2018年7月7日 星期六

跟住雷神過大海@路氹歷史館:下

唔嫌悶的話,就繼續跟基爾行埋路氹歷史館二樓的幾間展覽廳吧!



往二樓的樓梯鋪設了紅地氈,感覺係咪都幾grand,牆邊仲擺了一set古裝武俠片常見的中式古代兵器,即使諗起細個時玩的那種膠劍仔玩具



二樓又有D石磨和農具睇,以前在香港的博物館好多時都有見過了,為慳時間所以都無再逐個去睇文字介紹,求其影下相就走。



雖則話滾水淥腳,不過上圖喱間房又幾靚幾值得駐足睇下喎!原來佢係原本海島市政廳的會議室,桌椅窗簾和牆上的掛飾都保留了上世紀的原貌,係咪好有殖民地色彩!



其實地下果陣仲有間房展示了海島市政廳地下室石結構遺址,地面鋪了強化玻璃可以透視睇到下面D舊石砌石板路面,不過因為間房太暗就無影到相了。上圖左是大門內的天后像。



歎夠冷氣就行返出官也街野少少手信野食先。不過這天有幾間老字號沒開門,晃記牛耳也賣晒,咁買肉切酥和蝦米卷啦(發覺貴了好多)!再過隔籬文記買埋紅豆餅和香蕉糕,特登唔買杏仁餅住因為想去其他店舖買。臨走時仲經過上圖喱間氹仔中葡學校。



拎住大包小包行返過去銀河果邊,慶幸唔算買太多野一次過可塞晒入背囊算數。來銀河主要係想搭返佢架shuttle出市區,一來慳返D錢,二來前一日坐過巴士勁兜路怕過鬼浪費時間!



咁既然一場來到銀河,順便都睇埋佢個大堂鑽石噴水池show先走啦!睇銀河個網頁介紹話,喱個係所謂「銀河十景」之一來的(唔好問其餘九樣係乜野),又真係幾巴閉咁喎!



大鄉里基爾都係第一次睇,又真係幾grand幾靚,中間果粒大鑽石升起果陣,四圍圍觀果D北方大媽大叔係咁閃閃光燈閃到眼花……



至於噴水池隔籬個賭場的門面design都幾靚喎,係咪有D似孔雀開屏feel?唔知同風水有冇關呢又?由於要趕住出返去大門外面等shuttle,所以就無謂入賭場混吉了,下次來先入去參觀吧!



等免費shuttle果條龍其實都幾鬼長,結果等了兩架巴士先上到。人多都要等除了因為唔駛錢之外,最主要仲係佢唔似得搭Transmac咁勁兜路,由銀河出去外港碼頭大約15分鐘已到了,真係直接好多兼慳時間好多喎!

53 則留言:

  1. 個鑽石show我都未睇過,唔知點解同我去既人都冇乜興趣,搞到我都冇得睇 @@

    回覆刪除
    回覆
    1. 我去到時見只須等10分鐘就開show,所以先等下咋,其實都幾色彩繽紛幾得意嘅,如果時間剛好都不妨一睇^^

      刪除
  2. 銀河個大堂鑽石噴水池show我都睇過和影過,的確很華麗,完show後我覺得鑽石和華麗,像完show一樣,過眼雲煙!

    回覆刪除
    回覆
    1. 大鑽石由噴水池升起都幾grand,很有點璀璨色彩,同賭場本身都幾夾....XXD

      刪除
  3. 澳門旅遊局應該要感謝你的推廣啊。

    回覆刪除
    回覆
    1. 咁至少我要問埋湖北旅遊局和加州旅遊局收錢先得喎....XXXXXD

      刪除
    2. 諗住俾支錦旗你算喇。=P

      刪除
    3. 乜依家仲興頒錦旗㗎咩?XXXXXD

      刪除
  4. 銀河個大廰水池真係靚, 好似拍周杰倫的功夫藍球的地方!?

    回覆刪除
    回覆
    1. 係咩係咩!!@@
      我都無睇喱套戲添:P

      刪除
  5. 膠劍仔玩具我記得有一款好似牙籤咁上下size嘅。

    回覆刪除
    回覆
    1. 王子果係有返咁上下「資深」.....XXXD

      刪除
  6. 回覆
    1. 仲有一個好大的觀音像在海邊呢

      刪除
  7. 我去澳門都係搭賭場免$巴士

    回覆刪除
    回覆
    1. 當係社會福利囉,反正賭場咁賺錢....XXD

      刪除
  8. 🙄🙄🙄😤😤😤😴😴😴

    回覆刪除
  9. 呢間歷史館可能比較隱秘、唔易揾....

