2019年10月8日 星期二

雪梨盛夏光年@Bongil Bongil

來到Christmas Eve這天大清早醒來,同樣迎來藍天白雲的好天氣,預計town裏的商場大部份店舖都仍會休業中,所以也不急著駕車出外逛街,就悠閒地留在resort小屋裏hea陣吧!



住了數天的度假小屋好似都無乜點影相,就影幾張來留念。大鄉里基爾習慣窩居於老家,明顯不太多機會嘗嘗住大屋的滋味。先看房間,應比老家不少「開放式豪宅」還要大,樓底也高可以裝吊扇。



Boambee Bay和Coffs Harbour這一帶夏天也會超過三十度,但度假屋內即使沒有裝冷氣也不覺熱焗,開吊扇也足夠清風送爽。房內還有掛牆小電視,但基爾沒太多時間去看了。另外與大廳相連的open kitchen也非常大,除了有電磁爐和雪櫃外仲有焗爐和洗碗機添喎!



食了簡單早餐之後(沒拍照不記得食了什麼)又去度假村外走走,外面的小徑就長這樣!路邊有告示牌提醒住客這裏有好多當地野生動物棲息,基爾住了幾天就經常見有火雞和上圖這種Australian Water Dragon在小徑上散步,大蜥蜴還會爬到泳池邊晒太陽呢(都有點驚佢會游落泳池)!



行行下就行到來BBQ區,上圖的涼亭裏有齊燒烤爐和桌椅,不少住客夜晚會來燒烤作晚餐(但基爾也見過大清早有一家大細來BBQ作早餐)。不過這朝行過時竟發現有人冇手尾沒關掉燒烤爐就走了,實在有點危險!



晨早的後花園依然寧靜,可能大部份住客還沒起床吧!早上來網球場打波最好,因為旁邊的樹蔭正好遮擋了大太陽不怕太曬,正午後就咪搞了(但當地人似乎就完全唔怕曬一樣照打波)!



再行落去公眾沙灘這邊看看,雖然才不過朝早九點幾但原來已經有不少人全家出動駕車來玩足一整天了(部份燒烤爐可能要早一點來霸位甚至預早book),比度假村裏還熱鬧得多!



晨運hea行一圈之後見時間差不多,又行返小屋拎返背包糧水,之後又再駕車出動,先去上圖這個距離resort不太遠的森林公園逛逛!聽聞這裏的尤加利樹林會有好多野生樹熊棲息,不知有冇機會見到呢?



基本上都係沿住這條Walking / Cycling Track往森林裏走(因為驚會迷路),樹林裏的尤加利樹確實係超高大,樹上即使有野生樹熊也不容易察覺到。森林內除了有尤加利樹之外,仲有好多恐龍時代已生存的原生蕨樹,可說是植物界中的活化石。



看電視英文台的紀錄片話這些蕨樹的生長速度甚慢,可能要幾百幾千年時間才會長得咁高。記得在老家有時行山間中都會見到有蕨樹生長,唔知同澳洲這裏的品種係咪親戚呢?



行了大半個鐘都沒見到樹熊出沒,咁就算數啦可能聖誕節佢地都去了其他地方度假了!之後又駕車再去返海邊逛多一陣,漁人碼頭那邊可能會比較熱鬧一點吧!

50 則留言:

  1. BBQ作早餐^_^太豐盛啦,開放式廚房咁大咁齊全,有無用過煮食?

    回覆刪除
    回覆
    1. 當地人可能當係brunch咁食法,由九點幾燒到十二點一點,一路食一路傾下偈小朋友去沙灘玩完又來燒過^^
      有用廚房,多數晚餐都自家煮無出去食:P

      刪除
  2. 大蜥蜴還會爬到泳池邊晒太陽, wow, 咁有冇人敢游水呀?

    回覆刪除
    回覆
    1. 日頭人多時可能D大蜥蝪未必敢落水,只在旁邊晒太陽,唔知夜晚會唔會落水玩XXD

      刪除
    2. 驚佢會興奮得滯會咬人XXD

      刪除
    3. 星洲會唔會在動物園見過佢地?

      刪除
  3. 回覆
    1. 一般見佢地只靜靜爬在池邊花叢邊晒太陽,唔搞佢地應沒事吧:P

      刪除
  4. 若見到野生樹熊就好喇,可惜啊....

    回覆刪除
    回覆
    1. 可能在森林行到好入先有少少機會見到,行山徑兩旁應不易發現...

