2018年2月22日 星期四

舊金山居閑話@食早餐

年初七「人日」食了生日蛋糕未?如果未就先來同基爾食個醒神早餐先。吓!食早餐有乜野好講?連食早餐都可以寫一篇blog咁勁?唔信……咁等基爾示範畀你睇!



平時返工返學的blog友,唔知一般會係在家食早餐?還是去7仔M記買返公司食呢?又或者在茶餐廳快餐店食飽先再返工返學?基爾由細到大個人向來都係比較me-more,為免遲到都會比較早起身,由以前讀書到依家返工都慣了先在家食了早餐才出門……



咁去到異鄉唔駛返工,就更之然多數在家慢慢hea嘆早餐了吧!而且因為時間充裕所以仲要升埋呢添,可以玩埋自製麵包。老實說基爾在老家沒有買麵包機,因為落街買磅方包排包之類實在太輕易了,但在異鄉要早餐食新鮮出爐麵包又唔係咁容易周街有便利店麵包店可買到。



簡單而言只要隔晚將麵粉、酵母、鮮奶、牛油、鹽糖(視乎個人口味可以加提子乾或合桃之類)放入機裏,set定時間掣第二朝就有得食。上面第二果張榮幸邀得基爾媽特別客串示範用切包架,不過角度問題睇唔清,網上再搵張清楚少少,唔會切到成舊麵包扁晒,幾好用。另外上面這種ham都幾好食,唔清楚老家D超市有冇得賣?



另外,異鄉地方大,廚房和煮食爐頭自然都係XXL,一大清早如果同時要快快手煲水、煮麥皮、煎蛋又煮麵再淥埋個水餃都無問題,不過先決條件當然係要一位能幹的top chef才行。好似基爾喱類掛P牌的攀車邊小廚,都係頂籠顧兩個爐就算啦!



早餐除了食粥食麥皮食麵包夾煎蛋火腿之外(仲有煎餃子、淥水餃和焗muffin),當然不可少仲有搽花生醬或者上面這種基爾在老家時沒有食過的杏仁醬,食落其實同花生醬分別不大,但聽聞話係健康少少喎!所以都買了上面這種個別包裝的拎返老家食。



順帶又講下Trader Joe's果間超市,感覺有少少似美版的價真棧之類(當然也是XXL版),裏面都好多款朱古力、餅乾、果仁、各式花生醬果醬之類賣,而且價錢又幾平喎。上面喱排朱古力話係cold brew coffee兼caramel夾心,只係幾蚊一大排咁就買來試下。冰滴咖啡基爾本身都未飲過,食落隻朱古力都幾濃咖啡味,至於個焦糖咖啡夾心幾特別,唔似拖肥咁杰又冇酒心咁稀,係中間的黏稠度,幾有趣未食過!

59 則留言:

  1. 我見過呢個麵包架, 不過又無諗住買 ^^
    有無諗過係香港買架麵包機

    回覆刪除
    回覆
    1. 如果唔係成日整方包,其實都無乜必要買嘅我諗:P
      咁又無喎,一來HK地方淺窄無乜位擺,二來出街買包都好方便呢

      刪除
  2. 在外國人人都係DIY啦,邊有香港人咁幸福,由朝到晚出街食。

    回覆刪除
    回覆
    1. HK有啲無飯夫婦我諗好多時一日開工開足十幾個鐘連OT,真係無乜時間去買餸自己煮(或累到唔太想煮和洗XXD),加上出街食太便捷乾手淨腳快速搞掂:P

      刪除
  3. 切包架我有諗過網購㗎。

    回覆刪除
    回覆
    1. 王子餐廳很值得購置一個啦反正應該不會太貴吧!
      歐洲係咪通常都係幫襯返阿媽信?

      刪除
    2. 阿媽信我睇嗰時都未有.我睇日本網站咋.
      我呢邊網購睇你買乜啦.衫,鞋,書都有唔同網站。唔一定係阿媽信.

      刪除
    3. 係喎係喎幾乎忘了王子也懂日文.....日本網買會唔會運費好貴?
      ic~~~~~咁都好嘅,唔駛好似一個肚飽網獨大,有啲競爭性!!

      刪除
  4. 你呢似乎唔係講早餐,而係做早餐的 promoter!
    再講,嗰件切麵包架我就覺得冇乜用,有把利刀就得喇!

    回覆刪除
    回覆
    1. wakakakaka......我無收傭㗎喎XXD
      要有利刀+熟練刀法先得,畀著我如果無個架夾住切會切到個包扁晒囉XXXD

      刪除
  5. 我都慣咗屋企食早餐,不過係老婆整,我只負責食.

    回覆刪除
  6. 切包架,我諗起以前到現在,我見過的很專業人士,因為佢哋賣方包,一張麵包刀,睇著佢快靚正就切好,包括我父母,因為昔日我家小店,每天大清早都有長條形方包由麵包公司運送到。

    回覆刪除
    回覆
    1. 係㗎我都有見過面包店用長刀切面包好快手切得又靚唔會扁晒,佢地日日切幾十個可能係工多藝術絕無問題啦!反而如果用個架會仲阻手阻腳浪費了時間,喱個面包架我諗係畀非專業人士用多wakakakaka....
      犀利喎,咁你細個時應該都學懂唔少搵食秘技呢^^

      刪除
  7. 食早餐有乜野好講?.....早餐係最重要,要食得豐富、食得好d梗要講!

    回覆刪除
  8. 肥人唔愛食麵包, 呢部機唔岩我..hahaaaa
    不過肥人認同早餐係最最最重要!

