2018年1月28日 星期日

舊金山居閑話@Chikara

去旅行總離不開睇靚風景和飲飲食食,基爾是次旅居他鄉也不例外。不過除了在飛機上影過杯雪糕之後,好似都無乜影過開餐相,今勻咁就講少少喱個日系午餐先啦!



這間Chikara Japanese Yakiniku不見有漢字店名,所以唔知中文叫乜名,來到時已過了中午一點但店裏仍有不少人在食lunch……



店面本身都相當闊偌,不過可能午市時段侍應人手不多,只開了半間舖(另外半間沒有開燈),即使只有5-6台客但都要等位。



等位無聊就四周圍參觀下,近廚房喱半邊是bar台格局,半截台面設有烤爐頭相信是for燒肉用。後來果然見有人來吃一人燒肉,香港的一人邊爐就多,一人烤肉好似沒見過。



基爾在港時也沒吃過這類日式燒肉(但在京都食過),類似食韓燒,因為不想食完沾滿一身燒烤味所以今次就沒吃了!反而被佢個Lunch Set吸引,價錢都幾抵食USD$10有交易係咪平過香港?



Menu沒有中文,幸好有英文解說,睇英文大約會知道係豬牛羊定蝦,部分也有圖文並茂唔駛擔心唔識點,而且製成品與照片九成對辦!最後點了上圖喱個Ramen Set……



除了有必備的前菜沙律和海帶麵豉湯之外,仲有一碗炸蝦天婦羅飯(湯碗size)再加一大碗Kotteri Miso拉麵(大湯碗size,有蛋有肉有芽菜)盛惠USD$12.5(HKD$97.5),對基爾而言這明顯已是二人餐份量了,而且味道可以畀78.99分屬中上水平。連嘴尖的基爾媽也大讚這裏吃的飯,算是成個灣區食過的幾間餐廳中最好食的呢!

64 則留言:

  1. 回覆
    1. 喱間我都覺得抵食,份量又多一定食得飽XXXD

      刪除
  2. 咁豐富嘅 Lunch set 都係十幾美金,真係抵食!
    我唸間舖應該都係亞洲人幫襯多...?

    回覆刪除
    回覆
    1. 叫做見識美國人食量一般都幾大,一個set可以夠亞洲人的二人餐XXD
      那區附近我諗都算多亞裔,日韓華印越星馬人應該都多!!

      刪除
  3. 三藩市外食真係有水準架,而且消費好平。當然fine dinner 又係另一會事。

    回覆刪除
    回覆
    1. SF始終華人多,中日韓食肆水準一般都OK唔會太離譜XXXD
      可能因為依家HK本身出街食飯都貴咗好多,所以覺得外地食野依家唔算好貴,差距好像修窄了!!!!
      HK依家fine dining都唔平啦:P

      刪除
  4. 回覆
    1. 真係唔清楚喎,店員亞裔口面但講英文

      刪除
  5. 如果係鬼佬整都算好唔錯.

    回覆刪除
    回覆
    1. 個廚我諗唔係鬼鬼,似日韓華裔都未定?

      刪除
  6. 餐室環境都唔錯,開半間請少d人手,可能覺得客唔多,節省d吧。

    回覆刪除
    回覆
    1. 應該係,可以慳返啲燈油火蠟環保啲之餘,客人集中坐半個廳也較方便侍應上菜和招待,始終外國人工貴,一般只有兩三個待應!
      其實我見依家HK部份客流不多的茶樓,在下午茶時段都會這樣只開三分二間大廳,侍應即使請人少啲人都勉強夠傳菜送點心:P

      刪除
  7. 同名招牌係日本老字號, 有和菓子至烏冬麵食燒肉都有
    有間東京チカラめし,但唔知係咪同集團

    回覆刪除
    回覆
    1. OIC...OIC!!!!@@你唔講真係唔知!!!
      等第時有機會再去遊日,要留意下先

      刪除
  8. 唔錯喎,可以試吓當地的日式餐廳…
    當住慣香港到處都係人頭湧湧,但外國人唔多,食得舒服一點吧~~

    回覆刪除
  9. 唔錯喎,可以試吓當地的日式餐廳…
    當住慣香港到處都係人頭湧湧,但外國人唔多,食得舒服一點吧~~

    回覆刪除
    回覆
    1. 喱間都幾有水準,屋企人食過唔錯所以帶我地去食下囉^^
      森兄一語中的啦!HK出街食飯都幾大壓力㗎,旺市日子要提早好多book之餘,又要食指定餐,有啲餐廳食肆仲要搭枱,又要限時交枱等等,會令人精神緊張食咗都由背脊骨落XXXD

      刪除
    2. 咦......今次森兄個留言無再無端端畀人DQ咗啦喎!!
      安樂晒wakakakaka....

      刪除
    3. 咪安樂住…撳一次唔得,要撳多幾次先post到…
      畀人DQ咗?!!…咁就真係要問吓gael兄有冇做到手腳…擰晒頭~~
      住咗一段時間,咁gael兄適唔適應到當地的生活??!!

