2018年1月11日 星期四

舊金山居閑話@Stanford:上

在飛機上沒睡過,還以為可以稍稍調整了jet lag,不過原來作用不太大,每天凌晨三點幾都會醒一醒,之後去過廁所有時可以再睡一會,但大多數都係眼光光+輾轉反側一直到天亮……



這朝早本來很早就醒了,不過這裏冬日也是日短夜長,要過了七點半後才開始正式天光。簡單梳洗吃過早餐就出去屋企四周繞一圈當晨運吧!



正當東岸風雪大作之際,幸好這邊的加州陽光依然充沛,清晨的藍天晴空廣闊幾乎沒一朵雲,可能也因為附近都沒有高樓遮擋關係,朝陽直射到大街上竟還有點和暖感(其實氣溫只有10度左右)……



只有間中吹來一兩陣微弱冷風,令路邊那幾棵紅黃葉楓樹掉下數片乾葉來,才告訴你這已是冬日清晨吧!加州陽光果然名不虛傳,鄰屋前園不少橙樹和檸檬樹在和煦日照下結出纍纍果實。屋企人講過的潛規則是:人家的果樹不可亂摘,只有掉在地上的才可以執,長知識了!



可能基爾出來巡場時其實已經稍晏了,街上幾乎都沒遇到任何人。之前在家裏床前的窗口外望,鄰居多數六點幾七點已上街跑步放狗,還見到有個男人天天都來街上好像在練習華爾茲般,一個人自得其樂團團轉翩翩起舞掠過窗前,睇落有點似役所廣司。



晨運一圈後,這天也沒有plan去什麼特別景點一遊,家人提議不如就去屋企附近的Stanford University走走,當是去行公園也好。上圖是停車場旁的一抹楓葉紅;校園裏的水渠蓋有古雅的圖案和史丹福大學字樣。



翻查維基原來史丹福大學成立於1891年,至今已有逾126年歷史,校園最古老的主建築群大方院Main Quad始建於1887年,唔怪得走在其中都不難感受到它的百年歲月味道。



基爾覺得主大樓的這道長長拱廊最吸引眼球,望落很有點歐洲中世紀修道院的氣氛。繼續看看網上百科簡介,史丹福大學名稱是源自19世紀創辦大學的加州鐵路富豪Leland Stanford,他當年也是加州州長及參議員,出資成立大學是為了紀念早逝的愛兒。



19世紀時校園所在地原本也是屬於史丹福先生的帕羅奧圖牧場,他找來不少當年著名的建築設計師包括麻省理工校長等前來參與興建新校園,上圖手工精巧的麻石雕花長拱廊就是其代表作之一。



由於是與太后們同行,當然不可能在短短大半天內以基爾慣常閃電速遊進度逛盡史丹福每個角落,就只悠蕩幾處地標就滿足了……上圖是位於校園Main Quad裏的羅丹雕塑園,展出的是羅丹代表作之一加萊義民The Burghers of Calais仿製品。



有沒有去過巴黎的羅丹美術館?如果有去過可能會對這位19世紀法國著名雕塑家Auguste Rodin的沉思者Le Penseur有點印象。其實基爾印象中以前讀中學時的History教科書裏,也好像見過沉思者和地獄之門的照片,有印象的請舉手!

53 則留言:

  1. 我呢度係八點幾至天光, 今日睇新聞, 北方有個小鎮(唔記得咩名)一日只有個幾鐘有陽光, 唔抑鬱就奇
    有時去行下hea下, 又有另一種樂趣, 唔駛下下歐洲五日十國咁玩架 ^^

    回覆刪除
    回覆
    1. 歐洲緯度仲高,北歐果啲係咪要9點先天光?
      都唔會嘅,可以放假去滑雪一定唔會驚抑鬱啦,驚假期唔夠長啫!!而且夏天日照長返,又可以玩返夠本XXD
      今次無乜去啲旅遊景點啊,四圍hea下體驗下生活咋:P
      歐洲五日十國我諗起以前學聯有巴士團,唔知依家仲有冇?

