2013年1月4日 星期五

Novotel迆食自助餐@東涌

東涌Novotel的Essence聽聞lunch buffet只$180左右,算是抵食,於是搵左個周末入去試下。



入到東涌在大噴泉等齊人先去酒店,依家東薈城這邊逢周六周日都幾多人來遊逛,再不似幾年前咁靜蠅蠅。



等齊人就入去酒店,地點其實不太難找,穿過商場再落一條電梯就到。由於時間尚早,仲未有太多客,拿拿林去拎野食先!



其實食物種類都幾多,鮮三文魚和煙三文魚都有,但就無生蠔。聽友人講,以前仲有翡翠螺,依家都係無左……anyway,其實依然有好多魚生壽司、冷盤熱葷、羊架烤牛肉燒雞等等,選擇都好多!



喱一堆豆芽是意外驚喜,食buffet成日覺得食太多肉都唔係太健康,又有少少自責,所以拎左一大堆豆芽,感覺上好似健康D!



另一個重點係食甜品,一杯拎完又一杯,真係有超多選擇,咖啡芒果朱古力布甸慕絲杏仁霜咩都有,最重要係拎多件芝士蛋糕,驚一陣會無晒!



結果由12:00pm食到2:30pm,其實食到中段都相當飽了,最後食多兩球雪糕就收手。右上是其中一款西蘭花湯,另外還有中湯;臨走前仲同門口喱棵玻璃聖誕樹影張相。



出返去商場,再行多一陣outlet散步消化下。左圖是商場裏的一棵聖誕樹擺設;右下是外望昂平360的纜車站。周末東薈場真係超多人,裏面的outlet其實也不算平又人多,行一陣就唔想再行了,於搭車出返灣仔,因為仲有下一場……

沒有留言:

張貼留言