間就只有約一個鐘左右,分秒必爭趕到出汗!



5:45pm │ 由元創坊九秒九趕過去大館那邊,睇地圖其實話遠唔遠,話近亦都唔算好近。路經上圖這處應該好多人都唔會感到陌生,見到地上的石板就知是石板街吧!



5:47pm │ 石板街正式名稱叫砵甸乍街,好多外地遊客都會來影張到此一遊,或許是喜歡石砌街道的古老懷舊味,19世紀香港開埠初年不少老照片都曾在這些石板上取景。另一樣多人影的自然是那些冷織欄杆套!



5:50pm │ 基爾趕時間暫時不花太多時間在這老街久留了,匆匆忙忙三步併作兩步走上去荷李活道,就來到第三處同屬古蹟活化項目的大館。



5:53pm │ 不太善忘的話可能仲記得基爾去年底才剛去過這幢舊中區警署參觀,因乜事咁快又來舊地重遊一趟呢?主要係上次因時間關係,有部份地方都沒徹底逛過,反正今次再來中環,就來個快閃補遊吧!上圖是路經洗衣場石階,可惜這天沒有放電影。



5:57pm │ 可能三日香熱潮已過,是日傍晚來到不太多人,當然也不用麻煩預約就可進場了。咁就趕快去看看上次錯過了的地方吧!上圖這條藝術味道十足的螺旋樓梯肯定是其中一處熱門打卡聖地……



6:05pm │ 位於藝方大樓裏的這條螺旋樓梯聞名不如一見,真係超多港女(其實也有洋妞)雲集selfie取景,基爾要影條完全無人的樓梯幾乎是不可能的任務(但影出來有點人氣也不錯)。



6:11pm │ 藝方裏其實也有不少展覽廳,藝術這家野自問當然不太懂欣賞,但巨大屏幕播出來的影像也甚覺有震撼力。展廳的空間也確實大,將來如辦更多藝術展,相信這裏是理想的場地。



6:15pm │ 唔識欣賞就不花太多時間逗留了,在展廳裏簡單逛過一圈就準備撤退。不過走之前還有個地方想去影陣相,就係藝方樓上這個觀景台,由這裏可以盡覽人來人往的大操場,天際線也尚算開揚,難怪咁多人會來憑欄傾偈chill一會。



6:20pm │ 最後返回中庭部份檢閱廣場,上次有來過影相所以例牌影多張到此一遊就走人,總括兩次參觀大館算是相當圓滿了。

55 則留言:

  1. 回覆
    1. 連香成日形住佢好污糟同埋亂,價錢又貴,所以只係路過居多無去幫襯過:P

      刪除
    2. 唔知係咪真係咁多人愛懷舊打卡呢??@@

      刪除
  2. 大館經常轉換展覽,值得久不久逛逛。

    回覆刪除
    回覆
    1. 佢啲展覽廳係幾大,值得物盡其用搞多啲唔同展覽

      刪除
  3. 昨天放工時我都在照片裡的石板街!
    因為公事要在那條街買野...
    好彩在下大雨前買到!
    哈哈!

    回覆刪除
    回覆
    1. Really.....好羨慕你返工放工都唔駛搭長途車咁舟車勞頓:P
      這幾天都天陰陰像初春梅雨時節涼浸浸的,你都要穿夠衣帶定傘咪大意^^

      刪除
    2. 咁。。你就錯喇!
      我係要舟車勞頓才返到公司的!
      但你又講仲另一樣...
      我真的冷病了,整整“昏迷”了一星期。。。
      :(

      刪除
    3. 喱排天氣變返涼真係要小心,我搭車都見好多人病,要小心身體!!
      有冇得放下假?有就疊埋心水在家休息叉足電啦^^

      刪除
  4. 大館我未去過, 石板街就有行。^^

    回覆刪除
  5. 而家大館咁熱門,想人少d去映像真係好難....

    回覆刪除
    回覆
    1. 門口啲實Q話閒日上午最靜局喎,想影下靚相不妨揀閒日去....

