2018年1月22日 星期一

舊金山居閑話@Stanford:下

在這邊住得耐,可能人都會變得慢節奏,寫blog也一於用這種超慢鏡逐格重播手法(另一種說法是hea住寫),細緻得來係咪都唔覺悶先!



慢遊史丹福校園來到最終回仲有咩野睇?說得上是有百幾年歷史的大學校園,每處地方似乎都充滿歷史故事。離開大教堂後基爾穿過通向教育學院種了不少高大棕櫚樹的長廊,就來到格林圖書館前的一個小噴泉公園。圍繞噴泉的圓形石椅上刻了密密麻麻的人物名字,唔知係咪百年來的校友名人呢?突然間有點圓桌武士feel……



既然大家都咁有耐心跟無聊基爾行校園行足三個回合,咁都係時候要獎勵一下講個「小秘密」你知!(應該無乜人想知囉……)其實基爾對這類噴泉係有種特殊偏好,每次遇上總會按捺不住要去玩下水先肯走。上圖喱個古樸無華得來仲刻有年份、圓周圍繞有小水柱的設計,要加分!背後右邊建築物就是圖書館,據講它收藏了九百萬冊書刊,連同其他以百萬計的多媒體文檔,已被譽為目前全球最大及最多元化的學術圖書庫之一。



玩過這裏的噴泉水唔知讀書會唔會入腦D聰明醒目D呢?Anyway玩夠就跟基爾行埋過去Hoover Tower果邊。其實一入校園大門離遠已見到這座高聳的觀景塔樓,不過外來人士若要登上塔頂都要畀入場費,成人USD$4(約HKD$31),長者小童平1蚊。



同搭飛機一樣,原來上胡佛塔都有安檢程序,不過手續當然簡單好多,所有背包手提袋都必須留在升降機大堂,不能帶上塔頂。上圖就是塔頂的古老落地大鐵窗(行近窗邊真有少少畏高,驚佢日久失修會連人帶窗花跌落街),往外望就是史丹福這一帶一望無際的大平原靚景,方圓幾十里最高建築物就是這座高塔了。



聽到Hoover這名字一定會想起Las Vegas郊外那座胡佛大水壩了吧!原來胡佛Herbert Hoover是史丹佛大學第一屆畢業生,他也是美國第31任總統(1929-1933年在任)。上圖是由塔頂冒住畏高之險伸手出鐵窗外拍的風景照,所有紅瓦頂建築物都是史丹福大學校園範圍。



胡佛塔建於1941年,是為了紀念史丹福金禧校慶(50周年)而建,巨塔高285英尺,樓高14層,遊客可乘升降機由塔底大堂直上塔頂觀景台。塔頂還設有48個大小不同的銅鐘,其中最大的鐘上刻有「For Peace Alone Do I Ring」字樣,此外中間玻璃房裏有座古老裝罝負責操作敲鐘節奏,問過導賞員話只有特別節慶日子才有敲鐘表演云云……



登高參觀完巨塔之後,由於時間早過了中午怕餓親太后娘娘們,都係時候要返出去食個late lunch了。後來基爾寫blog時翻查資料才知原來胡佛塔一樓仲有個小圖書室,據聞裏面還收藏了蔣介石自1915至1972年的私人日記,但導賞員竟沒叫基爾去參觀呢!

53 則留言:

  1. 圖書室收藏了蔣介石
    自1915至1972年的私人日記

    回覆刪除
  2. 噴水池啲水都唔知生水定死水,掂咗隻手小心生嘢。

    回覆刪除
    回覆
    1. 王子係咪試過領野?...@@
      要帶定消毒酒精先得!!

      刪除
  3. 蔣介石私人日記竟然放在美國大學,可能是他的夫人意思喎。

    回覆刪除
    回覆
    1. 咦,又有可能喎!!EE真醒咁都諗到.....唔知佢地係咪校友呢?

      刪除
  4. 我成日覺得呢啲噴泉水好污糟

    回覆刪除
    回覆
    1. 經你地講一講,咁我以後都係眼看手勿動....^^

      刪除
  5. 慢慢遊都好呀,細心D可以睇到好多野。我依家人老左,都唔鍾意衝衝衝,一次去一個地方好了。

    回覆刪除
    回覆
    1. 有時太趕會太疲累,都係hea下遊下舒服啲wakakaka....
      btw,絕對唔關「老」事!!!!XXXXD
      唔同人有唔同旅行方式,自己happy已夠^^

      刪除
  6. 你寫遊記咁細致深入,hea 少少都應該!

    回覆刪除
    回覆
    1. 所以其實我都覺得自己應該都幾適合去NZ生活下wakakaka....

      刪除
  7. 寫blog節奏全係個人風格,快慢隨心,冇所謂既 ;-)

    回覆刪除
    回覆
    1. 驚悶親blog友就唔係幾好......好彩Philip哥啱胃口^^

      刪除
  8. 史丹福大學校真像一個寶庫,多謝你帶我們同遊。

    回覆刪除
    回覆
    1. 如果有空我都去巡下香港果啲先^0^

      刪除
  9. 回覆
    1. 我也多謝MD周不時分享美食圖^^

      刪除
  10. 上到塔頂真係無庶無檔全部睇晒!