      刪除
  2. 回覆
    1. 同你果邊差得遠啦成日咁多野睇:P

      刪除
  3. 依家你明啦,我哋有太陽就是最凍的日子呢

    回覆刪除
    回覆
    1. 天朗氣清無雲兼有風都幾凍㗎

      刪除
  4. 以前搭飛機盡量唔瞓都係怕出現時差,但其實係冇用㗎(除非你係活力爆棚),我試過最少三次,其中一次是溫哥華飛去多倫多,因相差好似係六小時,當落機隨即跟團的時候,在車上或落車行都忍不住要恰眼瞓,那便浪費了很多沿途美色呢!

    回覆刪除
    回覆
    1. 其實我都唔係專登唔瞓嘅,係實在睡不著啫:P
      又係喎,跟團坐旅遊車係九成會恰眼瞓,仲要係十分鐘內瞓著,個領隊導遊講乜都係當催眠曲XXXXXD

      刪除
    2. 除了參觀史丹福之外,唔知你有冇打算去睇埋栢克萊呢?

      刪除
    3. 無去果邊喎,你係校友?

      刪除
    4. 我有個表妹喺果度讀書,當年我約佢吃lunch ,所以才去過一次呀!

      刪除
    5. OIC~~~OIC~~~~!!
      咁有冇叫佢順道帶你四周圍行下參觀?^^
      加州其實都幾多出名大學,人才也多呢

      刪除
    6. 話時話,當時表妹一家都很忙,我去的那三個月,搵旅費做工就個多月,其它時間都唔知用咗邊度,大學就只去過呢間,印象已不記得了!
      有一處地方比較深刻的,中文叫做「神秘點」,唔知你有冇去過?
      再其它的就好例牌,也去過兩處賭城…

      刪除
    7. 咦,係咪做餐館?幾好喎可以當係working holiday^^
      係咪Santa Cruz果個?我有去Santa Cruz不過就無去Mystery Spot唔知有乜野睇㗎呢?

      刪除
    8. 即刻上google search咗啲相,幾得意喎果啲斜屋,盞鬼^^

      刪除
    9. 這是我一篇舊日誌,內容有我當年去過的照片與紀錄:
      http://shuis-t.blogspot.co.nz/2013/10/3-mystery-spot.html?m=1

      刪除
    10. 剛看了你的網誌......以前Thomas哥果然遊歷過好多地方喎,有空再多點介紹下^^

      刪除
  5. 搭飛機硬係瞓唔到,到去玩就超眼瞓 XD

    回覆刪除
    回覆
    1. 飛機個座位太有壓逼感九成九睡不著,如果中六合彩坐頭等可以平睡我諗會有幫助XXXXD

      刪除
  6. 環境相當唔錯…而且人唔多屋唔密集~~同香港係兩種居住環境~~ gael兄會唔會習慣咗,移民過嗰邊架?!!…
    我都會咁,在唔熟的地方真係好難入睡…

    回覆刪除
    回覆
    1. 以前有冇睇過Desperate Housewives果個紫藤里?我覺得喱度都幾似喎,住宅區入面連便利店也沒有不太方便不太習慣(以HK人來說)!
      生保床瞓唔慣,都係瞓慣基爾自己個狗竇wakakaka....

      刪除
  7. 鄰居多數會採下水果拿一大包送給你,真係多到食到怕㗎。

    回覆刪除
    回覆
    1. 喱度主要係橙同檸檬居多,其他係觀賞花草樹木....你果邊可以種好多唔同品種啦^^

      刪除
    2. 這裡只有人參果,檸仔,香蕉這些咋。

      刪除
    3. 喱度仲有人種牛油果,我第一次食^^

      刪除
    4. 我妹妹家嘅後園都有牛油果,可惜也有爭食嘅松鼠,唉。

      刪除
    5. 喱度都係超多松鼠經常見佢地在樹上,可能果樹多!!

