2015年1月11日 星期日

2014古都瀟瀟@閃飛KIX

由北京趕返來香港,隔個夜之後又要趕返出機場,真係從未enjoy過出機場多過出旺角的興奮感覺!



去北京那次天矇光就要出門口,去日本喱次就可以hea一點下晝先上機。在機場巴士上也沒瞌眼訓,過青馬大橋時還記得補影返張出發相;仲有就係上次唔記得影機場大堂喱棵鵝仔牌巨型聖誕樹,反正今次有大把時間即刻去補影返。



由於有人話唔想坐HK Express要坐ANA(HKD$3,273連稅),咁飛大阪關西機場就只有三點幾喱班機,飛到去其實都驚會有點晏……anyway,例牌菜要影入閘口,不過今次有點不同,入閘告示牌上貼了聖誕裝飾,又幾cute幾靚喎!



可能晏晝機關係所以班機唔算太full,平時基爾多愛坐aisle seat,喱次都特登竄去窗口位睇起飛,真係好耐無睇過香港鳥瞰景了,唔駛「航拍」親身飛上天睇好爽好正,尤其認得下面係咩地方就更正。上圖右是東九龍紅磡灣九龍城一帶,上方仲睇到一山之隔的沙田城門河呢!



唔駛講ANA比國航好得多,至少有架私家電視先啦!而且D戲選擇都多,最新是《The Expendables 3》,不過睇了20分鐘開始無乜耐性睇班老人家,轉台睇了後生好多的《The Maze Runner》,不過其實個故仔同樣唔太吸引(反而回程時睇了《If I Stay》算叫做好睇D無咁悶),咁唯有集中精神食野啦!有人話ANA個餐好味,不過基爾覺得都係好一般而已無乜驚喜,只有個冷麵係比較ok。不過由於關西落機後要直飆去買pass搭JR極速趕去京都,中間不設dinner時段,所以點都要在機上先質飽個肚為妙……

88 則留言:

  1. 鵝仔牌巨型聖誕樹一的聖誕氣氛都感受唔到。

    回覆刪除
    回覆
    1. Stella:佢今年應該係走型格路線吧XXD

      刪除
  2. 棵樹都OK,簡潔!
    等待下幾回!!!

    回覆刪除
    回覆
    1. 摩:同一般傳統聖誕樹唔同,都幾型丫^^
      聽聞阿摩係咪農曆年出發?

      刪除
    2. 摩:玩得happy啲~~~~唔知會唔會見到落雪呢?

      刪除
  3. 睇住基sir的開場白先,詳細代表你對呢個旅程的喜歡程度,亦係懂得慢慢欣賞每個細節的味道。

    回覆刪除
    回覆
    1. JJ:其實旅程無乜特別,純粹係因為無乜旅行去所以喱個預計寫足一年,要連打個乞嚏都要寫埋出來,先至可以夠長拖足咁耐寫之嘛kakakakaka
      如果去羅尼馬亞我肯定寫得長過去俄羅斯咁寫足三年XXXXD

      刪除
    2. 羅尼馬亞呢幾個字,你提左n次喇!基sir真係好想去羅國嗎?

      刪除
    3. JJ:梗係想~~~~東歐好多地方未去過!!
      今晚早D訓發下夢先^^

      刪除
    4. 東瀛好多女神喇!你年年去朝聖,邊夠假期去東歐吖!

      刪除
    5. JJ:假期經常都有大把~~~~~~主要問題係盤纏不足!!!!><

      刪除
    6. 做完基太郎就梗係盤纏不足喇!又或者你想儲錢買磚頭囉!kaka.

      刪除
    7. JJ:買磚頭用來起個爐燒野食就得!!!XXD

      刪除
    8. 磚頭多到剩,仲要起個爐燒野食添!基爺真係大腕。

      刪除
    9. JJ:用來掟人都得,你係咪想試下XXXXXXD

      刪除
    10. 我唔會拿磚頭掟人,乜你咁殘暴o架!

