2016年3月8日 星期二

御前大江戶@觀塘

很久沒寫blog似乎有點生疏,就索性隨意一點一切從簡吧!



這碼頭應該不太多人會記起它,基爾不是第一次來,卻是首次搭這條歷史悠久又似是被遺忘了的航線……



這個周末下午早收工得閒無聊就來試搭一下,由於早知航班疏落,事先已上網check好船期表以免等到發慌……沒記錯這是4:30pm的航班(連影相也生疏了,手指頭也入鏡)。



由於乘客不多,渡輪也不似天星咁大,如果有搭過馬料水出塔門或油塘鯉魚門出東龍島之類的街渡,大概就是那類小型渡輪了。



記憶中大約半小時才有一班船,在今時今日爭分奪秒時間就是金錢的世代,當然難以與地鐵隧巴競爭,不過基爾就是喜歡這份閒悠感,間中要讓時針撥慢一點點!



碼頭的候船大堂也真夠大,比舊灣仔碼頭和尖沙嘴天星還要大,也可能因為人實在少,令碼頭更顯昏暗冷清(好多地方都沒開燈)。上圖是遠處九龍與港島交匯的「海峽」,很少機會從這角度欣賞維港。



碼頭候船大堂本來也有影相,不過實在太暗又有點鬼影幢幢,基爾問八達通閘口打躉的大嬸這裏是否搭去觀塘,大嬸也只是木無表情地點一下頭,真的很有點拍鬼片feel……上圖是另一處比較新鮮的角度,第一次從這裏看啟德郵輪碼頭。



從船裏看船外,別有一翻景緻。候船的乘客也不多,每人都獨自在暗處裏默不作聲,部份看手機的反映出一張白臉,驟眼看有點嚇人,也沒人說話傾偈,除了碼頭外傳來的海浪聲,靜得連一元半角掉到地上也聽得見。



觀塘這邊也是個規模頗大的碼頭,但超過七成空間已落閘封閉,可以推想昔日六七十年代全盛時期這裏有多繁忙墟陷,日月浮沉間卻已變成現在這個垂垂老去的伯伯!



幾乎忘了拍一拍小渡輪的模樣,係咪好有點離島小輪的味道?另一點小意外發現是,乘船的十多個乘客中大半也是年輕的哥們,初頭還以為多是整天時間多得沒處花的大叔大嬸婆婆。



時間最多得沒處花的可能是基爾,在碼頭邊無聊蹓躂之際,竟還有個小確幸:碼頭近岸的海水(不是眼花吧)竟清澈可見低,唔怪得咁多人來釣魚,還見到有約尺餘長的不知名魚類在游弋,水質媲美離島海岸,神奇!



碼頭外依家新建了一條長長的行人天橋直通到工廠區裏,這就方便得多了,以後收工有空也不妨多選這條「慢活」路線,一場來到也可順逛工廠區裏的outlet,之後才去會合友人開餐。



不可不知是工廠區裏不少新建商廈商場都連接上不少「秘道」,方便直達鄰近地鐵站的apm,這次覓食地點就在隔籬的亞太中心。上圖這個刺身拼盤本身不特別,最搶眼是那些拌碟的塑膠金魚草裝飾,有點驚佢會否每次都清洗才上桌奉客呢?



日式放題這類食店多不勝數,這間去年開張的最大賣點就係夠大,店內樓面真有一般茶樓咁大,不過依然是限時2.5小時,眼見就不太覺有「二輪客」跟本毋須急於趕客埋單咁掃興。上菜速度也略慢常有「滯後」麻煩(剔紙遲遲不來以為漏單,再剔結果就來了雙份),食到中後段已有九成飽的基爾本來已少食炸物,但見上圖右這一大盤東西上桌時也真有點頭痕,不過平心而論其中一款紫薯餡的炸丸都幾好食,即使極飽都試食了一個。另一亮點是甜品,有HD雪糕和任食的雪米滋。

p.s.第一次用photoshop裏那個merge相成為panorama的功能(不是新野),發覺效果比手機的panorama mode更佳,以後可以多嘗試了。

御前大江戶日式料理 Gozen EDO Japanese Restaurant
觀塘觀塘道414號1亞太中心8樓

78 則留言:

  1. 間中搭船看海不錯, 香港細就算搭錯了船, 也不會迷失異地的! :D

    回覆刪除
    回覆
    1. 都啱,不過唔想再花時間搭車返回原定地點,都係問清楚好一點以免擺烏龍XXD

      刪除
  2. 哈...以前做跑腿,哩個小輪時常坐過去北角,
    工場搬咗,觀塘巳近兩年無去過,以前每天返工地方,現有生疏感,近年又有不少新建商厦,食店多咗好好,哩間麻麻喎。

    回覆刪除
    回覆
    1. 我覺得喱條航線好坐過中環尖嘴,至少有15分鐘可以hea下望下個海^^
      對呀果區正逐步蛻變,多咗好多office同新食肆!
      喱間就一般啦,如果出入開果一區都不妨一試嘅,但專登去就無謂喇,畢竟依家喱類日式放題周街都係,選擇多競爭大

      刪除
    2. 哩區搞手作仔啲人全部都因貴租趕走哂,取而代之啲食肆,越走越高級!

