2015年7月7日 星期二

2014古都瀟瀟@東本願寺

不經不覺這次關西的古都之旅終於來到了尾聲,翌日大清早就要坐ANA返香港,所以必須好好善用這趟旅程的last day。



老土都要講:一日之計在於晨!美好的一天就由美味早餐開始……本來打算再落酒店樓下商場果間CAFE Lab.安哥佢個brunch,不過聽友人話Inter-Con個早餐buffet幾多野食而且只係HKD$120左右,咁一於去佢個lounge試下啦!由20樓落地玻璃望出去個大阪skyline超靚,日式西式早餐適隨尊便而且選擇多,最正係buffet可以盡量食飽D(因為這天將要行好多好多路)。



順帶一提係lounge裏其中一個唔記得係pan cake定拉麵攤檔裏遇上一位香港廚師,與他傾了好一會偈,原來佢來大阪工作也有幾年了,大多數人應該很羨慕能在日本打工吧!但他說其實人工與香港差不多,平時除了返工外,生活也有點悶(很少機會去周邊地區遊玩),純粹是賺取在外國5星酒店工作的經驗而已!



尋找完他鄉的故事之後,食到飽一飽就拿拿林出發了,這天是「分頭行事」各自各精彩的日子,友人將會整天留守大阪大本營繼續意猶未盡的全天候血拼;基爾昨日追隨shopping兵團大半天已買夠了,喱日選擇做獨行俠,搭JR返去京都盡情享受一支公的「古都闖蕩」。



出發時大約10:30am,已過了朝早返工的rush hour,在偌大的火車車廂裏突然感受到久遺了的「一人遊」的閒情與寧靜,唔駛掛住七嘴八舌同friend傾偈之餘,專登選了駕駛室後的企位角落,仔細欣賞窗外游走的每一幅美景……原來大阪與京都之間的郊區依然保留不少大片小片的農田!



搭的雖然不是特急列車(貪佢中途停多幾個站),但全程也不過45分鐘左右,又回來了熟悉的京都驛。一出火車站就見到之前住了兩晚的Granvia,酒店對面就是Kyoto Tower(之前在深夜食堂遇上的港人母子就住京都塔下面這間酒店)。看地圖沿住京都塔旁的烏丸通行10數分鐘就到東本願寺,完全唔駛搭車,就先去那裏看看吧!



說京都是五步一寺院十步一神社也沒誇張,古蹟大多都有逾五六百年歷史,除了比較多人去的金閣寺銀閣寺清水寺之外,下京區的東西本願寺也頗具規模。17世紀初由於淨土真宗教派分裂,屬大谷派的東本願寺創建於1602年(中國明末時代),上圖是寺外的護城河。



東本願寺在江戶時期曾4次遭火災焚毀,現存寺院主體建築為明治時期(1892年)重建。雖然東寺的歷史比西寺短,但建築規模卻有過之而無不及。上圖是甚具唐風的御影堂門,雕樑畫楝和金箔裝飾都保存得完好無缺。



日本人參拜寺廟前總愛先洗手漱口,正門內大多設有不同型式的小水池,上圖的銅龍龍口就是東本願寺的泉眼。這天不知是否日本假期,見唔少日本人一家大細來到寺裏遊逛。



東本願寺最主要的建築群就是上圖左正在維修的阿彌陀堂和右旁的御影堂。阿彌陀堂由於已圍上了巨型圍板和布幔,無法入內參觀,那就先去看看御影堂吧!



東本願寺的御影堂其實也大有來頭,據聞是現存世界上規模最大的單幢木結構建築,基爾由南端走到北端感覺上超過100米,置身其中似乎真係覺得大過故宮的乾清宮……



御影堂裏面的空間都係超大,只有五六位善信坐在地上參拜,靜靜地祈禱,與中式的香火鼎盛人頭湧湧的寺廟有很大分別,四周環境感覺反而似回教的清真寺多一點。上圖是描繪17世紀東本願寺初建時的古畫。



上圖是御影堂裏其中一part善信祈禱區,由於裏面真係靜到跌眼針落地都能清楚聽到聲音,所以基爾也不敢太打擾,只停留片刻而已。照片中可見善信大多都是在堂裏的榻榻米席地而坐禱告……



基爾還是到堂外的木砌長廊影幾張相留念算了,由於御影堂內所有木地板都是有幾百年歷史的古董,遊客在範圍內都要脫鞋,好似之前去姬路城參觀時一樣,要自己用膠袋挽住對鞋四圍走。



御影堂外其實仲有幾處木建的亭台樓閣值得一看,很佩服古人的樑柱榫卯和斗拱建築技術,即使在經常發生地震的日本依然可以屹立幾百年不倒,非常犀利。



在東本願寺行一圈後,沿寺旁的七条通走幾個街口,向西本願寺出發。沿路見有唔少西式舊別墅,可能是昔日的大使館又或是有錢人的宅第,現時部份已活化為迎賓館,上網check過才知原來上圖這間是熱門的婚宴擺酒場地呢!