      刪除
    11. JJ:咁JJ一定收埋好多磚頭唔捨得掟貨啦kakakakaka

      刪除
    12. 唔該用腦喇!講左好多次話:行比衣食住重要o架喇,磚頭係c嘅,經歷先至一生受用。咁呢個世界好多人排嘅次序唔同嘅!

      刪除
    13. JJ:嘩~~~~~咁你即係話月薪37萬果位「長官」係唔用腦返工啦,佢成日話解決磚頭問題係重中之重喎XXXXXXXXD

      刪除
    14. 你咁都得喇!指名道姓話人o個個係你呀!又拖其他人落水喎!又斷章取義喎!又胡思亂想喎!又傳遞錯誤喎!唉....

      刪除
    15. JJ:做咩呀你?!!!驚阿「長官」會封你blog咩?定還是驚佢派KGB來打JJ一身kakakaka....

      刪除
  4. 當年我去 Osaka, 係坐印度航空呀, hehe

    回覆刪除
    回覆
    1. Ahmo:咁又幾特別喎!!多唔多印度人去日本?
      我只知日本人係幾鍾意去印度....

      刪除
    2. 都有印度人架
      佢地D服務態度, 我諗要搵印度劉華教下佢地

      刪除
    3. Ahmo:如果有印度劉華都唔錯喎,唔知會唔會唱歌和跳返part舞XXXXD

      刪除
  5. 入閘告示牌上貼了聖誕裝飾,咁得意架)))))))
    HK Express其實唔差^^

    回覆刪除
    回覆
    1. Yan:我之前無留意農曆年復活節端午節中秋節會唔會有,今次我都係第一次有留意覺得幾特別!!!!
      下次如果你地係節日出埠不妨留意下,影畀我睇^^
      我覺得唔差架,反而ANA回程果班機實在太早了,有點兒無癮><

      刪除
  6. 冇dinner都唔食吓d火車便當?

    回覆刪除
    回覆
    1. 王子:唔見有得賣喎,可能已經成九點幾十點,賣飯阿姐都收咗工吧
      同埋我覺得火車飯唔好食,忍陣口囉

      刪除
  7. 三四個小時的機程,我都唔介紹坐廉航,總之邊間時間好,邊間平為首選。

    回覆刪除
    回覆
    1. Samwei:係呀我都覺得時間好和平啲就OK,反正飛機餐我完全無乜太大期待,總覺得除非係坐First Class或者Business會好少少之外,如果係坐econ我覺得基本上坐乜航都無乜大分別(都係麻麻地)><
      而且反正依家機場咁鬼多lounge,咪食飽先上機囉^^

      刪除
  8. The swarlovski christmas tree is beautiful.

    回覆刪除
    回覆
    1. Ray:我覺得同你一樣,都幾有style丫^^

      刪除
  9. 回覆
    1. Wan:如果仲後生的話都想喎,或者去做空少都唔錯kakakaka

      刪除
  10. 出機場多過出旺角 -- hahahaa, happy problem !

    回覆刪除
  11. 個登機閘口好靚呀~~
    我係ana飛機餐忠粉....因為食過其他歐洲中東台灣航空太多.....呢個真心算最好食~~~~~(可能口味問題...我真係頂唔順中東飛機餐~~)...如果歐洲既航空我暫時都係覺得法航最好食~(因為有香檳飲~~好high~~)..咁當然我仲有好多未坐過~~~~~講起飛機餐我就好開心~~~我係飛機餐忠粉~~我係咪好怪呀gael~
    我都好耐無去過大阪喇~~等你遊記~

    回覆刪除
    回覆
    1. Tiffany:所以依家廉航咁受歡迎囉,因為反正D飛機餐都係難食,咁不如索性叫佢地慳返,寧願機票再D平,如果驚肚餓就先在機場食飽先上機啦,而且多數係D短途機而已!!
      法航我又未坐過喎~~~但記憶中飛歐洲都係超辛苦!!中東都坐過一次但已經無乜印象,好又一餐唔好又一餐啦kakakaka
      我要求不高其實ANA個餐都OK,冷面好食,不過我唔鍾意佢回程班機實在太早,可能要遷就D日本人來香港吧!