      刪除
    3. 係呀我諗依家真正做工場或廠的工廈唔多囉

      刪除
  3. 觀塘D路唔易行, 返工時扭過腳N次, 因為要著高跟鞋返工 T-T
    我只係觀塘坐過一次船去西灣河

    回覆刪除
    回覆
    1. 咁又係喎,工廠區某啲路都幾爛....咁有冇試過斗零踭攝入渠罅XXXD
      有呀,係咪去東龍島果架船?

      刪除
  4. 終於出blog喇, 好睇喎, 寫密啲啦 ^.*
    未搭過呢條航線, 真係幾有離島感覺。
    好同意基爾呢句-->喜歡這份閒悠感,間中要讓時針撥慢一點點!
    間放題啲食物賣相係唔錯喎, 我又係少咗食炸嘢, 呢個年代都講求健康, 係有時從menu個菜名睇唔出係用炸嘅方式整嘅會唔小心叫錯, 咁先破吓戒大家分啲嚟食解決咗碟嘢

    回覆刪除
    回覆
    1. 人懶咗加上少嘢寫,但多謝你捧場,會盡力發掘下啲無謂嘢寫下kakakakaka....
      客量真的不算多,希望寫下吸引多啲人搭下咁就無咁易停航啦:P
      要呀,尤其我份工都幾經常趕頭趕命,真係要間唔中慢返啲,又或者學你咁去遊啲靜靜地嘅地方^^
      炸嘢其實真係唔太健康,只可小食怡情就算啦:P

      刪除
  5. 這條航線我無坐過,反而由西灣河到官塘我就坐過﹗y

    回覆刪除
  6. 我公司近碼頭,唔趕時間的話我都搭船的 :)

    回覆刪除
    回覆
    1. 咦~~~咁莫非菲臘係阿sir?!!
      純粹八卦萬勿見怪hahaha....

      刪除
  7. 觀塘真的好陌生呀,咁大個女應該去不多過十次啦。。。。。。哈哈
    只識APM和megabox,

    回覆刪除
    回覆
    1. 依家市中心區果邊乜都拆晒,其實都無咩好行啦,係行商場啫

      刪除
  8. 細個時成日去。 唯一不變,仍然多人在約魚吧 !

    回覆刪除
    回覆
    1. 依家隔籬開左海濱公園,更多人周末去釣魚呢

      刪除
  9. 回覆
    1. 用水喉沖一沖都會卦......?

      刪除
    2. 下次叫果時同侍應生講...走"塑膠金魚草"囉!kakakaka...

      刪除
    3. 我都想不過佢一定唔會記得,因為要serve太多台客

      刪除
  10. 魚和蝦都唔敢生食,尤其蝦...
    多啲寫吓生活的小確幸啦!!

    回覆刪除
    回覆
    1. 我都麻麻地,其實都驚唔衛生....
      森兄天天來留言已經係小確幸啦XXXXD

      刪除
    2. 咁就可能要Gael兄天天出blog先留言到!!XXXXXD
      冇留言啫,但天天有嚟巡~~

      刪除
    3. 唔出blog都可以玩接龍留言架嘛XXXXD
      Really~~~~~這是大確幸了hahahahaha....

      刪除
  11. 現在真是鮮有搭渡海輪,偶然乘搭我也有很多回憶!

    回覆刪除
    回覆
    1. 喱條線我覺得時間長啲,可以慢慢睇景,中環尖嘴未坐暖凳就要走,唔夠喉XXXD
      另一邊去紅磡也坐過,都唔錯

      刪除
  12. 回覆
    1. 阿摩看來也深諳偷閒加油站之道^^

      刪除
  13. 呢間啲刺身ok嗎? 成日都想搵啲刺身ok既放題餐廳!!

    回覆刪除
    回覆
    1. 一般而已,不用特登去,如果去開該區逛outlet也不妨一試....

      刪除
  14. 我知道這裡係邊呀,哈哈哈!

    回覆刪除
  15. 睇落呢間啲魚生幾新鮮~重有HD雪糕~正喎!
    .......近排好多人啲留言都不見了!