      刪除
  6. 對於Gael兄嗰啲後生仔就話一日可以跑幾場…假若森伯嗰類長者真係趕到氣咳兼斷氣…XXD
    雖然咁趕,但係感到圓滿已經好好…

    回覆刪除
    回覆
    1. 我仲以為森兄平日又要返工,放工又要趕返學,放假又要趕功課,咁一定已經訓練有數唔會氣咳添....XXXD

      刪除
  7. 我係石板街見過幾對影婚紗相嘅
    你好好腳骨力呢

    回覆刪除
    回覆
    1. 應該都多人鍾意揀哩啲懷舊景點喎........你地有冇興趣回來影輯^^

      刪除
  8. 呢段路如果係平路就簡單得多,但港島斜路多,其實行起黎如果加埋要揾路都唔容易呢!我未去過石板街,只係喺電視劇睇過咋。^^”

    回覆刪除
    回覆
    1. 我都覺斜路多,同埋啲街好窄,可能係因為中西區啲街多數係百幾年前起,以前無預咁多車.....
      咁下次回來可以同海豚先生一齊去影下相^^

      刪除
  9. PandaJoice:
    春節期間都去咗大館一轉,可惜有部分展廳唔開放。
    哎呀 ~ 唔記得去石板街影d織欄杆套添...

    回覆刪除
    回覆
    1. OIC~~~~!!咁都有可能,店主都放了長假吧:P
      咁有藉口再飛過來影下囉wakakakaka....

      刪除
  10. 你六點左右先到,真係純用盡時間到此一遊啊=P

    回覆刪除
    回覆
    1. 大館幾個月前才去了一次,所以今次只集中去逛上次沒去的賽馬會藝方果座building咋!^^

      刪除
  11. 大館好在耐唔耐都有新搞作,如果唔係行一次就悶.

    回覆刪除
    回覆
    1. 所以佢個藝方要搞多啲展覽,同埋洗衣房石階果度都可以播多啲戲^^

      刪除
  12. 回覆
    1. 唔駛啦依家都無乜人,閒日walk-in去應沒問題!

      刪除
  13. 如果係呢幾日天氣去咪唔會趕到出汗囉😝
    唔識欣賞就不花太多時間逗留了<--大家做得成卜友就係鍾意大家唔扮嘢,做自己😆

    回覆刪除
    回覆
    1. 又係喎,喱幾日天氣涼浸浸似回到秋天咁,都幾舒服,但下周又會熱返:P
      唔識欣賞我唔會夾硬寫識架喎,一陣寫錯咪仲核突......XXD

      刪除
  14. 冷織欄杆套勁可愛~
    又再睇多次一定好多野睇啦~
    羨慕你地有咁多地方參觀~

    回覆刪除
    回覆
    1. 好似定期有換新冷套的呢....
      主要係因為上次唔夠時間,所以今次補逛返個賽馬會藝方果邊:P
      澳門其實都有幾多嘢睇喎,濕扒又成日過去開騷呢XXD

      刪除
  15. 噢,好熟悉的石板街,留底無數腳毛。

    回覆刪除
  16. 就算唔影藝術展品, 影下高樓大廈都幾靚吖!

    回覆刪除
    回覆
    1. 幢古蹟本身都值得一遊的,好多人都係去逛逛影下相囉^^

      刪除
  17. 大館變成展覽館之後,我都未去過。有機會都要去懷吓舊喇。

    回覆刪除
    回覆
    1. 古蹟翻新過有不少值得參觀的地方呢^^

      刪除
  18. 呢度條螺旋樓梯的確出名...靚
    百聞不如一見,難怪咁多拍友
    嚟到呢度取景

    回覆刪除
    回覆
    1. 當天大館內已經唔算人多,但螺旋樓梯依然有唔少人在取景拍照呢:P

      刪除
  19. 大館不時換展覽,去開中環不妨去行下,可能有收穫!

    回覆刪除
  20. 早幾日經過中環諗住去行行,不過熱到出煙所以放棄@@

    回覆刪除
    回覆
    1. 過了佛誕應該算正式進入夏天了,熱都正常嘅!^^

      刪除
  21. 蓮香樓我有去食過 , 你講得冇錯佢給我的印象唔太清潔而且食物都是好一般 , 可能遊客鍾意古老食肆 .

    回覆刪除
    回覆
    1. 懷舊茶樓其實都仲有好多選擇嘅,可以揀啲唔駛咁逼咁墟陷又坐得舒服少少會好啲XXD

      刪除