      刪除
    2. 哈哈~長途我真係頂唔住無野食~~試過食完個餐一陣又叫肚餓~~我真係變態~~~廉航我都成日買~~~就係貪平~就好似今次去台灣真係第一次試過咁平~好開心~
      但係呢~~d中東機既飛機餐...如果係小食哥d呢..有時係騷味包...堅難頂~~~~~
      大阪番黎回程好早架??我次次係東京番黎都係夜晚6點機~

      刪除
    3. Tiffany:唔係變態,應該係食得是福kakakaka
      你去台灣的機票直情抵到爛啦^^
      咁唔知有冇杯面提供?我寧願要杯面算:P
      夜晚6點正丫,有多大半日可以浮游下好好多!!!!

      刪除
    4. 哈哈~我真係好鐘意食野~~~~
      我都想之後再搶到平機票呀~~~~~
      有d有架~可以問佢攞~但我記得芬蘭航空要俾錢的~
      都係架~~~如果唔係既話就即係最尾哥日無得玩~

      刪除
    5. Tiffany:睇你blog已經知~~~~kakakaka
      買到平野抵野著數野真係特別開心架^^
      好心咁大間航空公司就唔好收人杯面錢咁濕碎啦!!@@
      早機返總覺得係好無聊似的:P

      刪除
    6. 所以咪咁大隻囉~
      無錯~開心過買貴價名牌野~
      我都覺得係...兩餐中間肚餓如果唔係好似我咁大食都唔會肚餓啦XXXXDDDDD...一個杯麵好少錢JE~~~~
      係呀...無啦啦無左成日囉..

      刪除
    7. Tiffany:都唔係丫,好標準hahaha
      睇見人地買到平野都開心^^
      係呀咁大間航空公司就無謂同乘客計杯面錢啦,況且又唔係人人都要食,唔太影響營運開支吧!
      對,總係感覺有D唔抵咁早返XXD

      刪除
    8. 你人真好~
      咪係咪係~如果你係航空公司高層就好啦~~~~~~
      人地等緊你出新篇呢~~~~

      刪除
    9. Tiffany:其實我諗喱D野,年薪百萬果D高層應該一早諗到啦!如果連杯面都計較,不如索性轉營搞廉航算吧啦kakakaka...
      出咗啦,你冇去留言?

      刪除
  12. 基爾大大就快坐飛機多過坐巴士 :D
    我都想坐ANA><佢係我最like既其中一間航空公司(未坐過@@)

    回覆刪除
    回覆
    1. Chung:咁又唔好喎,其實我最鬼怕就係坐飛機,所以最希望科學家快D發明叮噹隨意門XXXD
      咁下次不妨坐下啦,比其他貴幾百蚊啫

      刪除
  13. 個飛機餐就算唔好食都起碼好睇得;美國啲飛機餐如果唔係餓到返肚我都唔想掂;真係勁難食㗎!!

    回覆刪除
    回覆
    1. Hamby:其實個飛機餐係ok,唔難食架,我都覺得比好多其他航空公司好了^^
      美國果D我都有聽聞,似乎都幾令人聞風喪膽的呢kakakakaka
      所以我咪話不如叫D航空公司無謂浪費食物啦,整到咁難食實在係浪費地球資源唔環保><

      刪除
  14. 我喺個對飛機餐無乜要求嘅人!:P
    冷麵看來不錯!