    回覆刪除
    回覆
    1. 因為附近都無其他高樓大廈,唔似HK咁有石屎森林般的壓逼感:P

      刪除
  11. 下次撇甩太后, 王太后, 王妃, 自己一個人去內陸的國家公園行下,好靚咖.

    回覆刪除
    回覆
    1. 想㗎!不過先決條件係去考個車牌先,方便啲^0^

      刪除
  12. 如果去旅遊可以慢遊係最好不過的!
    寫BLOG隨心寫就好,不管係HEA著寫定快著寫.

    回覆刪除
    回覆
    1. 喱個前題好重要,最緊要有悠長假期先得\^0^/
      我傾向hea寫,因為驚寫晒就無其他野寫嘛XXD

      刪除
  13. 慢慢遊,慢慢看,且自逍遙⋯⋯

    回覆刪除
  14. 蔣介石私人日記可能要放在他邦才能得以「永久」保存啊﹗

    回覆刪除
  15. 恕森伯貪心,反而想知gael兄啲大秘密…哈哈哈
    有時唔知噴水池的水放得耐唔耐,若然是雨水掂到可能手痕~~

    回覆刪除
    回覆
    1. 咁要勞煩森兄繼續睇落去囉XXXD
      喱度人影唔多個,所以假設佢係乾淨水都可以嘅:P

      刪除
  16. 冇常識邋塌友😰😰😰

    回覆刪除
  17. 睇完篇千字文都唔識講野喇..

    回覆刪除
    回覆
    1. 唔識講咪拍兩下手掌囉.......XXXD

      刪除
    2. 口水多過浪花,真係冇得醫!

      刪除
    3. Do姐上身啊你?!!....XXXD

      刪除
  18. 外國既大學通常好大大大大,一參觀就半日,慢遊仲好

    回覆刪除
    回覆
    1. 係呀個校園好大,我都無行晒:P

      刪除
  19. 好似個碟的水泉似靚, 若是我也想到玩水呀!
    校園真大, 有點似魔法學校 ...

    回覆刪除
    回覆
    1. 你都覺得靚呢.....同埋都無乜人,任玩唔嬲:P
      外國啲百年大學係咪都好有霍格華茲feel?

      刪除
  20. 依家有備無患,恐佈分子無孔不入,做多啲安全檢查好。
    哩度真喺閑逛...,好似退休生活,蔣介石日記會放喺美國?
    佢老婆放喺度?

    回覆刪除
    回覆
    1. 之後去有啲地方都係要安檢,不過當然無機場果啲咁嚴格,好多都係望一望個袋或紅外線check下就算.....
      退休來唔知會唔會驚悶呢?同埋要有車牌會好一點,否則只能長期留在家「軟禁」!!XXXD
      上面都有blog友係咁講喎,唔知佢地係咪捐過錢定係以前來過演講之類?

      刪除
  21. 都幾好喎...可以俾唔係學生既人都可以入去參觀!

    回覆刪除
    回覆
    1. 其實都幾多遊學團(我估係中台團)來探路,可能將來想啲仔女來讀書所以睇定環境先......

      刪除
  22. 逐格重播<— 我地就係類似先走埋一齊認識大家��
    其實是寫blog想寫乜就寫乜,唔知幾時變成咁商業化,什麼寫blog要吸晴,甚至有網站仲話開講座教人寫d多人睇嘅blog,真係無聊。我地一眾卜友也是類似的寫作方式、用心去紀錄見聞或心情才做成今天的卜友咋。

    回覆刪除
    回覆
    1. 但我無銀哥咁勁去咁多地方探索喎,自己都嫌自己唔係太夠膽量wakakaka...XXD
      完全同意銀哥高見!!!有時有些很商業化的blog,即使啲相影得幾專業幾靚,內容幾咁detail幾咁豐富都好,其實都唔係咁有興趣去追睇,有時間都只係快眼look一look就算,也不會留言:P
      反而有啲係主要寫好多個人見聞和感受,觀察到平常人未必留意到的特別有趣東西,反而特別有興趣睇,很有追看性^^
      當然如果留言有blogger回應feedback返,有互動性的就更理想,至少有動力去睇去寫wakakaka....

      刪除
    2. 拿基爾兄,唔準你咁講,就算唔係去D山卡拉探索,只要隨自己心情遊覽,在熱門大城門都會發掘出一些鮮為人知的故事。
      你最後一句都幾唏噓,自從出了書及整咗個專頁才發現,一般人原來只喜愛剎那間的快感,什麼靚相、什麼推介、什麼誇張的言詞才是眾人的喜愛,有內涵深度的反而無乜人會欣賞。而且香港人跟風盛行,抄襲了人家的行程就當成自己發掘。相信Nado就是咁關咗個卜了⋯⋯ 十分可惜。我都曾經氣餒,但想想嘅的選擇了自己喜歡做的事,便不理會其他人,堅持下去~

      刪除
    3. 我都好期待看看銀哥銀嫂發掘的旅行經歷,記得寫多啲,加油^^
      好同意,最緊要隨心而寫,𨳡心share...
      都係果句,今時今日仲留下來寫blog的,我相信都係有心人了吧!

      刪除
    4. 無錯!有緣認識大家實在太開心了~

      刪除