70 則留言:

  1. 原來你係京都住granvia呀~我係住你對面既new hankyu kyoto~~~~~
    我係大阪反而住granvia喎~~~~我覺得d房幾乾淨~~~地點又方便~唔錯~
    咁叻既自己一個番京都行~~~~其實我都幾鐘意京都~搭巴士都好方便~

    回覆刪除
    回覆
    1. new hankyu kyoto咪就係京都塔隔籬果間?!!應該都幾好呀,好近巴士總站好方便出入....
      granvia唔錯呀,至少間房夠大啦^^shopping完唔驚無地方執篋kakakaka!!!
      京都唔難,巴士去到所有寺院景點,買day-pass都抵玩

      刪除
    2. 係呀~就係個塔隔離~~你好叻~~~
      我地大阪間房都唔錯呀~~~~總之乾淨就最重要~不過其實大阪d房都大過東京哥d好多囉~~~
      係呀個一日巴士證真係好抵

      刪除
    3. 對呀,乾淨企理係基本,如果出入方便更佳,大少少可以開到篋就perfect~~~!!kakakaka....
      如果諗住去三四處地方以上,買巴士day-pass方便又抵啲!!

      刪除
    4. 咁granvia d地點真係絕好....大阪佢又係大阪駅上喎!!另外兩個團友都話我揀得好~
      我地係懶到因為有巴士卡所以係嵐山公園去竹林都要坐巴士~~~~

      刪除
    5. 有買巴士卡梗係盡搭啦^^
      竹林靚唔靚?
      酒店近火車站出入方便好多~~~~

      刪除
    6. 無錯~~~~
      靚呀~不過好多蚊~
      係呀我地大阪駅仲要超多餐廳食飯~

      刪除
    7. 咁又係喎,我去竹林果陣只有三四度一定無蚊:P
      有冇食果間Lab cafe?
      仲要係超多商場,有冇去掃貨^^

      刪除
  2. 回覆
    1. 我鍾意睇啲古蹟古寺,所以幾啱我^^

      刪除
  3. 食早餐buffet咁識嘆:D
    話時話我都曾經路過東本願寺,不過就冇入去,走左寶啦>.<
    睇相都感覺到成座建築結構好宏偉,置身其中一定震撼好多~

    回覆刪除
    回覆
    1. 食一餐當兩餐架啦,可以食飽啲嘛hahahaha....:P
      都值得入去睇吓,御影堂真係好大間,唔怪得話係現存世界最大木建築,我覺得大過故宮個金鸞大殿!!!
      西本願寺好似係前年維修,依家輪到東本願寺

      刪除
  4. 一個人在途上,且自逍遙沒誰管……

    回覆刪除
    回覆
    1. 其實~~~~有人care都開心嘅!!!
      逍遙遊過後,間中也可能會有點落寞吧:P

      刪除
    2. 有時啦!不過,世事不會事事如人意!所以也不當一回事。

      刪除
    3. 自己覺得ok都無問題嘅^^

      刪除
  5. 我未到過大坂,分享吓都唔錯。

    回覆刪除
  6. 回覆
    1. 闊少唔係應該坐私人飛機住明星resort㗎咩XXXXD

      刪除
  7. 選擇做獨行俠...有古古猾,係唔係去會佳人?

    回覆刪除
    回覆
    1. 無錢shopping咪自己去周圍行下囉:P
      如果你喺度我一定去會一會kakakakakaka.....

      刪除
  8. 東本願寺建築真係非常宏偉!

    回覆刪除
  9. 基太郎邊會做獨行俠呀!有阿嬌陪住就真!kaka.....

    回覆刪除
    回覆
    1. 邊個阿嬌?你唔好嚇我喎,你見到有嘢咩?!!!><

      刪除
    2. 你收埋左就以為人地唔知呀!