    回覆刪除
    回覆
    1. Kaka:我都無乜太大要求,但求唔太難食可以入到口唔會浪費咗就ok!!!!XXD
      冷面係亮點,如果有雪糕更佳kakaka

      刪除
  15. 回覆
    1. Kamchoa:一個旅程結束又係另一個的開始^^

      刪除
  16. 嘩,又去日本!真的百去不厭吧?講到機上睇電視,不得不讚 Emirates,選擇前所未見地多,單是外語片就幾百套,更莫說其他大路 genre!

    回覆刪除
    回覆
    1. Desa:唔想諗丫嘛kakakaka
      咁Emirates啲飛機餐又得唔得?

      刪除
  17. 我喜歡閃飛KIX這個標題~哈哈哈
    這個週末我也要飛日本 不過不是閃飛啦 hehe

    回覆刪除
    回覆
    1. 恩:多謝你喜歡,證明我啲功力無退步kakakaka
      依家去應該仲有big saleXXD
      飛NRT?^^

      刪除
  18. 京都!好耐未過啦!好想去呢!

    回覆刪除
    回覆
    1. Lam:去睇櫻花我諗幾靚,不過應該會好多人同好鬼貴:P

      刪除
  19. Geal兄真唔好彩!呢三套都係悶嘢!

    回覆刪除
    回覆
    1. Teddy:移動迷宮好多人話好睇,但我完全唔識欣賞><
      不過可能在戲院睇,視覺效果會好好多,但我在飛機個mon仔睇就完全唔吸引,悶得發慌XXD

      刪除
  20. ANA個餐已經好食過CX好多啦,而家我坐CX一定食飽先上機!

    回覆刪除
  21. Emirates 飛機餐惦呀,不過我叫開東方素食,其他航空公司一般做得好差,當中以 QF為首(難食),Emirates已經算是驚喜。

    回覆刪除
    回覆
    1. Desa:澳航不嬲都係唔好,又貴;最衰依家連維珍都唔飛澳洲,無晒競爭和選擇!!

      刪除
  22. 現在飛機上沒有什麼好戲可看.

    回覆刪除
    回覆
    1. Andrew:所以有時睇下啲短劇sitcom果D仲好,至少有得笑下kakakaka!!!!!
      我比較辛苦通常都訓唔到,長程機更慘,有時又未必有帶書,所以被逼都要睇下D無聊戲:P

      刪除
  23. 飛機餐樣子都唔錯喎 , 我覺得好過 x 泰 .

    回覆刪除
    回覆
    1. Ak:CX好多人都話佢差,我就覺得一般,可能無乜期望吧XXXD
      可能我搭過好多更差更不堪的,所以覺得CX已經算有良心了kakakakaka

      刪除
  24. 真係從未enjoy過出機場多過出旺角的興奮感覺 = =
    這句話有一點:P

    回覆刪除
  25. 喼都唔使執又出發真開心呀, 冬天的京都很美吧, 又有靚相睇喇!

    回覆刪除
    回覆
    1. Rity:其實都要執架,至少換下D衫啦kakaka
      我未試過其他季節去,不過冬天去感覺都ok,遊人不算墟冚

      刪除
  26. 從空中望向地面,感覺相當有趣,
    個個餐其實都係咁上下,叫做醫下肚囉!

    回覆刪除
    回覆
    1. Andy:我覺得喱個航拍幾靚kakakaka
      我也沒太大期待,所以就不太失望!
      不過太難食就唔好,始終如果大部份人都唔食就浪費了食物,不環保!!無謂整出來浪費地球資源啦XXD

      刪除
  27. 哈哈, 你都真係閃得好勁喎!! 快啲出遊記啦!!

    回覆刪除
    回覆
    1. 蜻:已經寫緊啦:P
      不過無你果D紅葉咁靚架喎!!

      刪除
  28. 好正呀基爾,飛來飛去~

    回覆刪除
    回覆
    1. 銀:唔及你果啲啦飛親都係正野^0^

      刪除
  29. 又係日本呀 ~~~
    恨死人咩 ~~~

    回覆刪除