2018年1月17日 星期三

舊金山居閑話@Stanford:中

在老家過慣營營役役節奏快的生活,即使weekend放日假也總覺是無事忙,反而在外地就有多點時間,樂得清閒下來,望望花園的樹,再望望樹上的橙,還有那在枝頭間快閃而過小松鼠……



既然咁得閒,就趕快接續寫返上次講史丹福大學的校園遊吧……穿過Main Quad之後,不遠處就見到有座外牆畫滿了天使和聖像壁畫的古老建築物,行近少少睇,原來有塊奠基石簡介,這就是校園裏另一著名地標Stanford Memorial Church。



沒錯,大學校園內竟也有一座宏偉的大教堂!這幢建於1893年的莊嚴華麗大教堂,是史丹福太太為紀念當年離世的丈夫而建。



大教堂裏除了有宏偉的大圓穹頂外,也有歐美教堂常見的五彩鑲嵌聖人壁畫,以及講述聖經故事的彩繪玻璃和天使雕像等。基爾到訪當天,仲有對年近百歲的老夫妻與家人特別來到教堂慶祝結婚75周年的鑽禧紀念呢!



蘋果公司創辦人喬布斯雖然當年不是在史丹福大學畢業,但就曾於2005年獲邀出席在這間大教堂裏舉行的大學畢業禮,並向畢業生們送上了著名的勉勵金句:Stay hungry!Stay foolish。上圖是大教堂裏的唱詩班高壇,背後還有座巨型的管風琴。



在教堂裏試試手機的不同相片效果mode,分別用了局部彩色、懷舊和鮮明活躍mode,出來的效果原來也頗不同!另外還有哈里斯快門、濾鏡、魚眼和萬花筒效果,相信十幾廿年前發明手提電話的人也估不到今天的手機可以發展出咁多拍攝功能吧(當然還有更多的上網和支付功能)!



上圖是教堂大門外精巧的馬塞克鑲嵌畫。教堂門口的地磚上,其實還鋪著從92開始的一系列數字石磚,基爾當時不知有什麼意思所以就沒有拍照了,後來看網上資料才知是紀念自1892年起的歷屆史丹福畢業生而設。

52 則留言:

  1. 估唔到大學都有座咁靚嘅教堂
    唔知某議員當年有無去過呢?

    回覆刪除
    回覆
    1. HK寸金尺土一定無地方起....:P
      某議員係指乜水?

      刪除
    2. oic~~~~~佢原來在這裏讀過....

      刪除
  2. 回覆
    1. 都想去歐洲不過越來越怕坐長途機:P

      刪除
    2. 唔辛苦邊得世界景呀基仔!

      刪除
    3. 所以都好多謝JJ成日影咁多滿地可多倫多阿爾山呼倫貝爾仲有合掌屋畀我欣賞下啲世界景囉....當然仲有好多夜中環和夜灣仔!!!如果下次影靚景仲配合埋靚人就perfect!!!XXXD

      刪除
    4. 哈...美國哩程機,咪仲長時間:))

      刪除
    5. 我幾年先一次,同JJ全年飛果隻無得比㗎喎XXXXD

      刪除
  3. 我公司都有間百年大教堂又有博物館架,幾時嚟?

    回覆刪除
    回覆
    1. Really~~~~~~我都想去你地頭㗎因為咁多年話去話去都一直無去過呢:P

      刪除
  4. 真係置身其間一定目不暇給。

    回覆刪除
    回覆
    1. 去教堂坐坐總有種令人心境平靜的感覺.....

      刪除
  5. 校園大教堂都咁宏偉,大開眼界!

    回覆刪除
    回覆
    1. 我見都有唔少tour會來參觀,可能順便幫啲仔女來探路!

      刪除
  6. 而家手提電話影得好好了,莫講話十幾二十年,連十年8年前都無諗到。如要求不高的話,手機已可取代大部份傻瓜機了

    回覆刪除
    回覆
    1. 當然如果要影到銀哥果個層次又唔同嘅,始終帶大機有保證啲,如果去到天空之鏡或者維多利亞瀑布又或者大峽谷,只用手機影又好似浪費咗個靚景啦^^

      刪除
  7. 尋日都係公園見隻松鼠
    去到尾角都唔買返個唉瘋咁鬼平

    回覆刪除
    回覆
    1. 有冇叫佢落嚟玩下XXXD
      驚唔識用丫嘛都未用過佢啲hi-tech嘢wakakaka...

      刪除
  8. 學校入面有個大教堂, 今次真係大開眼界呀!

    回覆刪除
  9. 好野喎!一魚三吃,咁樣起碼有四五十篇,可以寫到秋天喇!

    回覆刪除
    回覆
    1. 慢活慢寫丫嘛,JJ最懂喱啲......XXXD

      刪除
  10. 呢個教堂又真係幾靚喎。

    回覆刪除
    回覆
    1. 好似話校友係可以排期在這裏行婚禮的呢

      刪除
  11. 75周年的鑽禧紀念,真係不容易,特別是在現今世代。

    回覆刪除
  12. 一磚一瓦都有特別意義
    外國教堂特別靚和細緻

    回覆刪除
  13. 回覆
    1. 中央的大圓穹頂很宏偉,媲美歐洲的大教堂

      刪除
  14. Church靚真係靚<3 !
    有機會去華盛頓州探訪我嘅母校U of Washington campus,我都覺得她好靚㗎,哈哈哈。

    回覆刪除
  15. 一去到就有咁靚的景點,而且仲可以慢慢行,慢慢睇…呢份悠然自得的感覺,對都巿人嚟講算奢侈…

    回覆刪除
    回覆
    1. 森兄講得啱其實都真係幾奢侈㗎,要坐成十幾粒鐘飛機都幾辛苦XXXD

      刪除
  16. 哩間喺教堂好華麗,
    生活形形役役,
    可以放鬆都好架!

    回覆刪除
    回覆
    1. 所以路霸兄都時不時去外遊叉叉電囉^^

      刪除
  17. 係大學入面有間咁宏偉既教堂真係好靚!
    我以前間中學都有一個幾大下既教堂..我都好鐘意~咁當然無呢間咁靚啦!

    回覆刪除
    回覆
    1. 咁外人唔知可唔可以入去參觀?
      澳門真係好多宏偉的教堂,葡萄牙人留下來的寶^^

      刪除
    2. 應該就唔得喇~~~可能連校友都唔得~~~~哈哈~~
      都係既~澳門都有好多教堂~

      刪除
    3. 澳門啲中學係咪一般都幾大?唔似HK果啲火柴箱咁:P
      市區果啲都有去過,下次來要去走走郊區果啲^^

      刪除
  18. 教堂好靚!
    慢活,香港比較難!
    百頭到老,難;百頭到老,且可以相敬如賓,更難!

    回覆刪除
    回覆
    1. 氣氛都好莊嚴....
      都係盡量啦,尤其係放假果陣^^
      樂觀地覺得應該不會難到阿摩wakakaka!!

      刪除
  19. 個教堂咁靚已有大把人講,咁我就唔講咯,但呢篇乜你又寫得咁短嘅?

    回覆刪除
    回覆
    1. 寫短啲唔駛blog友們睇得咁heavy丫嘛^0^

      刪除