2018年1月25日 星期四

珍郵庫@地質公園增郵

睇了咁多篇金山blog係咪想放返個小息?會唔會有人又有少少掛住基爾D郵票呢?2018年度的新郵其實在年頭已經掀開了序幕,搶閘推出的不是慣常見的生肖郵票,而係下面喱一套……



進入2018年原來郵局即加了郵費,所以順帶推出新增面值的通用郵票,至於依家郵費加到幾錢?由於本身寄信的人就不多,可能無乜人會留意到。講返這套地質公園通用郵票原來已是2014年推出的(之前果套雀仔系列都好靚),翻查大典舊網誌都有寫過,有興趣睇返全套有乜地質公園景點,可以click返入去:珍郵庫@香港世界地質公園



睇返今次新增的3款面值分別係$2.6馬屎洲、$3.4印洲以及$4.9花山;馬屎洲之前踩單車踩去三門仔好似有離遠望過一望;印洲因為去烏蛟騰行山有路經印洲塘,對那裏的紅石有很深刻印象(想睇返可click返去:穿山甲喪行@烏蛟騰);至於花山海岸據簡介稱是近萬宜東壩和糧船灣一帶,是觀賞六角石柱的核心區域,咁萬宜的六角柱基爾年前都有去睇過(可重溫舊網誌:萬宜浪茄地質行:下@西貢),所以今次新增的3處地質公園都算是新界東熱門行山點了!

2014香港通用郵票新增面額:地質公園
發行日期:2018年1月1日

45 則留言:

  1. 回覆
    1. 部份都會㗎,因為其實都好耐無去過了......

      刪除
  2. 記得之前平郵$1.70~~現在加到幾多錢?!!$2蚊?!!
    行晒三個景點犀利喎!!!

    回覆刪除
  3. 不知為何電郵收到森兄的留言但blog裏卻沒有,咁就在這裏貼上再回應吧:
    森:記得之前平郵$1.70~~現在加到幾多錢?!!$2蚊?!!
    行晒三個景點犀利喎!!!

    回覆刪除
    回覆
    1. 森兄說得沒錯,好似本地平郵已加至$2,相信加幅仍是合理範圍內吧!
      至於那三個景點,真係很久很久以前去過,近年都少了去行山,懶咗好多!!:P

      刪除
    2. 其實消失留言唔止第一次…
      我仲以為畀gael兄Delete咗…

      刪除
    3. 依然係電郵收到森兄留言但blog裏無影無蹤,奇哉?????!!!@@
      其他人又唔會喎!點解呢?
      唯有繼續在這裏補貼森兄留言再回應:
      森:其實消失留言唔止第一次…
      我仲以為畀gael兄Delete咗…

      刪除
    4. 森兄見基爾咁辛苦都要補貼返你個寶貴留言,就知我一定沒可能會delete你啦....XXXD

      刪除
    5. 近期留言有少少問題o既,前兩日剛剛正常返囉.

      刪除
  4. $2.6三門仔馬屎洲
    $3.4印洲紅石
    $4.9花山六角石柱

    回覆刪除
  5. 回覆
    1. 本地最普通寄明信片寄信寄水費單果隻咁輕係兩蚊!
      兩個六我估係再重少少!

      刪除
  6. 華!!地質公園!!唔錯喎~我之前都好想去香港地質公園逛逛~不過夏天又話太熱冬天又話太凍...d女仔真係煩屎人~~~~~哈哈~~
    你寫咩我都鐘意睇架啦~

    回覆刪除
    回覆
    1. 夏天又話太熱冬天又話太凍<====又真係有啲㗎喎,我唔係女仔都覺得係wakakakaka!!!!
      嘩嘩嘩.....啲女仔好識講嘢!!XXXD

      刪除
  7. 印洲要行餐死,都係睇郵票算喇 :P

    回覆刪除
    回覆
    1. 你鍾意影相,我諗都幾啱你喎,風景是很美的呢

      刪除
    2. 係就係,但係咁遠水路日落後好難走哦.

