2018年7月27日 星期五

跟住雷神過大海@黃枝記

上回講到原本想去李康記食碗豆腐花,點知無奈地變了吃閉門羹,幸好古舊的十月初五都仲有唔少野睇,總算沒浪費了腳骨力。



沿街有唔少上圖這類兩三層高的老房子,相信大多都是前舖後居的老店,陳舊的屋頂瓦面除了有一綑綑不知從哪裏接駁到哪裏的電線外,就是石隙夾縫間生長出來的雜草野籐,與油麻地果欄那類百年老建築如出一轍。



沿街其實就長這樣,應該唔係咁多人好似基爾咁喜歡去行這類橫街窄巷吧!事實上這裏也不算是什麼逛街買手信的熱門地方,也不太覺有大陸拖篋大媽來這區買奶粉,卻有濃濃的地道民生百態。



一路漫無目的地行到街尾就見到屹立於街角處的黃枝記,雖然這間香港也有開分店(像義順牛奶),但基爾好像一次也沒幫襯過,反而來到澳門才有機會處子光顧。「無酒安能邀月飲,有錢最好食雲吞」……Menu上這副對聯又幾搞笑喎!



店裏比較特別係這幅「懷舊價目表」,幾十年前一碗細蓉(即細雲吞麵)原來只售3毫子,蠔油菜遠反而要5毫。蝦子撈麵要收1蚊,同大碗牛腩同價!有冇人知「孖水」係乜?



基爾其實都唔知,上網翻查先知係粗麵。來這店當然要試試著名的竹升麵,新鮮的蝦子撈麵還是第一次食,真係比普通蝦子麵香好多,雖然售價要成70幾蚊都值得一試!另外還叫了碗淨雲吞都要差不多50大元,再對比返「懷舊價目表」一睇,真係要慨嘆通漲猛於虎!



之前行過去李康記卻吃了閉門羹,心裏納悶始終想吃碗豆腐花作甜品才算圓滿。結果在街上無聊地行下行下,基爾又行到來這間榮記,咁一於去食返碗補數,雖然一碗凍豆腐花要收8蚊雞好似仲貴過香港,不過唔理咁多食左先算啦(返到屋企先食腐乳撈冷飯粥)!



黃枝記 Wong Chi Kei
新馬路十月初五街51號

榮記豆腐麵食 Sopa De Fitas Wing Kei
新馬路果欄街47號地下

62 則留言:

  1. 去過幾次, 都無食過呢間
    70蚊, 都幾貴呢

    回覆刪除
    回覆
    1. 澳門都有几間店不難找!
      係呀蝦子面當中佢都算XO級!XXXD

      刪除
  2. 回覆
    1. 不是處子其實也可光顧大夫不用擔心照去沒問題!XXXD

      刪除
  3. 一碗雲吞食落肚
    買單盛惠八萬五
    垂死老闆驚坐起
    笑問客從何處來

    回覆刪除
  4. 懷舊價目表嘅價目仲識睇,叻喎.我小學時學,唔記得七七八八了.

    回覆刪除
    回覆
    1. 係呀以前返學會教,學䁱去街市唔驚畀人呃嘛XXXD

      刪除
  5. 回覆
    1. 但好彩都好食,當作旅行計一試無妨嘅!^^

      刪除
  6. 香港澳門黃枝記都未幫襯過,原來都幾貴。

    回覆刪除
  7. 依家出外食,唔好計較價錢,費事食唔落呀

    回覆刪除
    回覆
    1. 係啦!如果計落自己屋企下廚最抵食,啱自己口味之餘又可以少塩少油少糖健康D^^

      刪除
  8. 吃到新鮮的蝦子撈麵,真開心,銅鑼灣的分店我幫趁過,未算有驚喜。

    回覆刪除
    回覆
    1. 叫做試下見識下人地D名店^^
      香港店反而我未試過唔知多唔多人呢?