    回覆刪除
    回覆
    1. 都唔算好隱秘,就在氹仔舊墟官也街果附近而已

      刪除
  10. 難得gael兄仲好支持澳門的傳統美食…

    回覆刪除
    回覆
    1. 去到澳門,只睇銀河個景都值回票價…

      刪除
    2. 去澳門通常係食喱啲啦^^
      唔算好支持㗎咋,否則唔會成十幾年無去啦XXXXD
      同埋太貴啦,佢地要背靠祖國同胞支持多啲wakakaka....
      如果咁啱行過果度都值得去觀賞下嘅

      刪除
  11. 我鍾意睇呀,亞媽說啲本地小店杏仁餅好啲。

    回覆刪除
    回覆
    1. 咁繼續follow下囉^^
      小店有些出品比較特別,不會千篇一律

      刪除
    2. wakakaka....多謝賞面^^

      刪除
  12. 澳門其實不去賭場都仲有D景點睇的.

    回覆刪除
  13. 澳門咁細...博物館都幾多,其實細區裏面個餡真係冇乜嘢睇,我最欣賞就係佢哋嗰間,海事博物館 裏面的藏品真係多過香港好多。

    回覆刪除
    回覆
    1. 海事博物館唔記得有冇去過,下次再去就留意下^^
      去感受下金光燦爛以外的悠閒,也是很值得的呢....

      刪除
    2. 海事博物館裡面好多木製比例古代帆船。

      刪除
    3. 我都好鍾意睇船,記得那次在斯德哥爾摩的博物館也看過出土的古代沉船,很宏偉壯觀

      刪除
  14. 歷史館肥人去過呀, 為左涼冷氣..hahahaa
    不過都有認真咁睇架, haha

    回覆刪除
    回覆
    1. 係呀,尤其係夏天烈日當空,有這些地方過一過冷河也是好事呢^^

      刪除
  15. 坐免費巴好方便又唔兜路,英明))))^^

    回覆刪除
    回覆
    1. 搭賭場shuttle是王道!!wakakakaka.....

      刪除
  16. 膠劍仔我都有玩過架,中秋係咪仲有D發光嘅膠劍仔?
    博物館我同你一樣一般都唔會逐個去睇文字,因為太多太大,會挑選一D有興趣才慢慢睇

    回覆刪除
    回覆
    1. 發光劍仔係指用螢火棒整果啲定真係似Star War果隻先?
      尤其是去到外國果啲,真係大到無朋友,如果要逐一仔細睇真係睇一個禮拜都唔夠XXXD

      刪除
  17. 哈哈~又幾叻仔喎~~搭發財巴去澳門~但你由官也街行去銀河都好叻叻..我成日經過覺得條馬路好難過..
    銀河十景真係聽都未聽過@@

    回覆刪除
    回覆
    1. 係呀方便同埋快好多,不過就要排長龍:P
      絕...對...同...意!!!果條馬路要花點時間才過到wakakaka...
      連你都未聽過呢~~~~~

      刪除
    2. 等一陣JE~好過係巴士上迫迫貢又無位坐~
      好似係班馬線?同埋D車成日都好高速咁過唔讓你!!!
      未啦~~~~~邊得閒理佢D咁既景~~~WAKAKAKAKA

      刪除
    3. 所以你地好需要一條輕軌,如果有輕軌貫通市區路氹其實可以直情唔駛要巴士啦XXXD
      咪係囉,澳門以前畀我印象係會主動停車畀人過㗎嘛:P
      佢個shopping centre都幾好行,我都行咗陣

      刪除
  18. 澳門啲巴士又慢又多人,但有時去啲遠地方都要搭:(

    回覆刪除
    回覆
    1. 而且又勁兜路,要好有耐性先得XXXD
      去路環一般都要搭巴士啦^^

      刪除
  19. 歷史館咩都有啲 , 幾多元化喎 .

    回覆刪除
    回覆
    1. 如果喜歡舊事舊物的話都不妨去逛逛^^

      刪除