睇了咁多篇金山blog係咪想放返個小息？會唔會有人又有少少掛住基爾D郵票呢？2018年度的新郵其實在年頭已經掀開了序幕，搶閘推出的不是慣常見的生肖郵票，而係下面喱一套……
進入2018年原來郵局即加了郵費，所以順帶推出新增面值的通用郵票，至於依家郵費加到幾錢？由於本身寄信的人就不多，可能無乜人會留意到。講返這套地質公園通用郵票原來已是2014年推出的（之前果套雀仔系列都好靚），翻查大典舊網誌都有寫過，有興趣睇返全套有乜地質公園景點，可以click返入去：珍郵庫@香港世界地質公園。
睇返今次新增的3款面值分別係$2.6馬屎洲、$3.4印洲以及$4.9花山；馬屎洲之前踩單車踩去三門仔好似有離遠望過一望；印洲因為去烏蛟騰行山有路經印洲塘，對那裏的紅石有很深刻印象（想睇返可click返去：穿山甲喪行@烏蛟騰）；至於花山海岸據簡介稱是近萬宜東壩和糧船灣一帶，是觀賞六角石柱的核心區域，咁萬宜的六角柱基爾年前都有去睇過（可重溫舊網誌：萬宜浪茄地質行:下@西貢），所以今次新增的3處地質公園都算是新界東熱門行山點了！
2014香港通用郵票新增面額：地質公園
發行日期：2018年1月1日
發行日期：2018年1月1日
有無諗住再去行一圈?
回覆刪除部份都會㗎,因為其實都好耐無去過了......
刪除記得之前平郵$1.70~~現在加到幾多錢?!!$2蚊?!!
回覆刪除行晒三個景點犀利喎!!!
終於找到你的留言了wakakakaka....
刪除不知為何電郵收到森兄的留言但blog裏卻沒有,咁就在這裏貼上再回應吧：
回覆刪除森：記得之前平郵$1.70~~現在加到幾多錢?!!$2蚊?!!
行晒三個景點犀利喎!!!
森兄說得沒錯,好似本地平郵已加至$2，相信加幅仍是合理範圍內吧！
刪除至於那三個景點,真係很久很久以前去過,近年都少了去行山,懶咗好多!!:P
其實消失留言唔止第一次…
刪除我仲以為畀gael兄Delete咗…
依然係電郵收到森兄留言但blog裏無影無蹤,奇哉?????!!!@@
刪除其他人又唔會喎!點解呢?
唯有繼續在這裏補貼森兄留言再回應:
森:其實消失留言唔止第一次…
我仲以為畀gael兄Delete咗…
森兄見基爾咁辛苦都要補貼返你個寶貴留言,就知我一定沒可能會delete你啦....XXXD
刪除近期留言有少少問題o既，前兩日剛剛正常返囉.
刪除我都覺啊!!
刪除$2.6三門仔馬屎洲
回覆刪除$3.4印洲紅石
$4.9花山六角石柱
全中!畀個讚!^3^
刪除$2.6係寄本地？
回覆刪除本地最普通寄明信片寄信寄水費單果隻咁輕係兩蚊!
刪除兩個六我估係再重少少!
華!!地質公園!!唔錯喎~我之前都好想去香港地質公園逛逛~不過夏天又話太熱冬天又話太凍...d女仔真係煩屎人~~~~~哈哈~~
回覆刪除你寫咩我都鐘意睇架啦~
夏天又話太熱冬天又話太凍<====又真係有啲㗎喎,我唔係女仔都覺得係wakakakaka!!!!
刪除嘩嘩嘩.....啲女仔好識講嘢!!XXXD
印洲要行餐死,都係睇郵票算喇 :P
回覆刪除你鍾意影相,我諗都幾啱你喎,風景是很美的呢
刪除係就係,但係咁遠水路日落後好難走哦.
刪除想影日落可以選擇去白泥西環碼頭和西九^^
刪除東壩果度，行入去(OR行返出嚟一來一回)對不少人來說屬長程，但係好似現在咁俾的士出出入入，行麥徑又有點像在「路邊行」，間歇聞廢氣。
回覆刪除東壩我諗周末假日真係幾多車出車入,如果係閒日就好少少啦:P
刪除今次D設計簡簡單單夠真實感,表演到HK既美景
回覆刪除夾返之前果set,設計都唔錯,不過如果用實際照片就大張少少好一點......
刪除我估下次再出通用郵票多算用返簡約圖像!
其實香港都有好多靚嘅地方。
回覆刪除都係㗎,西貢都多靚景嘅^^
刪除呢幾個香港景點我都未去過。
回覆刪除喱幾處都算熱門,不過較偏遠,路程會長少少^^
刪除郵票設計很美，用本地風景我最讚。
回覆刪除香港啲大自然風景其實也不錯的!!
刪除地質公園景點咁多，應該出唔晒，仲有機會增加！
回覆刪除世界遺產我諗景點都幾多,不過喱套通用郵票都出咗3-4年,我估多數明年會換全新一set,你有冇好提議用乜主題?
刪除咦...其實本地漫畫人物都好值得用來出通用郵票喎,我諗好多人會買^^
我有個怪異想法，如今之郵票大多都有…比如歷史，旅遊，人物等等之介紹。所以，假如郵票可以做大一點（double size)，那便更能使人欣賞設計的原意，而且收藏價值也增多呢…
回覆刪除通用郵票(即係以前女皇頭果隻)一般唔會設計太大張,主要係實際方便使用吧!如果用來貼小型信封又或者明信片之類,貼太大張郵票會無乜空間寫字XXXD
刪除至於出其他紀念郵票多數出埋較大張的小型張或小全張,設計也較多元化,收藏價值一般都比散賣郵票高一點吧?!
好同意你既說法,我細個都有集郵,印象中大陸既郵票會大D,睇到既畫面感覺都靚好多!
刪除對啊,細郵票我覺得都好考設計者的功力,太複雜的圖像唔係咁適合用在小型郵票上,因為跟本看不清楚呢!
刪除細郵票都係用返簡單抽象又表達到意思的圖案就最合適了!
講真,我有用新郵票寄信,但睇左呢篇,先知係地質公園!
回覆刪除除了報稅表之外,依家我都好少寄信了:P
刪除用地質公園主題做通用郵票有點浪費咗個靚景,因為實在太細,睇唔到個景有幾宏偉:P
我想說，其實我小時候也有集郵的。如果有些郵票或首日封我想轉贈給你，不知道會不會有這個機會，或者不知道你會不會對於我的收藏有興趣呢？如果擬有，或者你想了解更多，我們可以再聯絡
回覆刪除先衷心多謝小恩子...^^
刪除可惜寒舍實在地方淺窄暫時都無法收納blog友們的珍藏了,所以要先感謝你的好意:P
thank you so much!!^^
btw,有空不妨影下放上blog,大家share欣賞下囉^^
完全沒有到過這些地方😥
回覆刪除會唔會去join下費迪哥郊遊?佢成日都連體行山呢.....XXXD
刪除咁基爾去晒未？睇基爾同我一樣少行山😅
回覆刪除之前介紹你沈教授個集郵page有無睇呢～ 我係裡面都學到好多知識。
梗係未啦咁多:P
刪除近年係少咗好多行山,冬天怕太凍朝早起唔到身,夏天又怕太熱會中暑wakakakaka....
有睇過啊,我都覺得幾有意思,可以睇返好多郵票背後的意義呢