    回覆刪除
    回覆
    1. 而且價錢都算抵食嘅,去開就不妨一試啦...
      好多都係自動入咗垃圾桶,要自己手動拎返出來

      刪除
  16. 偷得浮生半日閒。觀塘碼頭我很久沒有幫趁了,以前偶然會搭去北角的。

    回覆刪除
    回覆
    1. 其實依家啲碼頭搬到出一出,交通接駁唔方便,惡性巡循令客源更加少.....
      如果要減輕隧道日日塞車問題,重新加強渡輪配套系統係其中一個可行辦法

      刪除
  17. 久不久來個「慢活」路線行都几好架 @ Relax ~

    回覆刪除
  18. 居然是首次搭這條航線…… 我以前日日搭返工嘅交通工具

    回覆刪除
    回覆
    1. 其實都唔錯丫,要搭多啲hahahaha....

      刪除
  19. 這渡輪真是別有一翻景緻,有時間應該試一試這個小確幸,哈哈哈

    回覆刪除
  20. "碼頭外依家新建了一條長長的行人天橋直通到工廠區裏"...真喺幾方便喎!
    工廠區裏的outlet有時都會逛逛,但通常坐地鐵去...

    回覆刪除
    回覆
    1. 至少唔駛過咁多馬路咁煩,方便好多.....
      outlet其實唔平,依家都好少去了

      刪除
  21. 基爾做乜近來咁懶無寫blog呀?
    喂! 呢篇笑死我,應該改過標題做"怪談" wakakaka~~~
    我過海都好鍾意搭船架,不過只搭過天星小輪由尖沙咀過海⋯ 我依家住得近,一定要睇驗吓! 同埋你描述「可以推想昔日六七十年代全盛時期這裏有多繁忙墟陷」令我一定想去感受一番!

    回覆刪除
    回覆
    1. 開始習慣咗唔寫啦嘛hahaha....
      直情可以拍返套三更之搭船XXXXD
      其實都幾可惜架,個舊碼頭建築規模係幾大,依家就似個衰落了的帝國:P

      刪除
  22. 以前坐呢條航線時都係得小貓幾隻
    唔知會唔會做唔住呢>.<

    回覆刪除
    回覆
    1. 都有可能呀,所以趁仲有就搭下囉

      刪除
  23. 呢條航線 weekend 開唔開架 ?!
    最近我去觀塘食左間點心, 都幾唔錯架 !

    回覆刪除
    回覆
    1. 開呀,我都係weekend去的...
      依家工廠區入面都幾多食肆,可以一試呢

      刪除
  24. 我大鄉里,從未試過在觀塘過海. 搵日要去開齋.

    回覆刪除
    回覆
    1. 船程大約15分鐘,幾舒服,景觀靚,唔錯

      刪除
  25. 現在維港水質好了很多, 如果你登上港島西半山上看維港西的淺水區, 你會發現水質好清. 維港東因為水太深, 就看不到了.

    維港海水, 潮漲時, 海水由東到西流, 潮退時, 則相反, 所以每天總會有2次把維港海水換新.

    本來維港水應該很好, 但2014年前, 香港污水處理廠只處理較大的污物, 較細的就排到維港裡, 所以以前維港水質很差, 現在好似能夠處理10NM的雜質, 所以現在維港水質開始好了.

    回覆刪除
    回覆
    1. 咦~~~你在彼邦仲熟過我好多喎,犀利^^

      刪除
  26. 基爾呢掛攪咩,咁多嘢生疏咗,一定有新興趣啦!

    回覆刪除
  27. 我回來了~~~~~~~~~~
    做咩近黎咁少寫blog呀~有野忙緊呀??
    我都搭過渡海小輪~幾有feel~
    不過要得閒先可以搭~~~

    回覆刪除
    回覆
    1. 咁你要拿拿林快手啲寫blog啦,我等睇你啲天空之鏡等到頸都長晒XXXD
      少咗寫,不過照樣有巡blog八卦人地啲遊蹤嘅^^
      搭船可以間中享受一下悠閒囉

      刪除
  28. 觀塘我以前都成日去……不過無去過觀塘碼頭呢@@原來咁樣既…………

    我發覺寫開就會成日寫,唔寫開就好耐都唔想寫…………………………………………
    所以生疏就要寫多D熟習返~~

    回覆刪除
    回覆
    1. 係呀依家整咗个海濱公園都几多人假日去行吓嘅!
      對呀!唔寫開就好似唔知寫乜,不過如果在外地生活可能会多D有趣嘢值得寫出來分享,我都鈡意睇喱類^^

      刪除
  29. 呵呵我以為這條船已停航了 .

    回覆刪除
    回覆
    1. 好多人都以為係呀,但其實仲有㗎喎^^

      刪除
  30. 噢……原來觀塘碼頭仍有船過北角……一下次有機會要坐一坐!

    回覆刪除
  31. 你呢篇好似講鬼故咁...有D驚驚呀..

    回覆刪除
    回覆
    1. 咁你會唔會去行下練大啲個膽kakakakaka....

      刪除