      刪除
  8. 美國加州一向陽光充沛
    史丹福大學 就經常聽到 真身都係第一次見
    羅丹冇去過 沉思像 就成日見到

    回覆刪除
    回覆
    1. 聽說冬天以前這裏係雨季,但今年天氣是有點反常,天晴居多....
      我都係第一次去,空間非常大唔似HK大學多數迷你版,因為地方有限又矜貴!!
      Le Penseur好出名好似好多地方都有複製品展出

      刪除
  9. 係澳洲只要伸出圍牆外既就可以摘, 跌落地都唔使要啦
    史丹福---滿滿情誼結

    回覆刪除
    回覆
    1. 咁都幾好喎,第一次食樹上摘的橙真係寧舍不同,比平常食慣的超市雪房橙更有橙味十倍:P
      你早啲講等我睇下搵唔搵到你啲腳毛丫嘛XXXXD

      刪除
  10. 人家的果樹不可亂摘--->係GAR,唔係個個行個都摘,人哋種出嚟GE都收成時反而一個都無剩,更不要從法律層面講是否算偷啦。^_^

    回覆刪除
    回覆
    1. 保障返主人可以自己有機會食返,都幾好嘅!
      如果有多咪摘畀啲鄰居食下囉,反正擺太耐會爛....

      刪除
  11. 史丹福大學建築好有古典味道。

    回覆刪除
    回覆
    1. 外國啲大學係咪多數有百幾年歷史?

      刪除
  12. 噢!你去史丹福大學interview.

    回覆刪除
    回覆
    1. 去in做校工,可惜佢地唔請我XXXXD

      刪除
  13. 有無執檸檬同橙呢?我係墨西哥有恐怖嘅經歷⋯⋯😖
    閃電速遊,見你用省略號🤣
    見你用屋企來形容,今次是探親嗎?

    回覆刪除
    回覆
    1. 仲有,無上耐一輪,你一口氣已打了幾篇,果然快手

      刪除
    2. 有啊通常去外圍晨運一圈會去順手執檸檬囉XXXD
      想知喎,有乜恐怖經歷?係咪有虫果啲唔好執?
      寫足上中下篇其實都唔係好閃電㗎啦wakakaka...
      係啊所以唔算去太多地方!
      因為我無其他野寫丫嘛所以可以快手集中寫喱個囉^^

      刪除
    3. https://travelsilver.blogspot.hk/2015/08/day-26-cancun.html
      比你重溫最後一段🤣👆🏾

      刪除
    4. 我其實好少搣生果,多數係用刀切,切正中間睇清楚晒先食穩陣好多wakakakaka......
      Honey moon果支Havana Club冧酒依家飲晒未?^^

      刪除
  14. 百年學府真係充滿藝術氣息!

    回覆刪除
    回覆
    1. 係咪連基爾個blog都當堂多咗陣書卷隨XXXXD

      刪除
  15. 西岸陽光充沛……
    大學校園環境幽美,香港的給比下去!
    巴黎的羅丹美術館值得一去……

    回覆刪除
    回覆
    1. 可惜太凍無乜人晒太陽XXD
      好似印象中喱類先叫做大學,HK啲大學縮水到似中學咁,喱度high school個校園都好大:P
      我十幾年前去巴黎都唔係好記得有冇去,希望有機會重遊^^

      刪除
  16. 係屋企周圍行下都唔錯~~~呢區幾舒服~~
    講完搞到我好想企係人地果樹下...等佢d橙跌落黎~~就可以食到新鮮即刻食~~wakkakaka~你有無執橙食呀~

    回覆刪除
    回覆
    1. 外地始終空間大啲,HK就密質質有少少空地都要起幢樓先安樂XXXD
      有執檸檬,橙就摘自己果棵算啦,多到食唔晒^^

      刪除
  17. 好靚呀間大學, 果然外國野真係咩都靚D, hahaaa

    回覆刪除