      刪除
    3. 想影日落可以選擇去白泥西環碼頭和西九^^

      刪除
  8. 東壩果度,行入去(OR行返出嚟一來一回)對不少人來說屬長程,但係好似現在咁俾的士出出入入,行麥徑又有點像在「路邊行」,間歇聞廢氣。

    回覆刪除
    回覆
    1. 東壩我諗周末假日真係幾多車出車入,如果係閒日就好少少啦:P

      刪除
  9. 今次D設計簡簡單單夠真實感,表演到HK既美景

    回覆刪除
    回覆
    1. 夾返之前果set,設計都唔錯,不過如果用實際照片就大張少少好一點......
      我估下次再出通用郵票多算用返簡約圖像!

      刪除
  10. 其實香港都有好多靚嘅地方。

    回覆刪除
  11. 回覆
    1. 喱幾處都算熱門,不過較偏遠,路程會長少少^^

      刪除
  12. 郵票設計很美,用本地風景我最讚。

    回覆刪除
    回覆
    1. 香港啲大自然風景其實也不錯的!!

      刪除
  13. 地質公園景點咁多,應該出唔晒,仲有機會增加!

    回覆刪除
    回覆
    1. 世界遺產我諗景點都幾多,不過喱套通用郵票都出咗3-4年,我估多數明年會換全新一set,你有冇好提議用乜主題?
      咦...其實本地漫畫人物都好值得用來出通用郵票喎,我諗好多人會買^^

      刪除
  14. 我有個怪異想法,如今之郵票大多都有…比如歷史,旅遊,人物等等之介紹。所以,假如郵票可以做大一點(double size),那便更能使人欣賞設計的原意,而且收藏價值也增多呢…

    回覆刪除
    回覆
    1. 通用郵票(即係以前女皇頭果隻)一般唔會設計太大張,主要係實際方便使用吧!如果用來貼小型信封又或者明信片之類,貼太大張郵票會無乜空間寫字XXXD
      至於出其他紀念郵票多數出埋較大張的小型張或小全張,設計也較多元化,收藏價值一般都比散賣郵票高一點吧?!

      刪除
    2. 好同意你既說法,我細個都有集郵,印象中大陸既郵票會大D,睇到既畫面感覺都靚好多!

      刪除
    3. 對啊,細郵票我覺得都好考設計者的功力,太複雜的圖像唔係咁適合用在小型郵票上,因為跟本看不清楚呢!
      細郵票都係用返簡單抽象又表達到意思的圖案就最合適了!

      刪除
  15. 講真,我有用新郵票寄信,但睇左呢篇,先知係地質公園!

    回覆刪除
    回覆
    1. 除了報稅表之外,依家我都好少寄信了:P
      用地質公園主題做通用郵票有點浪費咗個靚景,因為實在太細,睇唔到個景有幾宏偉:P

      刪除
  16. 我想說,其實我小時候也有集郵的。如果有些郵票或首日封我想轉贈給你,不知道會不會有這個機會,或者不知道你會不會對於我的收藏有興趣呢?如果擬有,或者你想了解更多,我們可以再聯絡

    回覆刪除
    回覆
    1. 先衷心多謝小恩子...^^
      可惜寒舍實在地方淺窄暫時都無法收納blog友們的珍藏了,所以要先感謝你的好意:P
      thank you so much!!^^
      btw,有空不妨影下放上blog,大家share欣賞下囉^^

      刪除
  17. 完全沒有到過這些地方😥

    回覆刪除
    回覆
    1. 會唔會去join下費迪哥郊遊?佢成日都連體行山呢.....XXXD

      刪除
  18. 咁基爾去晒未?睇基爾同我一樣少行山😅
    之前介紹你沈教授個集郵page有無睇呢~ 我係裡面都學到好多知識。

    回覆刪除
    回覆
    1. 梗係未啦咁多:P
      近年係少咗好多行山,冬天怕太凍朝早起唔到身,夏天又怕太熱會中暑wakakakaka....
      有睇過啊,我都覺得幾有意思,可以睇返好多郵票背後的意義呢

      刪除