      刪除
  9. 懷舊價目表----->下面有沒有字仔寫明僅作裝飾?=P

    回覆刪除
    回覆
    1. 佢下面好似都有張紙仔注明係六十年代珍藏品之類咁嘅!^^

      刪除
  10. 黃枝記中環嗰間都唔錯的,涷豆花香港應該8蚊唔得呱?

    回覆刪除
    回覆
    1. 原來中環都有咁都几多分店喎!
      其實我都好少食到新鮮豆腐花,食都係食超市百福果D係咪十几蚊有两盒?

      刪除
  11. 70太貴了,下次試蟹黃撈麵都係50+

    回覆刪除
  12. 70貴!! BUT HK's 蝦子撈麵 ALSO expensive. (~HKD60) Can't remember the shop's name.
    (Sorry, can't type in Chinese. MY PC is Crazy!! )

    回覆刪除
    回覆
    1. 我都估可能新鮮蝦子本身就係貴啦:P
      唔緊要英文一样oK!^^
      係咪輸入法果度有問題?

      刪除
  13. 有錢最好食雲吞, 可能因為通漲勁,所以想出這一句! :D

    回覆刪除
  14. 有時出去玩去食東西,又好少留意個價錢,無論貴定平,好多時都少機會再幫襯…所以冇乜在意…

    回覆刪除
    回覆
    1. 絕對係啦,所以咪話好多時遊客錢最易賺囉XXD

      刪除
    2. 去遊玩又不是經常,就算搵笨都係一次半次啫…
      睇咗咁多集,個雷神出咗未?!是否來自北方那位?!...哈哈哈

      刪除
    3. 係呀去旅行好多時為求開心,出手都要鬆啲XXD
      出咗啦!!第一二集出了,出發時有雷暴過大海,在澳門也下大雨呢^^

      刪除
  15. 澳門橫街小巷有好多隱世食店!

    回覆刪除
    回覆
    1. 其實可能本地人唔覺得隱世,係遊客可能覺得隱世少少啫...XXD

      刪除
  16. 好似連我都無食過黃枝記~~~
    因為我對蝦子麵無咩渴求~@@
    我覺得都係李康記最好食!

    回覆刪除
    回覆
    1. 我諗唔係你杯茶啦,澳門美食大多選擇了^^
      不過新鮮蝦子面係真係香好多....
      你一定知你地啲食店都係好有性格隨時話休息唔開門就唔開㗎嘛XXXD

      刪除
  17. 澳門真係好恐怖..又貴又細碟...

    回覆刪除
    回覆
    1. 可能佢係好心啫,唔想破壞你個keep fit大計嘛.....XXXD

      刪除
  18. 蝦子撈麵好多年食過一次,其實都無咩好特別,70蚊真係好貴囉!

    回覆刪除
    回覆
    1. 相比起一般乾面餅那類蝦子面,我覺得味道係香濃啲:P

      刪除
  19. 孖水我知是甚麼!
    小巷處處是風光。
    撈麪豆花不算貴,
    開心不是錢可量。

    回覆刪除
    回覆
    1. 犀利喎阿摩,其實點解叫做孖水呢?
      對,你有地膽帶路一定去過好多小巷^^
      其實好食的話都ok嘅
      絕對係,不過當然錢也可帶來開心的便利吧wakakakaka.....

      刪除
    2. 孖水係只有水和梘水造的麪,沒有加蛋。

      刪除
    3. OIC~~~~!!原來這名稱由來有這樣的典故,阿摩唔講真係唔知呢!!果然博學,讚^^

      刪除
  20. 70幾蚊碗麵!!
    係香港就唔捨得食啦,如果係旅行都會試試既~

    回覆刪除
    回覆
    1. 叫做一試㗎咋,平時真係唔係好捨得wakakaka....