    回覆刪除
    回覆
    1. 咁早餐通常食啲乜?煮面呀?
      都係㗎,食完早餐好似精神少少:P

      刪除
  9. 多謝你分享 美國退休生活
    哈哈 麵包機根本唔會諗過買 香港咁方便 買個麵包 平過自己整 多多聲>^_^<

    回覆刪除
    回覆
    1. 係咪悶親路霸兄XXXD
      咁如果想食得健康啲,都值得買嘅,因為至少無防腐劑,而且係每朝新鮮出爐自家製吧!

      刪除
    2. 唔喺...真喺知道美國退休人士,都喺唔似香港退休人士咁精彩!

      刪除
    3. 我諗係各有各理想生活啦,可能有些人寧願靜靜地過,又唔駛日日都好精彩激刺繁忙嘅^^

      刪除
  10. 我番工就求求其有時食水沖麥皮有時就去買包番公司食~
    但去旅行就好想好想坐低慢慢嘆番個靚早餐囉~~~~食飽個早餐個人真係好開心~~~
    番工都想....但要嘆慢版要早好多好多起身呢~

    回覆刪除
    回覆
    1. 仲有杯筋撈呢....XXD
      你講得啱呀,去旅行有時真係想做啲平時不常做得東西,例如hea食個靚靚早餐唔駛趕時間驚遲到,當然如果趕火車趕巴士趕船趕飛機就例外啦:P
      其實有時仲想早D起身落街跑個圈先返工.....不過喱樣就更加係100%難度,尤其係冬天wakakakakaka.....

      刪除
    2. 話明係大夫一定最懂健康之道了吧^^

      刪除
  11. 祝你:新年快樂!身體健康!

    回覆刪除
    回覆
    1. 祝萬事如意龍馬精神五富臨門出入平安^^

      刪除
  12. kaka........................................................

    回覆刪除
    回覆
    1. 咩事咁開心啊,中左六合彩?.....XXXD

      刪除
    2. 基伯開超市,笑人囉!六合彩會克人架!

      刪除
    3. 開超市都唔錯丫,你睇阿李伯就知......
      祝笑口常開XXXD

      刪除
  13. 我都係喜歡在家食早餐,可以食符健康D
    麵包架...只要切多十幾次廿幾次就掌握得到

    回覆刪除
    回覆
    1. 你更之然啦,要煮埋比大爺食嘛wakakaka....
      咁真係要好認真地學習先得^^

      刪除
  14. 回覆
    1. 有冇買架麵包機玩下?
      屋企有焗爐也可以周時練習下^^

      刪除
  15. 就算返工你都在家自製早餐,基爾真係估你唔到,我都係放假才有心情在家食早餐咋!
    有d咁嘅切麵包唔凱又幾方便喎~

    回覆刪除
    回覆
    1. 返工會煲個麥皮送麵包,其實都好簡單好快手,放假先搞啲複雜少少,費事搞到遲大到啦....XXXD
      用來切大舊方包果類係幾方便唔會切扁晒個包,不過HK出街買方包好多時已經切好晒,用唔著喱個切包架:P

      刪除
  16. Gael兄的半退休生活真係令人嚮往!!
    如果森伯N多年後退休都想多些時間做自己想做的事~~
    雖說自製早餐健康,但見你餐單都幾肥吓啵~@@

    回覆刪除
    回覆
    1. 其實我都非常嚮往森兄早前的home office.......我成日形住再過多廿幾三十年,應該再無人咁鬼麻煩日日逼巴士逼地鐵返工既浪費塞車時間又無聊,隨著internet不斷進化,相信到時九成人都係home office,慳返無謂的上下班塞車交通時間!
      如果想再食得健康啲,我發覺用牛油果夾麵包都係不錯選擇,不過老家的牛油果賣得較貴,一般要成十幾蚊一個:P

      刪除
  17. 我喜歡自己整麵包, 因為家人食咋,哈哈哈。

    回覆刪除
    回覆
    1. 我諗你整乜,屋企人都鍾意食㗎啦wakakaka....

      刪除
  18. 現在出面食D早餐,有D食完好似「一陣風」咁。(OK,你可以說「咁叫兩份嘛」的=P)

    回覆刪除
    回覆
    1. 似一陣風味好囉,依家成日叫人唔好食十成飽,只食六七成飽先最健康㗎嘛XXXXD

      刪除
  19. 只有出外旅行時,才會舒舒服服,慢慢吃個早餐。

    回覆刪除
    回覆
    1. 溫泉旅館的早餐得特別正,值得花時間慢慢歎^^

      刪除
  20. 我有用麵包機 , 真係幾方便 , 但我切得麻麻諗過買切麵包架香港要百幾文 , 我覺得太貴冇買 .

    回覆刪除
    回覆
    1. 其實都幾方便嘅,因為可以校時間掣,基本上朝早一起身就焗好個熱辣辣面包了....
      原來要成百幾文港紙咁貴,會唔會試下網上買大陸產品,唔知會唔會平啲!我以為這只是塑膠架不會太貴呢!

      刪除
  21. 我如果唔出街玩時,都會係屋企煮下早餐~好食好多架.

    回覆刪除
    回覆
    1. 我見你地去露營都帶齊晒野去煮^^

      刪除
  22. 我屋企有早餐食. 同事們就會食mcdonald 早餐, 所以無人會同我去mcdonald 食 lunch~

    回覆刪除
    回覆
    1. 食lunch就同同事去食下啲好野囉,麥記留返食下午茶先去啦^^

      刪除
    2. 我都覺!同埋依家食个好簡單lunch都成四五十好Q貴....XXXD

      刪除
    3. 近期去咗2間較好味既酒樓, waiter 自己同我地講酒樓就快唔做啦~

      刪除
    4. 都幾可惜.....依家飲食業競爭都好大,舖租又貴

      刪除