2018年2月26日 星期一

舊金山居閑話@Golden Gate:上

有blog友投訴話成日只係逛超市和outlet好似都無乜風景睇下,其實異鄉喱邊D景點來來去去都係果幾處地標,應該好多人都去過晒,不過基爾點都會去到此一遊打下卡!



來到金山如果唔到一到金門橋,會唔會畀人鬧?基爾喱朝早吃過早餐見天氣勁靚(入冬後這裏其實是雨季),一於出發去影下靚相!來到大橋旁停車場喱邊已接近中午,上圖紅色果間係遊客中心,同紅色金門橋襯返色。



悶D都要講返少少歷史背景,金門橋建於二戰前的1937年,工程歷時4年,橋塔高達227.4米、總長度2737.4米,連接三藩市與北邊的Marin Headlands(馬林岬角),跨越三藩市灣和太平洋之間的金門海峽,當時是全球跨距最大的懸索橋。上圖是位於觀景台的Joseph Strauss銅像。



這位史特勞斯先生就是大橋的總設計工程師。上圖有成班小朋友玩緊果條鐵鍊,其實是展示建造金門橋的原理,解釋為何經歷了1989年的三藩市大地震後,大橋仍可屹立不倒。



再在橋上看風景!在金門大橋上可遠眺三藩市灣無敵靚靚海景,遠處比較多高樓大廈的地方就是三藩市市區。可能位處海峽中間,在橋上行走時其實都幾大風。如果有足夠腳骨力可以行晒全條橋(2km左右而已),也有不少人來跑步或踩單車過橋。如果駕車就要畀過橋費,採單向電子收費USD$7.5(約HKD$58)。



以前細個時可能奇怪為何金門橋唔係金色的,看照片才發現原來是紅色的,這種紅漆原來還有個名堂,叫做「國際標準橘」,據說是為了即使遇到大霧天氣仍要清晰看到橋身之故,後來這種紅漆就成了金門橋的標誌,深紅橋身與峽灣的藍天碧海完美構圖就成了80多年來三藩市的地標。

59 則留言:

  1. 我依家先知係可以用腳行。

    回覆刪除
    回覆
    1. 2k唔算好長,都幾好行嘅,唔行也可以踩單車過橋,最重要係唔駛錢㗎啱你^0^

      刪除
  2. 我記得啲人一定坐纜車同九曲十三彎嘅街
    無記錯, 黎明同張曼玉有套戲都係三藩市拍架

    回覆刪除
    回覆
    1. 九曲街無位泊車所以都無落車,齋經過望下就算:P
      黎明張曼玉我只記得甜蜜蜜,即刻上網search過原來仲有套叫《一見鍾情》,我諗應該係喱套了吧!

      刪除
  3. 乜金門橋過橋費加到七個半美金?記得以前好似係一蚊咋...
    仲有,曾經聽人講過,金門橋嘅上空係永遠都有雲層遮蓋住,哈哈,原來唔係嘅!

    回覆刪除
    回覆
    1. 佢依家單向收費,唔知以前係咪?
      依家好似係網上畀錢,不設收費亭!
      我諗如果遇上落雨時節又或者春天,可能影到大霧金門橋的機會高少少,我去果陣就天朗氣清呢!

      刪除
  4. 不會投訴,多謝分享才是!之前你讓我認識有些超市原來咁漂亮!

    回覆刪除
    回覆
    1. 你太客氣了,寫blog依家我都係好隨心......(可能有人會覺得係求其啦XXXXD)

      刪除
  5. 超市都好呀,不過有風景更好.

    回覆刪除
    回覆
    1. 喱度望落我突然醒起你在青衣影得青馬橋,個view好似都有點異曲同工^^

      刪除
    2. 顏色唔同,但真係有啲似.

      刪除
    3. 所以HK其實都有好多世界級景點^^

      刪除
  6. 無論行街市定超市…行公園小橋定金門橋, 森伯都冇設訴照睇架啦!!!!
    點解成日會有班小朋友玩條鐵鍊?!!!參觀者?!!!

    回覆刪除
    回覆
    1. 所以咪成日話森兄最捧場囉,最緊要唔怕悶wakakakaka....
      係啊,咁佢都係展覽出來畀遊客睇嘅,好似科學館果啲展品都係好多小朋友玩!!

      刪除
    2. 乜最捧場都係得個”話”字咋!!!我仲以為有獎品~~XXD
      話明捧場,悶都要睇啦……何況唔係悶~~~XXXD

      刪除
    3. 森兄的留言永遠是基爾繼續hea寫的最大原動力....wakakaka!!!