      刪除
    4. 森兄啲留言無再出現異常喎,可喜^^
      唔駛擰頭住啦,即使留言被DQ我都要盡力挖返出嚟XXXD
      我諗如果有車牌會易適應好多囉:P

      刪除
  10. 哈哈...很好...菜牌有英文,你喺美國麻😂
    喺美國食日本菜,唔係去鋸扒咩?
    伯母都喺食家喎。

    回覆刪除
    回覆
    1. 方便好多wakakaka.....
      你講開又真係無去鋸扒喎,不過大塊肉我其實都麻麻地,牛我也是一向少食的:P
      不過美式快餐果啲有食過,熱狗包三文治pizza果啲有食,可惜唔見你在德國見到果種孭住個大熱盆一人店隨街流動式賣熱狗小販果隻^^
      佢對食都有要求,尤其係煮飯的水準XXD

      刪除
    2. 我行江湖咁耐,一人熱狗檔真喺得柏林先有,可能食物安全衛生絛例所限,所所許紹雄、梁烈唯都要親身去試下拍攝

      刪除
    3. 若撇開衛生問題,其實喱類街頭賣燒賣式的小食檔都幾適合香港,如果在旺角尖嘴銅鑼灣街頭可以咁樣賣小食,一定大賺XXXXD

      刪除
  11. 去外國會好懷念香港既餛飩麵,次次旅遊返港第一件事就係要食餛飩麵.

    回覆刪除
  12. 大件夾抵食
    而家我見啲鱔稿話抵食lunch都要八、九十蚊

    回覆刪除
    回覆
    1. 係囉,係咪算幾抵,依家HK食個咁嘅餐我諗要過百:P
      大記一個焗朱連嘢飲都要半百啦依家.....

      刪除
  13. 回覆
    1. 一般都係呀....同埋午餐食多啲唔驚囉,反而晚餐唔好食得太豐富:P

      刪除
  14. 美國食野真係好抵!!!
    之前去哥時我表姐帶我去食哥d越車粉都係又平又大碗~~~
    日本餐又抵!

    回覆刪除
    回覆
    1. 不過要畀稅和貼士喎!!....不過馬交依家食野都好貴:P
      我都食過一次越南粉,果邊都幾多越南移民開食店!
      日韓餐我覺得HK食偏貴

      刪除
    2. 係呀...同一個價錢...可能澳門只係食到d垃圾cafe
      係呀係呀!!!法國都有好多!!!好正~~~~~又大碗又抵又好食~
      澳門都貴架!

      刪除
    3. 垃圾cafe<====驚~~~~~希望唔會中伏:P
      法國一定多越僑啦,當年去到唔打工就開餐館最易維生吧!
      話時話呢....如果小t有時間有空閒呢,可唔可以寫返篇blog,整返個你常光顧的心水食肆個list,等我可以print出來keep住參考下^^

      刪除
  15. 食到米飯有種思念感覺嗎?終於不是漢堡喇~~哈

    回覆刪除
    回覆
    1. 都唔會嘅,因為在家中煮也是煮飯食多wakakaka...

      刪除
  16. 這個旅程很豐富,希望還會越來越豐富!

    回覆刪除
    回覆
    1. 生活淡淡似是湖水....其實已好足夠啦!!!wakakakaXXD

      刪除
  17. 洗唔洗整篇食野回敬返你呢?kaka..

    回覆刪除
  18. 78.99分....你俾分俾得咁仔細,要小數點後兩個位...=P

    回覆刪除
  19. 回覆
    1. 可能依家HK食嘢貴咗好多,超日趕美咁滯XXXD

      刪除
  20. 外國食日系餐廳,印像都係不文不類,不過你呢餐講到碗拉麵咁正,算是例外了~

    回覆刪除
    回覆
    1. 可能加州近大城市果啲地方係會好啲,因為始終多華日韓印越裔開餐館^^
      如果係再入內陸好似你地自駕,咁一定無咁多選擇了吧!

      刪除
  21. 喺三藩市我好似冇吃過日本料理,反而在某地方吃過一次韓國餐,仲係韓式生牛扒(tartar steak)…而味道跟鬼佬都差不多,但餐廳裝修就好麻麻!

    回覆刪除
    回覆
    1. 可能近年矽谷果邊多咗好多亞裔專材去搵食,所以一般亞洲餐館水準唔會太離譜,我去果幾間其實環境都算ok,至少地方都比HK果啲蚊型食肆坐得舒服好多啦,一定唔會有A4枱咁細,同埋一定唔會限時限刻要你埋單趕你走!XXXD

      刪除
  22. 所以, 美燦加燦回香港, 食得好求其, 除非去高級餐廳, 才會味道和食材不一樣.

    回覆刪除
    回覆
    1. 其實我覺得一般港燦都係食得好求其,好又一餐唔好又一餐囉,最緊要係食得健康wakakaka....

      刪除