      刪除
  21. 旅行在外,有時為了嚐鮮,又有好奇心,都係以吃為先了。早幾年我去泰國和大馬,自費都是不大理會價錢是否超貴。

    回覆刪除
    回覆
    1. 絕對係,去旅行都係想試多啲唔同新奇有趣事物,花點錢是值得,寧願回家後慳啲日日白粥送青菜囉XXXXD

      刪除
    2. 呵呵!基哥使唔使日日都食白粥呀? 腸胃有事吧?
      我記得那年去廣西賀州和黃姚古鎮,全程都沒有自費去吃喝的節目,但係回港之後,我餐餐都要吃白粥,因為在廣西全程的食物都很多油!
      食到滯了! 回家之後,只能吃得下白粥與豆豉。

      刪除
    3. 其實食白粥都好健康,正如你所講食太多油膩菜式回來後可以食白粥清腸胃嘛!
      在外邊食飯油鹽糖較濃好難避免,所以都要靠日常生活食返清啲,先夠健康^^

      刪除
    4. 可能廣西一路上去吃的都是鄉下人煮的餸菜,他們認為下多些油才會好吃,所以肥膩得很! 跟去華東上海浙江南京的城市的團都冇下咁多油。

      刪除
    5. 我諗食物健康常識都要靠知識和經驗累積,可能再過多十幾年內地人才學會健康飲食的可貴吧^^

      刪除
    6. 廣西實在太過偏遠,有些鄉下人只懂得食物要多下油才覺得豐足。而上海南京等地的大城市,人們的知識水準高,都會害怕三高,不用等十多年。

      刪除
    7. 從前農夫耕田卡路里消耗大,食肥D唔怕足夠消耗晒!依家唔洗耕田就唔可以食太肥了:P

      刪除
    8. 聽說以前的耕種人家,體力消耗大,早午晚都是靠吃飯菜來補充體力。不是天天有肉吃,也不會隨便劏雞殺豬來吃,也許雞蛋會常吃到。當時的農民只有在過年過節、招呼客人吃飯才會殺牲口來做餸。
      所以平時喜歡下很多的油來煮食。

      刪除
    9. 咁你又講得啱!我諗以前多數大時大節生日果D日子才有肉食吧!
      其實以前飲食最organic冇防腐劑激素果D化學嘢夠晒健康!

      刪除
    10. 基哥也說得很對,農民的勞動力大,才可以接受得那麼多的油份。
      不過你估好似香港啲小朋友咁,細細個就在學校開生日會,大人也年年為小王子、小公主做生日慶祝。
      如果一個貧農,到了60歲都未必有錢擺酒慶祝大壽gar。

      刪除
    11. 係呀,所以城市人都要有適量運動先得,因為美食實在太豐富了XXD
      反而我由細到大都唔特別恨搞生日會,年紀數字也不會特別記得呢wakakaka....
      依家人壽普遍都八九十,至少七十先搞大壽吧!!!其實好多人天天都好似擺酒咁豐富,最緊要係食得健康^^

      刪除
    12. 古人年壽較短,60大壽已經很隆重。一般名人都是50多歲左右。
      所以有句俗語:「人生七十古來稀。」以前日本的人壽高,世界知名!
      現在香港已經超前了,成為世界上最多長壽的人口,80多歲比日本更高一點。

      刪除
    13. 古時醫藥科技無咁先進,可能一般富戶人家會好少少,可以擺大壽!平民百姓都係祈求衣食豐足已經好幸福了^^
      長壽得來最好是社會福利配套支援要足夠,日本這方面相信先進好多倍呢!

      刪除
    14. 曾經在電視上看過一套講日本老人的紀錄片,他們的老人宿舍真是辦得很好。至於韓國的退休人士多數開炸雞店,但也不一定賺錢。
      韓國的老人也有住在狹窄劏房的。

      刪除
    15. 我都覺得長者如果有工作也是件好事,一來有穩定收入,二來也可有精神寄托,而且又可以keep住同社會有聯系,人都可以精靈醒目啲^^

      刪除
  22. 榮記以前出名係豆腐麵,早幾個月試過覺得退步了

    李康記就保持水準

    回覆刪除
    回覆
    1. 榮記幾抵食,味道都ok
      李康記要留返下次先再去了:P

      刪除