      刪除
    4. gael兄真係識講嘢嘞…
      我都順祝gael兄在他方有個溫馨 + 浪漫的元宵節!!

      刪除
    5. 森兄食咗湯丸味呀^^

      刪除
  7. 你有冇以為金山呀伯都係金色

    回覆刪除
    回覆
    1. 有啊....佢地好似八兩金咁成身戴滿金㗎嘛,唔係咩?!!XXXD

      刪除
  8. 美國都有風景睇。不過在SF就係睇LANDMARKS囉。出到外面就有很多天然奇景睇。

    回覆刪除
  9. 交通非常繁忙㗎,好怕peak hour揸車。

    回覆刪除
    回覆
    1. 希望過多十幾年科技再進步啲就可以個個都home office....yeah!!!

      刪除
  10. 有冇行晒全條橋基仔伯? kaka...

    回覆刪除
    回覆
    1. 睇我個樣都知無啦.....仲問!!!XXXD
      但有坐車過晒條橋去對面岸^^

      刪除
    2. 等到patpat開花了還未有得看.....XXXD

      刪除
    3. 會出靚樣所以私有化呀?....XXD

      刪除
  11. 呢日天氣真係勁好..一粒雲都無~~~
    係屋企黎呢度遠唔遠架?
    行下都ok喎~~~不過一行就係來回咁樣喇喎~~4km~

    回覆刪除
    回覆
    1. 基本上都係好好天^^
      都算還㗎,都要成個幾鐘!
      來回4km其實都幾啱跑步喎wakakaka....

      刪除
    2. 拿拿拿~我無投訴架~我鐘意睇超市架~
      望見張相我已經覺得好曬~~~~
      個幾鐘車對我地黎講好遠..但對美國人黎講好近XXD
      跑又OK喎~不過最驚跑到成身汗臭亨亨又上番車~

      刪除
    3. wakakaka....鍾意睇就ok^^
      都幾乾幾晒,但又唔會熱,會幾大風,都有點涼:P
      我諗唔算遠㗎啦,有啲遠到坐車會坐到悶XXD
      如果之後即刻返屋企沖涼都ok嘅,同埋喱度天氣始終乾燥好多,十幾度其實跑起來不會感到出太多汗,一出汗都好快蒸發晒唔會好似HK咁黐立立!

      刪除
  12. 很久以前來過一次,遠遠的拍了幾張照片,不知道橋可以讓人慢慢走,看看橋下風景。

    回覆刪除
    回覆
    1. 旅程總是值得回味^^
      如果有時間很值得在橋上走走,又或者踩單車也好,HK我諗好少機會可以走走這類大橋,除非參加馬拉松:P

      刪除
  13. 呢個地標我都曾經到些一遊。

    回覆刪除
    回覆
    1. 係囉我都估好多blog友都有去過.....

      刪除
  14. 喺海岸線旁觀光/駕車舒舒服服好享受!

    回覆刪除
  15. 其實探親肥人又覺得唔會日日都去景點, 正常嘛~
    ENJOY探親之旅就夠啦, hahaaa
    依...但係你已經係舊金山成兩個月啦~? 幾時會返香港呀咁?定唔返?

    回覆刪除
    回覆
    1. 無乜去睇景點呀,所以唔好期望太多wakakakaka....

      刪除
  16. 經歷了1989年的三藩市大地震後,大橋仍可屹立不倒----->呢個係最堅實的信心保證。^_^

    回覆刪除
  17. 金門大橋係我唯一細個就知道嘅外國跨海大橋!

    回覆刪除
    回覆
    1. 同菲傭公司一樣細細個就知......XXXXD

      刪除
  18. N 年前到過這裡 , 印象好似冇銅像和掛同心鎖 , 導遊衹講這條橋每年從頭用油漆油到另外一邊剛好要一年的 .

    回覆刪除
    回覆
    1. 我諗用紅色油漆有個最大好處,就係生锈都唔係太覺眼...XXXD

      刪除
  19. 我911個年年尾去SF. 漁人碼頭無晒遊客無氣氛.

    回覆刪除
    回覆
    1. 果陣風頭火勢,真係無乜人咁大膽仲去美國喎@@

      刪除
    2. 我本來買咗10月去rockies, 結果延期到12月去SF :(

      刪除
    3. Rockies正呀!好多自然風景睇....
      之後仲有冇機會去返?

      刪除
    4. 講咗10幾年都未成行^^

      刪除
    5. 如果自駕去會好正....^^

      刪除