      刪除
    3. 你講床下底收埋果D?XXXD

      刪除
    4. 櫃拍後尾枕講左出尼喇!

      刪除
    5. 我以為你對CD和郵票係零興趣...:P

      刪除
    6. 哇!10日喇懶基,得閒偷睇人地blog,都唔寫自家出品?

      刪除
    7. 我唔係偷睇㗎喎,係明正言順正大光明咁睇@@
      咪post咗囉,你都未來睇.......

      刪除
  10. 有些外國生活的體驗,應該了解那一位香港廚師的感受。
    有時,獨自體驗的旅遊也實在不錯。

    回覆刪除
    回覆
    1. 間中做下獨行俠也不錯吧^^

      刪除
    2. 就是那一種自由自在的感覺!

      刪除
    3. 平時係咪無乜自由?kakakaka....

      刪除
    4. 哈哈哈,在香港,老闆、同事、下屬、朋友、親人、路人甲乙丙,都想控制全人類,您話呢?

      刪除
    5. 咁好彩仲有寫故事的自由^^

      刪除
  11. 日本的古舊建築物好幽雅, 雖然市內都有時代感的建築,但融合在一起又感覺幾自然~~

    回覆刪除
    回覆
    1. 我覺得日本啲古城保育得好好,人哋係好有方法點樣將新科技融入去而又唔會覺得突兀囉....

      刪除
  12. 你這個旅程都去了很多地方呢!

    回覆刪除
  13. 咁幽靜嘅文化, 愈睇愈唔明白點解安倍晉三班友咁好戰.
    基哥回應Kei Au話少出門, 我差D忍不住笑出嚟.

    回覆刪除
    回覆
    1. 日本人不嬲都係好有兩面性格㗎喎hahahaha....
      真係好少㗎,一年都未必有一次外遊,依家越來越懶:P

      刪除
  14. 上次玩京都住東本願寺附近, 每日都係過門而不入, 睇左你啲相就當自己去左算喇, 哈哈!!

    回覆刪除
    回覆
    1. 其實都差唔多影晒畀你睇啦,可以當自己去過了^^

      刪除
  15. 回覆
    1. 如果鍾意睇古蹟,京都確是不錯之選

      刪除
  16. Gael, 好喜歡你d合併相, 整得好靚 ^^
    宜家香港物價好高, 日本五星級酒店自助早餐120蚊, 真係試得過

    回覆刪除
    回覆
    1. 多謝你,希望不會嫌太細張:P
      香港依家出街食飯好貴㗎,大記都四五十蚊個lunch啦

      刪除
  17. 京都人有京都人文化, 跟北京人文作為歷史久遠的古都, 淳樸簡美, 京都人大多都是和善有禮. 有點懷念那裡的人和物

    回覆刪除
    回覆
    1. 係呀鍾意睇歷史文化嘢都會愛上京都^^

      刪除
  18. 哈哈~唔怪得你唔覺有蚊~我哥時超多蚊~~~~~隻腳一唔郁就有野嬲~~~
    我無試過呀~~~好好味架?
    有人有掃貨~我就少少買je~

    回覆刪除
    回覆
    1. 係呀我冬天去又唔覺好多蚊,不過夏天多都唔出奇,始終係多草叢,你搽定蚊怕水囉~~~
      ok啦,算係抵食㗎!!
      陪人掃都開心嘅^^

      刪除
  19. 最後一日通常係豪D,食過貴早餐都值~
    一人遊,正!

    回覆刪除
    回覆
    1. 都會嘅,因為唔駛再餘留D咩其他特別洗費丫嘛^^
      你果D咪仲堅kakakaka...

      刪除
    2. 真心覺得堅㗎^^
      希望你個blog可以update密少少,雖然我明你係好忙嘅:P

      刪除
  20. 自己一人行 , 很隨意舒服 , 哈哈如果冇蕩失的話 .

    回覆刪除
    回覆
    1. 可以隨意D囉
      唔驚蕩失㗎喎,可以問下人問下路丫嘛^^

      刪除
  21. 京都, 很適合一個人去閒逛, 似乎隨意走走, 都可以找到拍攝的題材 !

    回覆刪除
    回覆
    1. 係呀交通相對上較簡單,巴士已經去晒想去的景點,鍾意影相的又多古蹟影,是個不錯的旅遊城市

      刪除