      刪除
  5. 回覆
    1. 而且應該都有好多影靚相位比你去發揮一下^^

      刪除
  6. 其實係咪冇乜本地人會嚟呢?因為佢哋要過節。

    回覆刪除
    回覆
    1. 應該都多附近Brisbane或Sydney駕車來度長假期的遊人....
      外國遊客似乎就不太多見!

      刪除
  7. 回覆
    1. 大蜥蜴和火雞白鴿果啲應入唔到屋....
      飛蛾烏蠅蜘蛛和蚊就少不免,但也不算多:P

      刪除
  8. BBQ做早餐,真是好豐富啊!

    回覆刪除
    回覆
    1. 一路食一路玩一路傾下偈,可以BBQ大半天呢^^

      刪除
  9. 這渡假區看來唔錯喎! 景色怡人! 真係渡假好地方!

    回覆刪除
  10. 隨時都會見到野生動物好驚喜啊~~可能晚間出動
    環境好舒服,

    回覆刪除
    回覆
    1. 不過大部份只是小型動物而已
      唔會有big five果啲XXXD

      刪除
  11. 提醒住客這裏有好多當地野生動物棲息---->這類渡假屋環境啱我。記得好耐之前去印尼,在一個小島都住一晚,又係有野生大蜥蝪的。

    回覆刪除
    回覆
    1. 咁會唔會見到科莫多龍?!

      刪除
    2. 印尼大城市係咪都會好塞車?環境如何?

      刪除
    3. 唔係科莫多龍呀,科莫多龍連鹿都捕食兼有毒,如果個島有科莫多龍,旅客本身都會有危險的。

      記憶不清晰,但印象中唔算好塞車。

      刪除
    4. 咁都幾犀利,始終是野生動物,離遠看看就ok了!^^
      印尼我也沒去過,都是從電視的旅行節目看過一點點
      食方面感覺上無泰越馬咁豐富

      刪除
    5. 看旅行節目見印尼多炸物食嘢唔太啱我:p

      刪除
  12. d 鬼佬真系超中意曬太陽,曬到甩皮中更加開心...

    回覆刪除
    回覆
    1. 可能佢地比較鍾意親親大自然!^^

      刪除
  13. 周圍環境都好清靜, 生態又好, 特別响往。

    回覆刪除
    回覆
    1. 是個度假的好地方!^^

      刪除
    2. 近期Hk天氣也不錯適合去行山享受大自然

      刪除
  14. 好怕爬蟲類,見到會掉頭走😥

    回覆刪除
    回覆
    1. 掉頭走都啱嘅!
      盡量不干擾牠們的生態就最理想^^

      刪除
  15. 夏天聖誕真係意想不到,雖然現在冬天都唔凍,我住的地方同你去的Resort有D似,蜥蜴,猴子,野豬成日都見

    回覆刪除
    回覆
    1. 南半球就是夏天過聖誕了^^
      對!以前十月都開始轉冬季校服吧
      依家完全不凍可以不用換季了XXD
      可以親近大自然也不錯
      最緊要唔好入屋就ok

      刪除
  16. 森林內恐龍時代已生存原生蕨樹是植物界中的活化石
    尤加利樹超高大
    不易察覺野生樹熊

    回覆刪除
  17. 晨早的後花園依然寧靜,可能大部份住客還沒起床吧!早上來網球場打波最好<---呢句幾得意,打波卜卜聲迷嘈親未瞓醒嘅人?
    另外,我好喜歡你Hea陣嘅百無聊賴心情

    回覆刪除
    回覆
    1. 有些可能還沒起床,但有些也可能已經出外活動了吧!^^
      球場果邊比較近會所,附近唔算多度假屋,應該都唔算太應聲吧!
      至少我住果邊就不太聽到卜卜聲XXD
      可能年代唔同咗心態也不同了,去旅行也是放假吧!盡量去放鬆心情悠閒享受放個長假其實也不錯呢!

      刪除
  18. 這裡居民好識享受大自然,最怕見到蜥蜴樣子好凶惡

    回覆刪除
    回覆
    1. 澳洲勝在大自然資源豐富要好享受下^^
      蜥蜴-般唔騷擾佢地各有各享受大自然都問題不大嘅

      刪除
    2. 近排仲有冇四圍發掘下大自然靚景?

      刪除
    3. 沒有呀,近年來好懶,衹是掛住食.

      刪除
    4. 間唔中你地都有去深圳行下喎^^

      刪除
  19. 澳洲的地方大,當然住的面積都大過香港好多...

    回覆刪除
    回覆
    1. HK人口實在太密集了,世界排名都算數一數二吧:P

      刪除